Cuán baixa la ixufrina e acotolau l'estiu. No en sé perque le han meso ixe nome tan fredo al festibal pues puede está que el ambient a Fonz iste cabo semana será prou rusient.
Un cartel asinas no se beyeba dende a primer decada de a Feria del Llibro Aragonés a Monzón. Teatro, machia, conferencias... !Que bueno ! Ya caleba un espazio de sozialización asinas.
Beni-toz-ne mos dizen, fén serbí el pllural, fén una demostrazión de empenta coleutiba, fén un grito a los colectivos y clicas de as redoladas bezinas. Y si, i arribara de chen de Semontano, de la pllana Uesca, de la ribera de A Zinca, Llitera y profés que si, de a Ribagorza.
El biene-te-ne en singular é simbolo de debilidá, perque la nuestra llengua é de toz y de totas y a bezinal cal esfender iste patrimonio nuestro.
Dende istas linias doy las grazias a la chen que a parau tot isto, per ixo tos amuestro iste apegallo que se ba a fé a Fonz en as zagueras añadas setenta. Podez beyé a silueta (el skiline, que é més moderno) de el llugá con a suya ilesia de la Asunzión que mos endica án é feita (fecha que dizen asti). Desconoixco l'autoria d'el dibuxo.
!En han corriu més de cuarenta d'añadas! Pero el mensache contina hoy en istos chobens que organizan el festibal. Encá, encá cal dí: nusatros no mon querín i.
Sirba iste apegallo de homenache a tota a pobllación, a las chenerazións que ban trayé a Panzer, Bella Bestia y Los Suaves. Tamé al toro de fuego, a B regulá, a la Craba Roya, el biache de Toni Collada, la Feria del Renacimiento, a las mullés del teatro, a Agustín Sese, a Juan Carlos Marco, a Jorge Pueyo per fé escllatá tot isto...
Ixufrina, ya puez bufa, que no dixaren de charrá.
