ARREDOL | Iste sabado 31 se celebrará en a localidat d’Arandiga a 13ª edición d’a Trobada por a Cultura Aragonesa que todas as anyadas organiza l’Asociación Cultural O Trinquete d’a localidat. En ista edición a naturaleza y o medio ambient serán o tema central.
A chornada empecipiará a las 9.00 d’o maitín con una ruta botanica por a ribera de l’Aranda, guidada por Alfredo Martínez Cabeza, divulgador medioambiental. Dimpués, a las 12.30 horas se realizará a charrada “Fracking, a nueva menaza en o subsuelo“, que tendrá de ponent a David Félez Sola, secretaire de sostenibilidat y medio ambient de Chunta Aragonesista. Tot rematando, a las 13.30 horas se ferá un socalce y se prochectará”Tierra, a pelicula d’a nuestra planeta“. De tardes, a las 18.00 horas continará a programación d’a trobada con una charrada-prochección a cargo unatra vegada d’o divulgador medioambiental Alfredo Martínez Cabeza, “Plantas utils d’a redolada“.
Ya deixando a un costau a parte mas divulgativa, rematando a tarde, a las 20.00 horas se ferá o concierto d’o cantautor Juan Caballero. A las 22.30 horas Ixera Companya Almugavar realizará un pasavillas nocturno por as carreras d’Arandiga, y ya en a medianueit será o momento d’os conciertos de Prau y Groben, y o Dj CrazyBusiness.
As charradas, procheccions y conciertos se ferán en o local de l’Asociación Cultural O Trinquete.
