ARREDOL | “Construyendo la Primavera Comunera. Escritos militantes” ye o titol d’o libro que se presentará maitin viernes 28 en a librería La Pantera Rossa de Zaragoza, a las 19.30 horas, con a presencia d’os suyos autors.
O libro replega una triga, estructurada por temas, d’articlos escritos por militants d’a organización Izquierda Castellana mientres as dos zaguers decadas. Pablo Arroyo ye qui ha coordinau y editau iste libro que se publicó en Venezuela en 2013, y que incluye treballos de Luis Ocampo Pereira, Doris Benegas Haddad y Elena Martínez López.
A tematica d’os textos ye prou variada. Dende a figura de “Castiella como sucheto politico”, dica “O narcotrafico como economía criminal y control social”, pasando por analís d’os modelos de capitalismo chermano y angloamericano, dica “a guerra antifaixista en l’estau espanyol, son bell quantos d’os afers que se i charra.
