ARREDOL | O concello de L’Aínsa (Sobrarbe) ha esdeveniu iste martes en o primer concello en demandar de traza oficial que os ciudadans puedan decidir sobre o modelo d’estau y sobre a continidat d’a monarquía u a plegada d’a republica.
A propuesta estió presentada por a colla municipal de Chunta Aragonesista (CHA) y ha contau con o refirme d’a suya concellera d’a de IU y de dos concellers d’o PSOE, un d’ells l’alcalde. Os atros dos concellers d’o PSOE s’han absteniu, entre que os quatre d’o PP refusoron o dreito a decidir.
En a moción aprebada, “o Concello de L’Aínsa consciente d’a grieu crisi institucional que tien l’Estau espanyol, insta a lo Gubierno d’Espanya a convocar de camín un referendum vinclant a on que os ciudadans decidan librement sobre a forma politica de l’Estau espanyol, a continidat d’a monarquía u a instauración d’a III Republica”.
Ta Agustín Muñoz, portavoz de CHA en o concello “iste ye l’inste de declarar que queremos una Republica como gubierno, que no queremos que D. Felipe de Borbón contine a estela de su pai, que a sangre no ha d’estar a razón ta prener un cargo, que cal que sigan os ciudadans qui decidan”.
