Anchel Conte y Viktor Gómez en as trobadas de poesía d’a Universidat

ARREDOL | Hue y aintro d’o ciclo “Iste chueves poesía” que se fa en a Facultat de Filosofía y Letras d’a Universidat de Zaragoza, os poetas Anchel Conte y Viktor Gómez se trobarán ta leyer belunas d’as obras suyas y charrar sobre a poesía y a literatura. Os dos escritors contan con una ampla trachectoria literaria que, en o caso de Conte, ha teniu l’aragonés como luenga d’expresión. Iste ciclo ye coordinau por Nacho Escuín y leva bellas quantas anyadas amanando a poesía ta universidat y t’os universitarios, contando con muitas d’as primers figuras d’a poesía y a literartura aragonesa. …

O ciclo "Iste chueves poesía", chunta dos escritors cada mes en trobadas poeticas.
O ciclo "Iste chueves poesía", chunta dos escritors cada mes en trobadas poeticas.

ARREDOL | Hue y aintro d’o ciclo “Iste chueves poesía” que se fa en a Facultat de Filosofía y Letras d’a Universidat de Zaragoza, os poetas Anchel Conte y Viktor Gómez se trobarán ta leyer belunas d’as obras suyas y charrar sobre a poesía y a literatura. Os dos escritors contan con una ampla trachectoria literaria que, en o caso de Conte, ha teniu l’aragonés como luenga d’expresión.

Iste ciclo ye coordinau por Nacho Escuín y leva bellas quantas anyadas amanando a poesía ta universidat y t’os universitarios, contando con muitas d’as primers figuras d’a poesía y a literartura aragonesa. Ista será a segunda sesión d’o curso, dimpués d’a que fació de devantadera, que contó con Adriana Bañares y Charo de la Varga. Por a facultat de Filosofía y letras tamién pasarán Enrique Cebrián y Pablo Lorente (aviento); Ramiro Gairín y Sergio Gómez (chinero); Miguel Carcasona y David Jiménez (febrero); Sebas Puente y José Gabarre (marzo); Mariano Anós y Raúl Herrero (abril); y Gabriel Sopeña y José Luis Trisán. (mayo).

A dentrada ye de baldes y libre dica emplir l’aforo y se ferá en a Sala de Chunta d’a Facultat de Filosofía y Letras, prencipiando a las 19.30. Iste ciclo ye organizau por o Vicerrectorau de Cultura y Politica Social d’a Universidat de Zaragoza y conta con l’aduya d’a Facultat y a Librería Antígona.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies