Agüero celebra a fiesta d’as mascaretas y Lituenigo a fiesta en honor a Sant Blas

ARREDOL | Agüero celebra iste sabado a fiesta d’as mascaretas, una d’as primers festividatz carnavaleras d’o Pirineu, y que estió recuperada por os suyos habitadors en 2008, dimpués de decadas sin fer-se. China chana, ista fiesta se ha convertiu en un d’os referents d’os carnavals pirinencos. A chornada prencipiará con o taller de mascaretas que se fa de maitins, a on que qui quiera podrá fer-ie a mascareta que portará de tardis. De meyodiyas  bi habrá caldereta t’o vecinamen, que habrán presto os “pozaleros” u “fieros” ya dende o maitín. A las 20.00 horas plega l’acto central que ye a …

Lituenigo. O lugar baila arredol d’una chera chigant. Foto: Clara García (Arredol)
Lituenigo. O lugar baila arredol d’una chera chigant. Foto: Clara García (Arredol)
Lituenigo. O lugar baila arredol d’una chera chigant. Foto: Clara García (Arredol)

ARREDOL | Agüero celebra iste sabado a fiesta d’as mascaretas, una d’as primers festividatz carnavaleras d’o Pirineu, y que estió recuperada por os suyos habitadors en 2008, dimpués de decadas sin fer-se. China chana, ista fiesta se ha convertiu en un d’os referents d’os carnavals pirinencos.

A chornada prencipiará con o taller de mascaretas que se fa de maitins, a on que qui quiera podrá fer-ie a mascareta que portará de tardis. De meyodiyas  bi habrá caldereta t’o vecinamen, que habrán presto os “pozaleros” u “fieros” ya dende o maitín. A las 20.00 horas plega l’acto central que ye a ronda, ya con toda la chent presta portando as suyas mascaretas y traches, belunos con muita tradición.

Como en atros carnavals de l’Alto Aragón, no i falta muitos personaches sinyalers como os debanditos “pozaleros” u “fieros” que chitan pozals d’augua a la chent, as “mahas”, que gosaban d’estar as mozas casaderas, y que portaban os millors vestuaches t’a ocasión, o caracolero u o monyaco. A mosica i será present tot lo diya con o Salón Dudé. Antimás ista anyada s’aspera un ambient mesmo más festivo, en coincidir a fiesta d’as mascaretas con a de Sant Blás, patrón d’o lugar.

Tamién Lituenigo vivirá una d’as suyas dos prencipals festividatz, a fiesta d’os mozos de Sant Blas. Ista ye una calendata plena de tradicions y d’actividatz de tot tipo. Os mozos (chovens solteros d’o lugar) se reunen ta cenar y chentar dende a tardada d´ayere viernes dica o domingo de nueitz. Istas lifaras tienen puesto en a “Casa de Cultura” y son paradas por os novicios (zaguers mozos que son dentraus en a fiesta).

D’as esferents actividatz que se levarán a cabo entre istos diyas destacan a foguera y a ronda d’o viernes y o tradicional maitín d’o sabado. O viernes de nueitz os mozos enchegan una gran foguera arredol d’a qual s’arroclan totz os vecins d’o lugar ta concarar o fredo d’istos diyas d’hibierno. Una vegada la chent s’ha sacau a fredor d’o cuerpo prencipia a ronda, an que se canta una variedat unica de “jota” aragonesa acompanyada d’a mosica d’a charanga.

O sabado empecipia bien luego con l’aurora que deixa paso dimpués a la llega, en ista os mozos de conchunta con a charanga recorren as carreras d’o chicot lugar recullindo as donacions que a resta d’os habitants les fan, dende diners dica virolla como uegos, chorizos y longanizas u mesmo bell pernil. Iste anyo a colla d’os mozos ye feita por vinticinco personas (incluius os quatro novicios y o mozo mayor).

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies