A localidat uescana de Graus acullirá entre os diyas 5 y 8 de chulio a nuena edición d'o festival Nocte.
Os artistas, collas y companyías intresadas en presentar proposas de creyación y exhibición scenica ta participar en o festival pueden fer-lo dica o venient 31 de marzo. O festival estudeará totz os prochectos artisticos documentaus ninviaus dentro d’iste plazo. A información habrá de ninviar-se por email a festival@noctegraus.es, y incluyir ficha artistica y tecnica, vinclos a contenius audiovisuals y condicións economicas.
D’a mesma traza, dica o 30 d’abril s’ubre una nueva convocatoria d’o programa d’hospitalidat artistica Algorines, y por a qual s’ufre a posibilidat a artistas y collas scenicas de vivir y creyar mientras uns diyas en Graus, y d’amostrar o suyo treballo en o festival Nocte.
A edición d’iste anyo se concibe ta que a población y os artistas locals sigan un d’os activos principals de Nocte, un prochecto que destila emocións, y que plena d’entusiasmo a totz y cadagún d’os que prenen contacto con él. Ixa sensación, l’entusiasmo, será o leit motiv d’a nuena edición d’o festival, una iniciativa d’o concello de Graus.
Toda la información y convocatorias en www.noctegraus.es y en a pachina d’o festival en facebook.
Fuent: Arredol.
