As escritoras aragonesas, protagonistas d’a Feria d’o Libro Aragonés

ARREDOL | A Feria d’o Libro Aragonés de Monzón plega t’a suya XVIII edición plena de vitalidat y con bellas novedatz en a suya organización. Ista anyada las protagonistas serán las escritoras aragonesas, tema central esleixiu ta ista edición. Como en anteriors edicions, a Feria d’o Libro Aragonés ye un punto de trobada entre editorials, asociacions, botigas, autors y lectors a on que as luengas d’Aragón y atros temas aragoneses siempre i son bien presents. Marisa Mur, a nueva presidenta d’o Patonato d’a Institución Ferial, qui prene o relevo de Jesús Planas, presentó belunas d’as novedatz ta ista anyada. S’ha …

ARREDOL | A Feria d’o Libro Aragonés de Monzón plega t’a suya XVIII edición plena de vitalidat y con bellas novedatz en a suya organización. Ista anyada las protagonistas serán las escritoras aragonesas, tema central esleixiu ta ista edición.

Como en anteriors edicions, a Feria d’o Libro Aragonés ye un punto de trobada entre editorials, asociacions, botigas, autors y lectors a on que as luengas d’Aragón y atros temas aragoneses siempre i son bien presents.

Marisa Mur, a nueva presidenta d’o Patonato d’a Institución Ferial, qui prene o relevo de Jesús Planas, presentó belunas d’as novedatz ta ista anyada. S’ha creyau a nueva figura d’o Pregoner, que enguerará Luz Gabás, autora de “Palmeras en la nieve”. Tamién se amuga o numero de presetacions que se i ferán, no pasando d’as 25, ta mirar de poder adedicar más tiempo a cadaguna.

En a planta baixa, a d’as exposicions, bi’n habra dos, adedicadas a escritoras aragonesas la una y t’a vida y obra de  50 aragonesas ilustres l’atra. Tamién se i ferá a entrega de dos premios FLA, que encara no se conoix o nombre d’os ganadors.

Como de cutio, no i faltará as actividatz paralelas: pista de chelo, narrativa infantil, tallers, micro representacions teyatrals, conciertos acusticos de collas aragonesas, cenas literarias….

Ta ir calentado motors, mientres o mes de noviembre, Monzón ha teniu o “ciclo FLA”, una serie de trobadas con autors por a on que son pasaus nombres como Ángeles de Irisarri, Patricia Esteban, José Antono Adell u Ros Beret.

Navideas

Por primer vegada, ista anyada a FLA coincidirá con a celebración d’atra feria, Navideas, a on que se chuntarán más de 30 comerciants de regalos, decoración, ropa y calcero entre atras cosas. Istos montarán os suyo puestos en una carpa climatizada a o canto d’a zucrera. Tamién se meterá una pista de chelo ecolochica a on que se podrá patinar por nomas 4 euros. Beluns d’os stands que i participan darán tamién tiquetz ta fer botifueras en ixa dentrada con as compras.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies