Adiós a Francisco Carrasquer, l’escritor libertario

Arredol (9/8/2012) | L’escritor libertario Francisco Carrasquer moriba ahiere a los 97 anyos. Carrasquer, naixiu d’Albalate de Cinca, estió Premio d’as Letras Aragonesas en 2006. Principal estudioso d’a figura de Ramón J. Sender, Carrasquer participó en a rispuesta anarquista de Barcelona debant d’a rebelión militar en 1936, y luitó en a columna Durruti. D’a suya participación en a Guerra Civil salió buena parti d’a suya obra d’ensayo, como Ascaso y Zaragoza, riflexión sobre l’anarquismo iberico y a trascendencia d’a muerte de Domingo Ascaso en o desembolique d’a guerra. Trancau en un campo de concentración en Francia dimpués d’a guerra, tornó …

Arredol (9/8/2012) | L’escritor libertario Francisco Carrasquer moriba ahiere a los 97 anyos. Carrasquer, naixiu d’Albalate de Cinca, estió Premio d’as Letras Aragonesas en 2006. Principal estudioso d’a figura de Ramón J. Sender, Carrasquer participó en a rispuesta anarquista de Barcelona debant d’a rebelión militar en 1936, y luitó en a columna Durruti. D’a suya participación en a Guerra Civil salió buena parti d’a suya obra d’ensayo, como Ascaso y Zaragoza, riflexión sobre l’anarquismo iberico y a trascendencia d’a muerte de Domingo Ascaso en o desembolique d’a guerra. Trancau en un campo de concentración en Francia dimpués d’a guerra, tornó ta Catalunya por a persecución d’os nazis en 1943 y estió detenido ta ser ninviau t’Africa.

Dende l’exilio, quan marchó en 1948, publicó parti d’a suya obra literaria dimpués d’a suya primera novela “Manda el corazón”. En 1985 s’instaló en a localidat catalana de Tarraga, an que viviba. Comprometiu con o suyo pensamiento y ideyal estió un gran difusor d’o pensamiento anarquista mientres tota la suya vida. En 2006 o gubierno d’Aragón li feba premio d’as Letras Aragonesas por “a suya obra progresista y radical, muito tiempo silenciada, y que sirve de testimonio eixemplar ta totz os aragoneses”.

Arredol (10/8/2012) | Francisco Carrasquer, un hombre bueno | En agosto de 1935 os chirmans Carrasquer Launed –Félix, que ya heba perdiu totalment a vista, José, l’unico que estudió machisterio y que murió en Corbalán en un combate cuerpo a cuerpo contra as tropas d’o cheneral Franco, y Francisco, o chicot d’os tres– facioron un viache a piet dende Albalate de Cinca enta Os Corrals, población en a que obtenió destín o suyo pai dimpués de salir d’a garchola an heba estau recluyiu por colaborar en a fallida revolución d’aviento de 1934.

O día de Sant Lorient os Carrasquer facioron un café en una terraza d’o Coso de Uesca con Ramón Acín. Lis acompanyaban qualques estudiants de Machisterio. Charroron d’a importancia d’a educación y coincidioron que l’autentica revolución caleba fer-la en o corazón d’o ser humano. Aquella yera a zaguera vegada que veyerían a Ramón Acín. Un hombre bueno –escribió Félix Carrasquer–, talment o millor de totz. Pocos días mas tarde s’establirían en Barcelona con o proposito d’organizar una escuela basada en os prencipios d’a pedagochía libertaria inspirada, fundamentalment, en as ideyas de Francisco Ferrer i Guardia. Facioron realidat o suenio suyo en a escuela «Eliseo Reclus», en a carrera Vallespir, un centro dependient de l’Ateneo d’o Carmen, en o vico d’as Corts. Allí atendioron a quantos centenars de ninos y ninas dica que prencipió a guerra civil.

Francisco Carrasquer [Albalate de Cinca, 1915- Tárrega (Leida) 2012] esfendió chunto a atros diez mil libertarios Barcelona –a ciudat d’os suenios– en chulio de 1936 quan una parte d’os militars se sublevoron contra o gubierno d’a Republica espanyola. Rematada a guerra civil crució a buega francesa. Allí sufrió o rigor d’os campos de concentración. En 1948 s’exilió en Francia y se matriculó en a Sorbona con os diners que le i heba proporcionau a publicación de “Manda el corazón”, una novela d’aimor. Dimpués s’instaló en Holanda y, dende meyaus d’os uitanta viviba en Tárrega, o lugar de María Antonia, a suya muller.Allí li querioron y en 2007, o mesmo anyo que estió distinguiu con o Premio d’as Letras Aragonesas, o concello de Tárrega paró un homenache ta Francisco Carrasquer en o qual tenié a fortuna de participar-ie. Acudié un sabado d’aviento ta charrar de pedagochía libertaria y, a la fin d’o maitín, compartié una mesa redonda con José Antonio Labordeta. Tamién yera Javier Barreiro, l’amigo de Francisco dende fa quaranta anyos.

Francisco Carrasquer yera un hombre menudo, educau, cheneroso y charrín. Estió, sobre tot, un hombre bueno. Dica la fin d’a suya vida estió pendient d’a reedición d’as suyas obras, d’a publicación d’os suyos triballos y d’a difusión d’as suyas ideyas como si s’alimentase de parolas. Dimpués de sufrir as atrocidatz de dos guerras yera –como chilan as suyas poesías– un firme esfensor d’a paz, d’a convivencia y d’a bondat d’o ser humano. Quan li uellabas yera facil endevinar que os suyos uellos yeran feitos t’o goyo, t’a felicidat y t’a chusticia.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies