ARREDOL | Dende a pasada nueit a las 21.00 horas, os treballadors de Tragsatec en Aragón s’han enzarrau en a siede prencipal de Zaragoza pa protestar contra l’ERE en a interpresa, que forachitará a 610 personas en tot o Estau. S’ha produciu enzarres tamién en puestos como Madrit, Sevilla, A Corunya u València. Os enzarres se producen de traza “pacifica y reivindicativa”.
L’ERE se zarró sin acuerdo entra as partes. En Aragón, con una plantilla de 200 personas, 9 personas con contracto fixo serán feitas fuera. Totz os treballadors y treballadoras temporals, malas que rematen os suyos contractos, no serán renovaus.
Agora que, en Aragón, a situación economica de Tragsatec ye positiva y se preveyen encargos mientres tot l’anyo 2014, con o que a capacidat productiva d’a interpresa no se veyería reducida.
...
Noticia relacionada: Las plantillas del Grupo Tragsa confirman dos jornadas de huelga contra los despidos colectivos
