Doscientas fotos ta mirar-se o Sobrarbe d’as anyadas quaranta se pueden viyer dende o pasau viernes en o lugar de Bielsa. A exposición “Ismael Pascual Torres. Fotografías Bielsa y Sobrarbe” se composa de fotos feitas por Ismael Pascual Torres entre 1940 y 1946 en diferents puestos d’a redolada.
A tamás d’o gran vinclo que tenió l’autor con o Sobrarbe, y más que más, con Bielsa y Torla, ye a primer vegada que a redolada aculle una exposición suya. Ista se prolargará mientres quatre meses y conta con dos siedes: en Casa Julio i son as fotos de Bielsa y a parti más amanada t’o lugar y en Casa Larraga as que se facioron en a resta d’a redolada.
A exposición ye estada posible gracias a la donación de materials que ha feito a familia d’Ismael Pascual Torres y a la colaboración d’a DPU y o Concello y o Museu de Bielsa.
Fuent: Arredol
