UNESCO alerta sobre a puyada d’a censura de contenius en internet

01 abril, 2014. 18:38

2014-03-27_censura-internet2ARREDOL | Un estudio feito por ista organización charra d'a "privatización d'a censura" a traviés d'os intermediarios d'o rete. Os enantes tecnolochicos y os modelos innovadors de negocio han ubierto oportunidatz t’a libertat d’expresión en o mundo, encara que han surtiu tamién nuevo desafíos en forma de censura, filtración d’información, bloqueyo y cusiramiento en internet. Ista ye una d’a principals conclusions de l’estudio World Trends in Freedom of Expression and Media Development (“Tendencias mundials d’a libertat d’expresión y  o desembolique d’os medios”) el desarrollo de los medios”) feito por a UNESCO con o refirme d’o gubierno sueco, que estió presentau o pasau martes en Estocolmo.

L’estudio advierte de que creixe o control d’os contenius on line que exercen intermediarios d’Internet, como los motors de busca y os retes socials, y que ixo mete en periglo a transparencia d’a libre circulación d’a información y subraya la creixient inquietut que planteya ista “privatización d’a censura”. Seguntes l’informe, os periodistas y atros actors d’os medios informativos on line concaran nuevas menazas relacionadas con a suya seguridat en a esfera dichital.

“A libertat d’expresión ye alazetal t’a dignidat, o dialogo, a democracia y o desembolique sostenible”, declaró la directora chenerald ‘a UNESCO, Irina Bokoca. “Cal que actuemos en o terreno ta enfortir os marcos lechislativos nacionals, ta formar y capacitar a los periodistas y empentar o conoiximiento d’os medios informativos. Hemos de continar refirmando a independencia d’a prensa, promovendo l’aplicación d’estandars profesionals y l’autorregulación”, adhibió.

Una colla consultiva formada por 27 expertos internacionals d’a sociedat civil y o mundo universitario ha colaborau con a UNESCO ta fer iste estudio, que analiza as tendencias en materia de libertat de prensa en virtut de quatre parametros: a libertat d’os medios, o pluralismo, a independencia y a seguridat d’os periodistas. L’informe explora datos comprobables en istas quatre arias dende 2007 en tot lo mundo, fendo prou ficacio en os medios informativos internacionals y a dimensión de chenero d’a libertat de prensa.

Seguntes l’informe, os trangos entabant que s’heban dau en materia de libertat d’os medios ye reculando en rechions que han pasau por transicions politicas y a on que as leis de libertat de prensa no siempre s’han aplicau de traza eficaz.

A tamás d’o largo dominio economico d’un zapau d’interpresas en os medios, tantos tradicionals como onl ine, a puyada considerable d’o numer de fuents y de plataformas informativas ha teniu un impacto positivo en o pluralismo.

L’informe constata tamién que a publicidat estatal u publica siempre tien repercusions en a independencia d’a información y en as trazas de cubrir-la. De traza paralela, os nuevos modelos de chestión que han apareixiu trayen chunto organismos periodisticos independients, como collas sin fins de lucro, que fan periodismo d’investigación.

Firma

Noticias relacionadas

· PUBLICIDAD ELECTORAL ·
· PUBLICIDAD ELECTORAL ·
· PUBLICIDAD ELECTORAL ·