Iste sabado en Radio Topo plega a tercera edición D'estrela a estrela con más de 15 horas d'emisión en aragonés

Iste sabado 30 de noviembre, si yes en Zaragoza y enchegas o tuyo transistor en o 101.8 d’a freqüencia modulada, qualcosa trucará o tuyo ficacio. Si yes d'as que ascuitas Radio Topo a sobén y conoixes as voces d’as suyas locutoras en sentir-las, ista vegada las trobarás un poquet diferents. A emisión anyal que Radio Topo organiza de raso en aragonés dende 2011, D’estrela a estrela, plega iste venient sabado en a suya tercera edición y lo fa con más de 15 horas d’emisión por debant y record de participación. A radio libre zara­go­zana, que ye celebrando o suyo 20eno …

Entrevista a Fermín Muguruza: "La defensa de las lenguas minoritarias es clave en toda mi carrera"

Mr. Kalajan, colaborador del programa de Radio Topo Fendo Orella, entrevistó a Fermín Muguruza aprovechando el concierto que ofreció en Tutera el pasado 22 de junio dentro de la gira 'No More Tour'. En la entrevista Fermín hace un repaso a los últimos meses de su gira con la banda Kontrakantxa, que le ha llevado a varios puntos del mundo como Diyarbakir, Ramallah, Berlín o Buenos Aires. Fermín también habla de la censura y las dificultades para actuar en algunas ciudades como Valencià o Madrid y de la "no celebración" del concierto en Pirineos Sur. Hace un repaso a la situación …

Fendo Orella se'n va de vacanzas

Anteahiere estió o nuestro zaguer programa d’a temporada y teniemos a honor de tener a Tío Vadillo con nusatros con qui faciemos un chicot repaso d’a temporada y o sucediu. Tamién charremos d’o prencipio d’a XXVI Semana Cultural d’a Madalena y de leyendas aragonesas y os suyos personaches, y ta que practiquetz una mica mas l’aragonés, bells refrans chistavins. Tos comentemos o concurset ta que ganetz una dentrada t’o concierto de Fermín Muguruza d’iste sabado en Tutera/Tudela, con dos dentradas en chuego. Hetz de fer un comentario en o nuestro blog metendo-ie bell enlaz a bella canta de Fermín Muguruza, …

Fendo Orella: 4F, antifaixismo, ecolochía y barucas barrenadas dende o cado

Iste zaguer lunes charremos d'o montache d'o 4F, que feba cabo d'anyo, noticias relacionadas con os episodios de violencia faixista de istos zaguers diyas: a muerte d'o choven militant antifaixista en París, de mans de una colla de neonazis a on que yera un nazi espanyol, y altra mas cercana, d'as companyeras de Radio La Granja, a on que amaneixió pintada la suya frontera con simbolochía nacionalsocialista. Se informó de a situación de Yesa, con a venient manifestación en Sangüesa/Zangoza o sabado 15 de chunyo. Tos convidemos a ir en coritatis en bicicleta por a nuestra ciudat en una fita …

Fendo Orella en a kontrakantxa

A tamás de que se nos atragantó a parte tecnica d’o programa, teniemos una entrevista con una responsable d’o venient Nafarroa Oinez que se ferá a l’atro canto d’a muga, en Tutera/Tudela, y tamién promotora d’o concierto d’o venient 22 de chunio en a mesma localidat nabarra de Fermín Muguruza, Zuloak y Las Culebras en refirme a o mesmo. Tamién tos charremos de tristas noticias d’a futura expulsión d’un immigrant en Zaragoza y d’a detención y agresión a dos mas por parte d’a UAPO. Tamién tos charremos d’as movilizacions contra a “Troika”, o porqué tenemos iste orache tan barrenau, comentando-tos …

Fendo Orella de cursas, mirallos de paper y actualidat mosical

O cabo de semana nos ne fuemos de cursa con a bici y tamien t'o Pirineu a tanyer o chicotén. Charremos de Yesa y a esferra ambiental que se i ye fendo, y d'a zaguera vada educativa. Tos recentemos de a on vien o chiflo, ixe viello instrumento, y como se ha alzau dica os nuestros diyas. Nos acompañó un viello conoixiu d'o programa, que nos presentó lo zaguer treballo de Aspencat "essència", una colla que fa servir a electronica y de vez a laud, cantando en valenciano (catalán). En a zaguer enchaquia de sentir a sección "o mirallo de …

Fendo Orella entre capitalismo, luengas, ateísmo, chiflos y salterios

O zaguer programa vinió calient charrando de l'aumento d'a represión policial en as zagueras semanas en Aragón y a resta de l'Estau, amás de charrar-tos una mica de capitalismo, ixa parola que pareixe que siga viedada de decir en os medios de comunicación y en a carrera. Nos visitó un convidau que nos charró sobre a I Trobada de Salterio y Chiflo en Lasaosa o venient sabado 25, que chirará arredol d'istos dos instrumentos tradicionals. Tos trahiemos as novedatz d'as luengas d'Aragón y atras luengas minorizadas, diemos a bienplegada a una nueva radio libre, Radio Pirineo en o 102.8 FM …

Fendo Orella: a lei de no luengas de Aragón

Iste zaguer programa estió adedicau, mas que mas, a la lei de no luengas de Aragón. Faciemos un resumen d'as Chornadas d'as luengas d'Aragón que paró Nogará mientres a semana pasada: Chorche Paniello nos contó lo primer censo lingüistico en Monzón, se presentó lo vocabulario de Fuencalderas con Fernando Romanos, José Arbués y Chusé Raul Usón, se prochectó una cinta subtitolada a l'aragonés, Gartxtot, orichinal en euskera, se aprofitó lo chueves ta charrar de altras luengas minoritarias en o País con convidadas de Bolivia y Senegal, y ta rematar l'amigo de Asturies que teniemos fa tiempo en Fendo Orella, Carlos …

Fendo Orella entre l'actualidat y a historia

En o zaguer programa charremos de l’actualidat metendo o punto de gollada en o capitalismo (asedio a o Congreso, desastre de Bangladesh, tiroteu de Roma, manifestación d’o 23 d’abril d’a Coordinadera Sindical Alternativa), amás de comentar-tos a movilización contra o nuevo reglamento de circulación en o que respecta a las bicicletas y o zaguer concierto de Soziedad Alkóholika en Zaragoza. En a sección “O mirallo de papel”, o nuestro comapanyero nos comentó y nos desaconselló o libro “Aragón: su identidad siglo a siglo” que regalaba Heraldo de Aragón, editau por o Gubierno d’Aragón y a on descubriemos un exercicio claro …

Ilustración: Carolina de Mur

Fendo Orella especial 23 d'Abril

Teniemos un programa bien pleno, a rebutir de contenius, de raixosa actualidat de o cabo de semana: charremos de a concentracion contra o faixismo que se fació lo sabado, o libro disident que para a biblioteca Frida Kahlo y as companyeras de A Liedrera de Radio Topo, a mani contra os transchenicos...y prou que si as convocatorias en o tocant a la luenga aragonesa de istos diyas. D'altra man faciemos rebilcar a figura de o chusticia d'Aragón, que estió zabucau un 20 d'aviento de 1591. Recentemos un flumen de falordias y leyendas aragonesas, an que amaneixen diapllerons, bruixas, lacuercos y …

¿Fendo Orella tamién ye ETA?

Prencipiemos o programa d’una traza una mica especial, y ye que a colla valenciana Obrint Pas deixan o suyo prochecto de traza indefinida y queriemos alcordar-nos-ne. Faciemos un repaso a l’actualidat, centrau en as declaracions d’a Delegada d’o Gubierno en Madrit, Cristina Cifuentes que relacionaba a la PAH con ETA y pleguemos a la conclusión de que tot ye ETA. Tamién charremos d’a manifestación d’a Marea Azula en esfensa d’os nuestros ríos o pasau sabado. Tamién tos recentemos bells conciertos d’o cabo de semana pasau, os dos en a sala zaragozana Arrebato. O concierto de Mil Motivos y Switch Over …

Fendo Orella: Barrenau & Bergoglio

En o zaguer programa, amás de trayer-tos l’actualidat d’a semana, Barrenau nos contó bellas curiosidatz sobre José María Bergoglio, recientement esleixiu Papa por a Ilesia Catolica. Tamién tos charremos d’a nueva normativa que obliga a las ciclistas urbanas a circular con o casco y tos convidemos a una borina que se celebrará iste viernes en a salaArrebato ta celebrar o punto y final d’o “Cuando el Ebro Suena… disidencia lleva” que remata con a donación d’a recaudación ta l’AV Arrebato y Radio Topo.

Fendo Orella meets Tio Vadillo again

Faciemos un repaso a l'actualidat y a las noticias d'o cabo de semana: socalce y plantero de arbols en o Parque Bruil, II Trobada de o Libro anarquista en Zaragoza ta iste cabo de semana venient en o CSO Kike Mur, y mas desafucios en Chaca que salda con un hombre en l'hespital de Uesca. Tamién repasemos a situacion actual de l'entibo de Yesa y o suyo refús. Presentemos o zaguer treballo de Habeas Corpus "20 años de Rabia, 20 años de sueños", que conta con colaboracions como Xune de Dixebra, Jaume companyer de Ciutat Podrida, Fermín Muguruza dentre altros, …

Fendo Orella y Mate Amargo especial Bolivia

O zaguer programa lo faciemos de conchunta con os nuestros companyers de Mate Amargo y mientras istas dos horas nos miremos d'amanar-tos ta ixe país desconoixiu perdiu entre altiplanos y selvas en Latinoamérica. Charremos d'as nacionalizacions d'interpresas espanyolas por parte d'o gubierno d'Evo Morales, d'o que tamién en recentemos bella parte negativa, como a posible construcción d'una carretera en territorio virchen en a selva, en o Tipnis. Tamién teniemos un convidau en l'estudeo, José de l'asociación cultural Raíces Andinas, con qui charremos, prou que sí, de Bolivia y d'a faina d'a suya asociación.

Fendo Orella en os XIV Premios d'a mosica aragonesa

En iste programa una parte d’os nuestros companyers se’n fue t’os XIV Premios d’a mosica aragonesa ta dar-nos-ne treslau en o programa sobre o sucediu astí. Tos charremos d’atra gala, ista d’os Premios Goya, y tamién d’un articlo sobre indiferencia. Nos ne fuemos enta l’actualidat d’ista pasada semana, con as movilizacions d’a PAH, novedatz y actividatz de Radio Topo y de nuevas tos charremos de Yesa. Barrenau nos trahió en a suya sección aimors homosexuals en os comics, y de convocatorias, tos ne faciemos alcordanza d’a venient movilización d’o 23F y a posible cobertura d’a mesma por parte de Radio …

Fendo Orella: Tocats pel foc

L’actualidat d’ista semana nos empentaba a charrar una vegada mas de Yesa y d’os chabisques d’o PP, pero tamien de cierzo y sinyals, de toros y ILPs, de Santiago Lanzuela y Ada Colau, de represion y carnavals, d’o Papa y asinas-asinas. Con iste fosco present no se si as mias companyeras heban dimitiu como Benedet XVI u se’n yeran idas t’a suya amada Cuba… A ran mosical, presentacion de "Tocats pel foc", o zaguer disco d’o cantautor catalan Cesk Freixas. Sono o disco suyo de raso, chunto con bellas cantas d’os canarios Oi! se arma y os aragoneses Animales Muertos.

Fendo Orella, que a mosica nos acompanye

En o zaguer programa de chinero teniemos un programa muit mosical y cultural. A semana pasada tos presentemos “No Fear” o zaguer disco d’a colla de rap catalana y en catalán At Versaris con qui charremos en una entrevista a traviés de Pau Llonch, miembro d’a colla. Tamién en l’aspecto mosical, tos presentemos o nuevo disco de Def con Dos “España es idiota” metendo-tos a canta d’o mesmo nombre, y recentemos os conciertos que o pasau cabo de semana dioron La Gran Orquesta Republicana en o nuestro país, en Zaragoza y Uesca. Tornó a nuestra sección “O mirallo de papel” …

Fendo Orella y o camín de l'apostasía

En o segundo programa de l'anyo tos charremos de l'actualidat d'os zaguers diyas (corrupción, chuicio a las 11 d'o tellau, censura a SA y a l'Irreductibles Fest en Madrit, fusión d'os premios literarios d'a DGA d'aragonés y catalán y mas cosas). Tos presentemos novedatz mosicals como o nuevo disco d'a colla archentina RDA y o nuevo d'o rap catalán d'At Versaris. En a sección de Barrenau, que ocupó a mayor parte d'o programa, tos recentó o suyo proceso d'apostasía y as suyas sensacions dimpués de fer-lo. Rematemos con un texto d'Eduardo Galeano y nos despidiemos de traza incendiaria con a …

Fendo Orella entrevista a Camille

Encetamos l’anyo con una entrevista a Camille, chovena colla que nos trayo ta l’estudeo o soniu d’o suyo sudor-core reculliu en Xuto, segundo treballo d’a colla que presentaran iste sabado 19 de chinero en l’AV Arrebato. Nos minchemos quasi de raso o tiempo d’o programa con ista sucosa entrevista, allora que no nos ne quedo que ta fer breument un repaso a las chornadas organizadas por A Enrestida sobre Prochectos de comunicacion en luengas minoritarias, a o Festival Zapatista organizau por Caracol Zaragoza y as novedatz tamien en o mundo ciclista. Con una canta traducida de Chavela Vargas nos despidiemos, …

A Enrestida organiza las Chornadas de Prochectos de comunicación en luengas minoritarias

Desde el jueves 10 hasta el sábado 12 de enero A Enrestida organizará unas interesantes jornadas alrededor de diversos proyectos de comunicación en lenguas minoritarias. Durante los tres días se realizarán una serie de charlas cuyos protagonistas serán distintos proyectos de comunicación. Los actos tendrán lugar en el CSA A Enrestida, en el callizo San Cristobal del barrio zaragozano de La Madalena. Fendo Orella, programa radiofónico de la radio libre Radio Topo, será el encargado de inaugurar estas jornadas el jueves 10 a las 19.30 horas. El viernes 11, a la misma hora, AraInfo estaremos juntos a nuestros compañeros y …

Despide o 2012 con l'especial cabo d'anyo de Fendo Orella

Fendo Orella se llena de orgullo y satisfacción en estar o zaguer programa de Radio Topo de l’anyo. Toda una honor despedir o 2012 con "l’especiaaaaaal cabo d’anyooooo" que somos guisando, con bien d’ingredients y bien barrachaus: sobre o nadal en Aragon, concurso, tronca de nadal, noticias absurdas, interpretacions penibles, villancicos, alicatadas, viaches t’o caribe, campanadas… y igual como siempre, de raso en aragones. Y como que no queremos descuidar a mosica en ista enchaquia tant sinyalera, punchando soque en vinilo tendremos a Dj Chesuscrito.

Fendo Orella d'actualidat con Universidat, 20 d'aviento, Yesa, AE y Keny Arkana

Deceno programa d’ista temporada 2012/13 en a semana que se fan 421 anyadas d’a decapitacion de Juan de Lanuza, un represant d’o colectivo Universidat nos informa d’as actividatz que han organizau ta remerar ista calendata tant fosca t’as aragonesas. Y con ell nos quedemos a resta d’o programa ta fer un repaso a l’actualidat d’istos diyas, con especial ficacio en a manifestacion “Inundemos la CHE” d’o sabado. Mosica d’os castellans Diablo Cojuelo, abanz d’o suyo nuevo treballo que busca financiacion a travies de crowfunding, y d’una colla que nos ha feito muito goi trobar-nos,  en aragones O cauz de Camille. …

Fendo Orella contra Yesa iste 15 d'aviento y chapurriando con Tio Vadillo

Nueno programa d’ista temporada 2012/13 do a truca d’as voces que por un regular femos o programa, en teniemos dos nuevas de dos convidaus. O primer d’ells Raul, un choven d’Artieda que nos reconta como son as cosas por o suyo lugar y nos convida a la manifestacion contra l’entibo de Yesa d’iste sabado 15 d’aviento en Zaragoza; y o segundo, l’ilustre con qui femos a parola cada mes en Chapurriando con Tio Vadillo. L’aragones estio present fa bellas semanas en o programa "Do de llengües" de Catalunya Ràdio. Una breu falca d’alto u baixo 5 minutetz, pero que en …

Fendo Orella d'estrela a Barrenau, de risas y fateras

Uiteno programa d’ista temporada 2012/13. Quasi sin tiempo ta descansar-nos y encara escamallaus mentalment por a emision d’estrela a estrela (2) d’o pasau sabado, teniemos un programa mas difuso que por un regular con muitas risas y fateras. Prencipiemos deixando as nuestras impresions chenerals sobre as 15 horas d’emision de tot en aragones que se facio en Radio Topo o pasau sabado. D’estrela a estrela (2) estio un exito de tot, norabuena a totz y todas as participants!

Radio Topo emite de raso en aragonés por un diya

ARREDOL | 1 d’aviento, Radio Topo 101.8 ferá a suya emisión especial “D’estrela a estrela”. Mientres tot lo diya se ferá una programación de raso en aragonés. Ista ye a segunda edición d’ista iniciativa que naixió l’anyada pasada y que contó con más de 10 horas de programación que se puet ascuitar en o blog de Fendo Orella, programa organizador de l’evento. En ista edición, a programación se prolargará por más de 15 horas, prencipiando a las ueito d’o maitín con “Sona o revel”, un programa menau por o presentador cutiano de “El Kantamañanas”. Contino i pasarán beluns d’os programas …

Fendo Orella entre libros y telefonos

Seteno programa d’ista temporada 2012/13. Fendo honor a o nuestro nombre, nos fotiemos quasi de raso o programa fendo orella a o canto de l’auricular d’o telefono. A primer gritada nos la facio a nuestra corresponsal en Bolivia, en directo de tot, ta charrar-nos por alto d’a reyalidat social que se i ye trobando. Una voz d’o programa que trobabanos a faltar, pero que sono luen luen como ye ixe continent… A segunda gritada le’n faciemos nusatras a o periodista Chorche Romance, qui nos aduyo a analisar os resultaus d’as pasadas eleccions catalanas, mas que mas con l’anvista mesa en …

Sabado 1 d'aviento: Emisión especial en aragonés “D’estrela a estrela” (2)

Un forau en o gudron d’una carrera, qualsiquier carrera d’ista ciudat. Un chito bi creix con os suyos quatro petalos. Quatro febles petalos royos que ya acucutan enta alto. Feble flor naixida d’una simient que viacho en o melico d’o cierzo. Mala yerba que creix con o permiso de dengun. Mala yerba que fa tranya en ista feble luenga de quatro petalos. Continamos con a delera d’emplir-lo tot de flors. Que o cierzo bufe concietero, que a simient viache enta qualsiquier forau de qualsiquier carrera d’ista ciudat. Que l’anyo venient tornen a acucutar os suyos quatro febles petalos royos.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies