ARREDOL | L’actividat cultural d’o verano en Fortanet prencipia ista anyada con a devantadera iste viernes 26 d’una exposición de cuadros de l’artista soriana Lola Tajahuerce. L’artista, qui ha feito exposicions por qualques países, amostrará parti d’a suya obra en a Sala d’o Concello dica o 11 d’agosto.
Ista exposición ye una muestra de bellas series relativas a l’estudio d’a color. Se i puet viyer parti d’a serie “armonías y contrastes”, d’a serie “enreligaus” y bells debuixos d’a serie “debuixos”. Son tot series abstractas que l’artista i ha treballau prou tiempo y que tien como principal preocupación a transformación y l’estudio d’a color.
“Lo que prencipió estando un uego frito, ha iu cambiando, redondeando y variando de grandaria”, diz l’artista. O resultau ye una obra en acrilico alegre, vitalista y, más que más, colorista.
