Como cada anyo, y ya van deciueito, lo club Barra Aragonesa - Teruel torna a organizar este campeonato “d'o cual ye considerau como esporte tradicional per excelencia en Aragón”. A partir d'as 11:00 horas d'o domingo día 8, en o parque d'Os Fueros “se darán cita los millors tiradores y tiradoras” d'o país en a segunda fase d'o campeonato d'Aragón, que consta de tres fases.
Tamién podrán practicar este esporte toz los aficionaus y aficionadas que lo deseyen, sían u no federados, y en as suyas distintas categorías, dende alevín dica senior con peso variable dende 3 kilos dica l'oficial de 7,257 kilogramos.
“Se trata d'un esporte pa lo cual se requiere no nomás fuerza, sino tamién flexibilidat, coordinación, concentración, velocidat y potencia” apunta Javier Lario, tirador, chuez y monitor amás “de récord provincial” en esta disciplina esportiva.
Lo concellero d'Esportes de Teruel, Jesús Artigot y tamién los integrantes d'o club y d'a Federación d'Esportes Tradicionals convidan “a toz los turolenses a presenciar y participar este domingo en esta trobada d'o cual ye considerau como lo esporte rei d'os chuegos tradicionals aragoneses, dau que ye lo mas conoixiu y practicau” entre éls en o nuestro país.
Lo suyo orichen se troba en o mundo rural cuan os mesaches, y bella cosa menos as mesachas, a modo d'apuesta y diversión, se retaban a lanzar una barra en os descansos d'o treballo d'o campo y d'as pedreras, que amás s'utilizaba pa trencar y mover piedras.
Consiste en lanzar una barra de acero lo mas luen posible, habendo de complir-se bels requisitos pa que lo lanzamiento sía valido. Pa practicar este esporte de fuerza ye necesario diverso material entre lo cual destaca la barra realizada en cuantos pesos y medidas en función d'a edat y categoría d'o tirador u tiradora. La barra de 3 kg ye pa la categoría alevín (10- 11 anyos ), la barra de 4 kg pa la categoría infantil (12-13 anyos ), la de 5 kg pa la categoría cadete (14 – 15 anyos), la de 6 kg pa la categoría chuvenil (16- 17 anyos ) y la de 7, 257 kg pa la categoría senior ( 18 anyos anyos u mas).
