Ander Izagirre presenta o libro “Plomo en los bolsillos” en Zaragoza

ARREDOL | O venient 25 de mayo será una chornada especial t’as y t’os ciclistas. Se presentará en Zaragoza o libro “Plomo en los bolsillos. Malandanzas, fanfarronadas, traiciones, aleg­rías, hazañas y sorpresas del Tour de Francia” (Libros del K.O.) d’Ander Izagirre. O periodista vasco ferá un “tour” de presentación  que atura dende o 22 de mayo en Barcelona ta desmbarcar en Zaragoza o viernes 24. O viernes se ferá una presentación d’atros dos libros, “El siglo del pensamiento mágico” d’Ignacio Martínez de Pisón, y “Mi abuela y diez más” d’o propio Ander Izagirre. Dos libros d’a colección Hooligans Ilustrados que …

plomoARREDOL | O venient 25 de mayo será una chornada especial t’as y t’os ciclistas. Se presentará en Zaragoza o libro “Plomo en los bolsillos. Malandanzas, fanfarronadas, traiciones, aleg­rías, hazañas y sorpresas del Tour de Francia” (Libros del K.O.) d’Ander Izagirre. O periodista vasco ferá un “tour” de presentación  que atura dende o 22 de mayo en Barcelona ta desmbarcar en Zaragoza o viernes 24.

O viernes se ferá una presentación d’atros dos libros, “El siglo del pensamiento mágico” d’Ignacio Martínez de Pisón, y “Mi abuela y diez más” d’o propio Ander Izagirre. Dos libros d’a colección Hooligans Ilustrados que se presentarán en a librería Los Portadores de Sueños de Zaragoza (carrera Jerónimo Blancas 4).

O sabado viene o plato fuerte con una chornada-presentación especial. Se celebrará una ruta ciclista dende Zaragoza, pasando por Garrapiniellos, Monzalbarba y Alfoceya ta tornar atra vegada ta Zaragoza, unos 45km asfaltaus que prencipiarán ta toda persona que quiera a las 10.30 horas en La Ciclería Social Club (carrera Gavín 6). En plegar en o mesmo puesto, se chentará aprofitando un tapeu de países d’o mundo que se celebra en bells bars d’o vico d’a Madalena (A Flama, La Otra, Barrio Sur y Birosta).

A las 15.30 horas en La Ciclería Social Club se retransmitirá a etapa dolomitica d’o Giro d’Italia, y a las 18.00 horas se ferá a presentación d’o libro “Plomo en los bolsillos” por o citau autor en o mesmo puesto.

O libro tracta con carinyo y detall as historias tanto trachicas como divertidas arredol d’o Tour de Francia. “Ta l’autor, a machia d’o ciclismo naixe siempre d’ixe misterio que existe dillá d’a muga d’o sufrimiento, y o sufrimiento que imposa o Tour ye de plomo, como en ye a rasmia d’os ciclistas. En ixe equilibrio se mueven os deciséis episodios d’iste libro en o que se descubre a cara B d’o Tour de Francia. Anecdotas que destacan a epica y o sufrimiento d’o ciclismo pero tamién a chenerosidat y chentileza que se desprenden d’iste esporte”.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies