Arredol | Morillo de Galligo y Ayerbe acullen iste sabado 22 o 25 cabo d’anyo d’a Coordinadera Biscarrués-Mallos de Riglos creyada ta luitar contra la construcción de l’entibo de Biscarrués, que menaza dende allora os lugars d’a redolada. A coordinadera a parau buena ripa d’actos ta celebrar o suyo cabo d’anyo que prencipiarán con una marcha a las 9 horadas dende Morillo ta bells lugars d’a redolada como Santolaria u Erés. Dimpués d’a marcha se ferá una chenta popular en Ayerbe que rematará de tardis con un concierto en que i participarán La Ronda de Boltaña y El Último Skalón.
En istos 25 anyos a Coordinadera ha deixau sentir a suya voz en protestas, accions y denuncias legals que han aconseguiu rezagar a construcción de l’entibo que agora menaza unatra vegada con reactivar-se, seguntes anunció o ministro espanyol de meyo ambient, Arias Cañete. O gubierno espanyol pretende licitar parti d’a obra antis que no remate l’anyo.
