ARREDOL | A comedia, escrita por Elena Gusano, se representará en Zaragoza, organizau por o Rolde d'Estudios Aragoneses.
Dingolondango teatro, companyía ansotana, representará en Zaragoza a suya obra “Isto s’afunde” en o Centro Civico Río Ebro (Mª Zambrano 56) o venient 26 d’octubre. A obra será representada con a organización d’o Rolde d’Estudios Aragoneses (REA), aintro d’as actividatz complementarias d’o V Congreso Iberoamericano de Cultura.
A representación forma parte tamién d’o ciclo de REA “Teatro en las lenguas minoritarias de Aragón” que contará con a representación o venient 30 de noviembre d’a obra en catalán “D’un temps, d’un poble“, de Garbinada Teatre, de Mequinenza.
A obra “Isto s’afunde” ye escrita y dirichida por a escritora Elena Gusano y cuenta con a colaboración de l’asociación Ezpela, d’Ansó, y d’o concello ansotano. Aquí puetz consultar mas información.
