ARREDOL | Gamesa, interpresa fabricant d’aerocheneradors, informó ahiere a os treballadors d’a suya intención de trancar a planta de Taust, que ya levaba quatro EREs de suspensión consecutivos.
CCOO ha denunciau que dica iste pasau mes d’aviento, os anuncios d’a dirección de Gamesa iban endrezaus ent’a continuidat d’a planta, encara que con bella dificultat. Muitos treballadors han acotolau dica 18 meses de prestación de desemplego asperando que l’actividat en a fabrica continase.
Dimpués de construir l’aerochenerador G10, a producción d’a planta d’as Cinco Villas se derivó enta atras fabricas, deixando a la planta taustana sin treballo.
O comité d’interpresa irá o venient viernes ta Bilbau a negociar con o Departamento de Recursos Humanos, una vez ubierto o periodo de consultas entre as partes. CCOO insistirá en a continuidat d’a planta taustana.
