A creixida d’os ríos Martín y Seco deixa esferras por toda la redolada y un desapareixiu

ARREDOL | Una persona ye desapareixida. Bi ha problemas en os retes electricos y d'augua corrient. As plevias que cayoron iste sabado en o Baixo Aragón facioron creixer y rebutir d’o suyo cauz cutiano los ríos Seco (por un regular sin augua) y Martín en un petén y fer toda mena d’esferras por astí a on que pasoron as auguas suyas. Puents, casas, autos, … as perdas son estadas prous grans en lugars como Oliet u La Foz de la Viella, a on que tamién rebutió l’Armiellas. Nueu lugars  Oliet, Arinyo, Albalat, Ixar, La Puebla d’Ixar, Urreya de Gayén, Sant …

O río Martín pasando por Oliet. Foto: Twitter de @O_Lucea
O río Martín pasando por Oliet. Foto: Twitter de @O_Lucea
O río Martín pasando por Oliet. Foto: Twitter de @O_Lucea

ARREDOL | Una persona ye desapareixida. Bi ha problemas en os retes electricos y d'augua corrient.

As plevias que cayoron iste sabado en o Baixo Aragón facioron creixer y rebutir d’o suyo cauz cutiano los ríos Seco (por un regular sin augua) y Martín en un petén y fer toda mena d’esferras por astí a on que pasoron as auguas suyas. Puents, casas, autos, … as perdas son estadas prous grans en lugars como Oliet u La Foz de la Viella, a on que tamién rebutió l’Armiellas. Nueu lugars  Oliet, Arinyo, Albalat, Ixar, La Puebla d’Ixar, Urreya de Gayén, Sant Per de Calanda, Exatiel y Casterló- son antimás con problemas d’augua corrient, en estricallar-se una d’a tuberías que la i portiaba.

Una persona antimás, ye desapareixida dende ahiere, quan a rasmia de l’augua se le levó aintro de l’auto a on que yera. A tamás de que l’auto ya ye trobau, bombers, guardia civil u l’equipo de rescate y intervención de montanya, entre atros, son mirando de trobar-le. O desapareixiu ye un vecín d’Oliet de 48 anyadas.

A creixida ha deixau quantas esferras por tot. Bi ha habiu problemas electricos y en o rete d’augua, s’han esvoldregau puents y muros y qualques carreteras estioron ahiere trancadas a o trafico.Muitos autos, muebles y toda mena de cosas han apareixiu auguas t’abaixo. Arrienda viviendas han teniu tamién problemas en dentrar-ie l’augua, en belunas dica lo teito. As fainas ta apanyar tot lo chandrío prencipioron ahiere malas que se podió.

Autoridatz comarcals y nacionals, como lo conseller de Hicienda, han visitau a redolada en istas horas viyendo as esferras feitas y os treballos que caldrá fer. O president d’a comarca d’o Baixo Martín, Antonio del Río, ha cifrau en 10.000 personas as que podrían haber estau afectadas por as creixidas d’istos ríos.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies