ARREDOL | L'EZLN irrumpió l'1 de chinero del 1994 con a Declaración d'a Selva Lacandona y o subcomandant Marcos como figura mediatica y intelectual de referencia.
Ahiere fació vint anyos d’a revuelta zapatista en Mexico. L’1 de chinero de 1994, o día que entraba en vigor o Tractau de Libre Comercio de Mexico con os Estaus Unius y Canadá, l’Exercito Zapatista de Liberación Nacional (EZLN) irrumpiba en a ciudat de Sant Cristobal d’as Casas, en o estau de Chiapas, dirichius por o subcomandant Marcos. Dimpués d’un par de semanas de conflicto armau que provocó uns trecientos muertos, o president mexicano Carlos Salinas de Gortari decretó un alto o fuego. O movimiento zapatista se proclamaba alavez portavoz d’os indichenas mexicanos y emprendeba un prochecto de transformación politica y social que escayeixió una referencia d’os movimientos altermundistas de tot o mundo.
Audio orichinal d’a Declaración d’a Selva Lacandona (1 de chinero de 1994) en o vidio. Documental “Caminantes” de Fernando León de Aranoa.
