A información cartografica de totz os municipios aragoneses, accesible en Internet

Arredol | A información urbanistica d'Aragón ye agora más accesible t'os ciudadans. Os ciudadans aragoneses ya pueden acceder, a traviés d’Internet, ta una completa información cartografica de totz os municipios d’o país, gracias a la nueva ferramienta dichital que ha presto lo Gubierno d’Aragón, entre beluns d’os suyos organismos. A información se puede consultar en ista web. Ista ferramienta ye o producto de l‘actualización y consolidación d’o Sistema d’Información Urbanistica d’Aragón (SIUa), un conchunto de ferramientas disenyadas t’a publicación y espardidura d’a información que ya existe en Aragón tocant a instrumentos de planeyamiento urbanistico, y que os suyos obchectivos son …

Fuent: SITAR - Gubierno d’Aragón
Fuent: SITAR - Gubierno d’Aragón
Fuent: SITAR - Gubierno d’Aragón

Arredol | A información urbanistica d'Aragón ye agora más accesible t'os ciudadans. Os ciudadans aragoneses ya pueden acceder, a traviés d’Internet, ta una completa información cartografica de totz os municipios d’o país, gracias a la nueva ferramienta dichital que ha presto lo Gubierno d’Aragón, entre beluns d’os suyos organismos. A información se puede consultar en ista web.

Ista ferramienta ye o producto de l‘actualización y consolidación d’o Sistema d’Información Urbanistica d’Aragón (SIUa), un conchunto de ferramientas disenyadas t’a publicación y espardidura d’a información que ya existe en Aragón tocant a instrumentos de planeyamiento urbanistico, y que os suyos obchectivos son “a transparencia en os desembolique de l’urbanismo y que i participen os intresaus”, seguntes a D.Ch.A.

Dimpués de completar o desembolique d’iste sistema, a Dirección Cheneral d’Urbanismo ha meso a disposición d’o CINTA a información cartografica ta que sia explotada dende Sistema d’Información Territorial d’Aragón (SITAR). Asinas, la ferramienta deixa a disposición d’o ciudadan as cheometrías de clasificación y emplego global d’a tierra, en formato vectorial, en l’aplicación “Descargas” d’o SITAR. D’a mesma traza se puede consultar a traviés d’as aplicacions cartograficas Visor 2D y Cartoteca. Dende istas aplicacions se posibilita a l’usuario a conexión tanto con a información de l’Archivo d’o SIUa como d’os alcuerdos presos por os respectivos Consellos Provincials d’Urbanismo.

L’obchectivo final d’o SIUa ye fer más facil l’acceso t’a información urbanistica t’os ciudadans. Asinas, fruito d’istos treballos, s’han actualizau y amillorau tanto l’Archivo de Planeamiento como lo Visor, antimás de creyar l’aplicación WikiSIUa. As milloras desembolicadas en l’Archivo de Planeamiento permiten conseguir información actualizada, a tiempo real, d’os expedients urbanisticos que son chestionaus por os Consellos Provincials d’Urbanismo. Antimás, se puede consultar y descargar a documentación actualizada d’os instrumentos de planeamiento aprebaus dica aviento de 2011.

Os treballos, que se pueden viyer a traviés d’o Visor d’o Sistema d’Información Urbanistica d’Aragón, penden en a realización de fainas de vectorización y sistematización d’expedients urbanisticos en os municipios que contan con instrumento de planeamiento. De vez, se han feito os treballos que calen ta lograr una mayor seguridat churidica, en incluyir-ie a información d’o vinclo Web de l’alcuerdo que prenió o Consello Provincial d’Urbanismo que pertocase sobre ixe expedient. D’ista traza se puede contimparar a información suministrada.

Con isto, a Dirección Cheneral d’Urbanismo da por rematada la primer fase d’o desembolique d’o Sistema d’Información Urbanistica d’Aragón. A segunda fase se centra en a Plataforma Electronica d’Urbanismo d’Aragón que permitirá l’acceso t’a información urbanistica en tramitación y a millora d’os procedimientos de participación publica.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies