A vaga cheneral d'o 11N ha teniu una d'as suyas grans movilizacions aragonesas en Chaca, an que arredol de 3.500 personas, seguntes as organizacions convocants, han participau iste mierques en una manifestación por o dreito a la vivienda, uns salarios dignos y a posibilidat de continar vivindo en o Pirineu. Baixo o lema “Queremos vivir aquí”, a marcha ha denunciau un modelo economico que convierte as vals en destins turisticos entre que dificulta a vida de qui las habitan y treballan.
Convocada por Vivienda Digna Viello Aragón, CNT, CGT y OSTA, a movilización ha saliu a las 12:00 horas d'a plaza Biscós, an que han confluyiu participants plegaus dende diferents puntos d'o Pirineu, entre ells Sobrarbe.
⭕️ 11N | “¡Queremos vivir aquí!”. Chaca ha salido a las calles de forma masiva en la huelga general por la vivienda, los salarios y servicios públicos. Una manifestación para reivindicar el derecho a permanecer en el Pirineo frente a la especulación y los alquileres abusivos:… pic.twitter.com/su9NrC7RiY
— AraInfo (@arainfonoticias) November 11, 2026
A chornada heba prencipiau muito antes. En Samianigo s'han feito piquets informativos dende as 4:45 horas y un bicipiquete por os poligonos industrials a partir d'as 7:00 horas. En Canfranc Estación -Gara d'os Aranyons-, una cacerolada debant d'o Hotel Estación a las 6:30 horas ha denunciau os grans prochectos turisticos. As dos localidatz han aculliu concentracions debant d'os suyos concellos a las 9:30 horas.
En Chaca, as Mareas Verdes han saliu a las 11:00 horas dende os institutos Pirineos y Domingo Miral, con a participación d'estudiants, profesorau y familias, ta incorporar-se a la manifestación. Seguntes o balanz d'as convocants, o seguimiento d'a vaga ha plegau a o 75% en o Hotel Estación de Canfranc y ha superau o 50% en Educación, con una incidencia menor en hostelería y sanidat.
⭕️ 11N | Canfranc Estación también se ha movilizado en la huelga general. Concentración frente al Ayuntamiento y pasacalles para reivindicar el derecho a una vivienda digna y denunciar la especulación inmobiliaria que dificulta seguir viviendo en el Pirineo: https://t.co/1fYtowKhxG
— AraInfo (@arainfonoticias) November 11, 2026
“Lo Pirineu se vueda de vecinas entre que se plena d'especulación”
O manifiesto leyiu en Chaca ha denunciau a contradicción entre a imachen turistica d'o Pirineu y as condicions de vida d'a suya población. As organizacions convocants afirman que quasi o 60% d'as viviendas se destinan a o turismo u a segundas residencias y que, en Chaca, o 70% d'as viviendas permanecen vuedas buena parti de l'anyo. Son cifras aportadas por o movimiento convocant.
Tamién han sinyalau a precariedat laboral, os alquileres inasumibles y as dificultatz ta cubrir plazas de personal sanitario, docent y d'extinción d'incendios forestals por a manca d'alochamiento asequible.
Entre as suyas reivindicacions figuran a declaración de zonas tensionadas, a regulación d'as viviendas turisticas, recargos fiscals a inmuebles desocupaus, salarios adaptados a o coste d'a vida y condicions laborals estables durant tot l'anyo. Tamién reclaman que as empresas turisticas beneficiarias d'aduya publica garanticen treballo y alochamiento digno a las suyas plantillas.
As criticas s'han dirichiu a lo Gubierno estatal, a lo Gubierno d'Aragón y a os concellos, a qui responsabilizan de no adoptar midas suficients debant d'a especulación y l'encarecimiento d'a vivienda.
A chornada ha rematau con una clamada a mantener a organización dillá d'a vaga: “Nosatras no nos ne imos. Nosatras nos quedamos, nos organizamos y no vamos a aturar-nos”. Una declaración que resume a principal reivindicación d'as movilizacions pirinencas: poder treballar, vivir y construir un futuro en as propias vals.
