Avatar

ARREDOL

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)

    Artieda esfendió en as Cortes a oposición t’o recreiximiento de Yesa

    ARREDOL | Iste martes, o recreiximiento de Yesa ye estau lo protagonista en a Comisión de Comparecencias y Demandas Ciudadanas. Os vecins d’Artieda representaus por o suyo alcalde Javier Jimenez y por Serchio Palacín en representación d’os Chovens d’Artieda han preso a parola en un primer inte, esfendendo o suyo dreito de continar vivindo en o lugar y tenendo as tierras d’os vecins y d’o concello, agora expropiadas ta fer-ie as obras. Tamién convidoron a todas as collas parlamentarias a visitar o lugar y a redolada ta conoixer-lo y viyer os problemas sobre o terreno. O representant d’os chovens preguntó …

    Fomento podría fer desapareixer once linias de tren por Aragón

    ARREDOL | O ministerio espanyol de Fomento podría fer desapareixer mesmo once d’as linias de tren que comunican Aragón. Asinas informaba hue El País con un documento de INECO, consultora d’o ministerio espanyol de Fomento, encargada de fer un estudio d’a rentabilidat economica d’as linias de tren de RENFE en tot l’estau. Zaragoza ye a ciudat más afectada de l'estau. Uesca, Chaca, Teruel, Monzón, Ariza y Calatayú tamién pierden linias. O documento fa un analís d’os rans d’ocupación y rentabilidat d’as diferents linias y proposa, seguntes ixos datos, sacar-las u retallar a suya ufierta. O documento trestalla as linias en …

    Se celebró en Zaragoza o III Campionato Iberico de Bikepolo

    ARREDOL | O pasau cabo de semana 11 y 12 de mayo se celebró o III Campionato Iberico de Bikepolo en a ciudat de Zaragoza. Vint equipos venius dende Barcelona, Madrit, Bilbau, Vitoria, Alicant, Valencia y Zaragoza s’enfrontinoron mientres o sabado y domingo ta conoixer a los millors d’a peninsula y aconseguir una plaza t’o Campionato Europeu de Bikepolo que se celebrará iste verano en a ciudat polaca de Cracovia. O campionato tenió puesto en o colechio publico Zalfonada a on se metioron dos campos de chuego, taller d’autorreparación y puesto con bebida y mosica. O viernes diya 10 se …

    “Aragón musical” quiere conoixer os costumbres mosicals d’os aragoneses

    ARREDOL | Por tercer anyada, o colectivo Aragón musical ha prencipiau una enqüesta popular ta conoixer os costumbres mosicals d’os aragoneses. A enqüesta se fa con a enchaquia d’o Diya internacional d’a mosica, que se celebra o venient 21 de chunio, y a on que se ferán publicos os datos conseguius. Bi ha dos menas d’enqüestas. La una endrezadas t’os mosicos y l’atra más ampla, ta os “usuarios d’a mosica”. Con istas enqüestas, o colectivo quier “conoixer a nuestra realidat mosical d’agora y contimparar-la con la d’as anyadas anteriors“. Se puet participar-ie dica lo venient 7 de chunio. En a …

    Pirineos Sur presenta a suya programación

    ARREDOL | A Val de Tena tornará a estar o scenario de Pirineos Sur, Festival Internacional d’as Culturas que fa a suya XXII edición pleno de rasmia y con una apuesta arriscada y fuerte por as mosicas d’o mundo. As metropolis y a “mosica urbana” protagonizarán ista anyada dende o 12 dica o 28 de chulio o festival. “Nos centraremos en as mosicas urbanas, en as que naixen y se cuecen en as grans ciudatz, fruito de diferents realidatz y mezclallos”. “Ye en as grans ciudatz a on que trobamos muitos d’os creyadors d’as mosicas populars d’agora. Lo que ye …

    Firme presencia d’a mosica aragonesa en o VI Galve Rock

    ARREDOL | O VI Galve Rock plega iste sabado 11 con firme presencia de collas de rock furo aragonés y con l’actuación de Boikot como colla estrela. Mientres más de dotze horas, rock, punk u ska sonarán en iste lugar d’a Comunidat de Teruel. A dentrada ye de nomás 12 euros. Antimás de Boikot, por o Galve Rock pasarán as collas No konforme, tamién de Madrit, Skartxoak, d’o Mayestrato, Ni zorra, de Galv y Escuita, Omeveigues, de Valderoures, Hermanos Alasarmas, de Mont-Reyal y Kontusión, de Zaragoza, emplindo asinas o cartel de mosica aragonesa.

    S’apreba a lei de no luengas

    ARREDOL | O guión fue como yera previsto y o gubierno refirmau por o Partiu Popular (PP) y o Partiu Aragonés (PAR) ha aprebau con os suyos votos a modificación d’a Lei de emplego, promoción y protección d’as luengas propias d’Aragón, conoixida en ista versión como lei de no luengas, en no reconoixer por o suyo nombre a existencia de garra atra luenga que no siga lo castellano. Dimpués d’una charrada de Maria Jose Ferrando, a coordinadera d’a ponencia d’a lei, a on que detalló o proceso que siguió ista, ha plegau o turno d’a oposición, representada por PSOE, CHA …

    O rete se fa la mofla d’as denominacions de LAPAO y LAPAPYP t’o catalán y l’aragonés

    ARREDOL | As denominacions imposadas por o Gubierno d’Aragón, en contra de totz os criterios filolochicos, ta l’aragonés y o catalán, han estau mientres as zaguers horas a enchaquia ta que muitos usuarios d’os retes socials se’n haigan feito a mofla. Os embolicaus nombres inventaus por o gubierno refirmau por PP y PAR son Luenga Aragonesa Propia de l’Aria Oriental (LAPAO) ta lo catalán y Luenga Aragonesa Propia d’as Aria Pirinenca y Prepirinenca (LAPAPYP). Istos son os nombres que figurarán en a modificación d’a Lei de Luengas que pareix que s’aprebará o venient chueves 9 de mayo. Ya dende feba …

    Presentación d’o comic en aragonés: “Harry Clever, o detective mas peligarcero d’a ciudat”

    ARREDOL | Huei, chueves 2 de mayo, en La Pantera Rossa (carrera Sant Vicent de Paúl 28, Zaragoza) son o diya y puesto trigaus t’a presentación d’un nuevo comic con un ingredient especial, ye en aragonés. O comic se diz 'Harry Clever, o detective mas peligarcero d’a ciudat', editau por Magorías Acetas, y se presentará a las 20.00 horas en o citau puesto. A presentación será feita por o periodista Oscar Senar chunto a os autors, Chema Cebolla como guionista y debuixant, y Silvia Cebolla y Roberto Gracia como traductors. O comic de Harry Clever ya leva mas de 15 …

    Coordinadera Sindical Alternativa: "Somos debant d’o saqueu d’os recursos d’os pobres t’os ricos"

    ARREDOL | Ahiere a las 12.00 horas en o Paraninfo de Zaragoza yera a hora trigada ta empecipiar a manifestación convocada por a Coordinadera Sindical Alternativa formada por os sindicatos Confederación Cheneral d’o Treballo (CGT), Confederación Nacional d’o Treballo (CNT), Sindicato Obrero Aragonés (SOA), Colectivo Asambleario de Treballadors d’Aragón (CATA), Intersindical d’Aragón (IA) y Colectivo Unitario de Treballadors (CUT) con o lema “O 23 d’abril no tenemos cosa a celebrar y nos van a ascuitar“. A movilización teneba a fin “d’expresar a las autoridatz que os aragoneses y aragonesas tenemos cada vegada menos motivos de celebración” demandando tanto a derogación …

    As navatas tornarán a baixar por o Galligo

    ARREDOL | A baixada de navatas por o río Galligo ha esdeveniu un d’os acontecimientos culturals más sinyalers d’a primavera aragonesa, antimás d’os más emocionants. En ista XI edición d’as Chornadas por o Río Galligo s’ha enamplau o programa cuanto a anteriors edicions y s’han adhibiu bellas novedatz. As actividatz prencipioron o pasau 20 d’abril con una marcha por a redolada de maitins. A tardi continó con una visita t’as arnas de l’apicultor Martín Rufas y bellas tastadas de vin, biera, chelaus, aceite y atros productos feitos en l’Alto Aragón, en a 5ena feria d’os liquidos sagraus d’a Mediterrania. O …

    Pasavillas contra os transchenicos en Zaragoza

    ARREDOL | A semana de luita contra os transchenicos y por a soberanía alimentaria se fació vistera iste sabado por as carreras d’o centro zaragozano con un pasavillas que marchó dende Sasera dica la Plaza José Sinués, a on se feba un mercau agroecolochico. Bellas decenas de personas han espardiu lemas contra os transchenicos, a transnacional Monsanto, una d’as principals interpresas productoras d’ista mena de cautivos, y por a soberanía y a seguridat alimentaria. Vistius de mazorcas de panizo, abellas u agricultors, y con una colla de percusión, aturaban debant d’o McDonalds d’o Coso, debant d’a uellada alparcera de muitas …

    A PAH retira a ILP contra os desafucios “porque o PP la ha desvirtuada”

    ARREDOL (vía VILAWEB) | A Plataforma d’Afectaus por a Hipoteca (PAH) y as entidatz promotoras d’a ILP por a dación en pago retroactiva, a paralización d’os desafucios y o loguer social denuncian que o texto no replega o conteniu que heba presentau a PAH y que o PP ha aprofitau a tramitación parlamentaria ta desvirtuarlizar-ne as proposas. "A proposa d’o PP ye una mofla a os intreses d’as personas afectadas por procesos d’execución hipotecaria y a la sociedat en tot o suyo conchunto. Un truco mas, a efectividad d’o dreito a una vivienda digna queda supeditau a os intreses d’as …

    Os estudiants de FP habrán de pagar dica 245 euros por os suyos estudios

    ARREDOL | A mida ye estada criticada por bells sectors. En Madrit y Catalunya ya cal pagar tasas parellanas. Os estudiants que faigan bell estudio de Formación Profesional de grau superior a partir d’o curso 2013-2014 habrán de pagar una matricla de 35 euros por modulo formativo dica un maximo de 245 por curso completo. Ye a primer anyada que s’establirá ista mida en Aragón. Dica agora l’alumnalla d’istos estudios pagaba nomás una chicota cantidat en concepto de seguro escolar y matricla. Ta chustificar iste pago, o director cheneral de Ordenación Academica, Marco Rando, ha explicau que os estudios de …

    Educación zarra aulas en a escuela publica y en concierta una con un colechio catolico de Val d’Espartera

    ARREDOL | Educación calcula que en iste curso bi habrá 373 ninos y ninas menos en as aulas. O Departamento d’Educación, menau por Dolores Serrat, dió ahiere novedatz cuanto a las plazas que se ufrirán en o curso 2013-2014 en a ciudat de Zaragoza y os suyos arredols. Entre as novedatz, bi ye o zarre de bellas quantas aulas en bellas escuelas. Rosales d’a Canal baixará de 5 a 3, y se zarrará un aula en os colechios Zalfonada, El Espartidero y Octavus, iste zaguer en Utevo. A noticia plegó en a Comisión de Guarancias d’o proceso d’escolarización a on …

    Toda la oposición deixa la ponencia d’a lei de no luengas en as Cortz d'Aragón

    ARREDOL | Dimpués d'as parolas d'a coordinadora d'a ponencia, Maria José Ferrando, todas as collas parlamentarias demandoron que se le sustituyise. A ponencia que ha d’estudiar y debatir a reforma d’a lei de luengas no ha puesto continar como yera previsto. Os tres partius d’a oposición en as Cortz han decidiu d’albandonar a ponencia. Asinas, no se cumple o regle ta continar con a ponencia que diz que han d’estar-ie representaus a metat más uno d’as collas parlamentarias. Ista decisión la han preso dimpués de no cumplir-se a demanda que facioron os tres partius (PSOE, CHA y IU) de que …

    Os treballadors de Casting Ros en Utriellas fan una acampada contra a externalización d’o mantenimiento

    ARREDOL | En a interpresa treballan más de 300 personas y ye una d'as principals d'a redolada. Más de quaranta treballadors d’a interpresa de fundición ta autos Casting Ros, con siede en Utriellas (Cuencas Meneras), han prencipiau una acampada ta refusar a externalización d’os servicios de mantenimiento d’a planta. Ista mida se refusó en as asambleyas que se celebroron iste pasau domingo y afectaría a quaranta y dos treballadors que pasarían a pender d’una interpresa de Vizcaya. Os treballadors temen que ista externalización no siga que a primer de atras que podrían plegar. “A la fin en Casting Ros no …

    Cultura da una subvención ta un libro en una luenga que no existe

    ARREDOL | O Departamento de Educación, Universidat, Cultura y Esporte d’o Gubierno ha feito publicas en o BOA (Boletín Oficial d’Aragón) d’iste miercols as aduyas que concede lo gubierno en una subvención ta asociacions y fundacions. Entre ellas, una truca especialment lo ficacio, en estar concedida t’a publicación d’o libro “Antolochía Lliteraria en Aragonés Oriental II” por una valura de 500 euros a favor de l’Asociació Cultural Lliterana “Lo Timó”, con siede en Altorricón (El Torricó, en catalán). “Aragonés oriental” ye o nombre que fa servir ista y atras asociacions, por un regular integradas en a FACAO (Federación d’Asociacions Cultural …

    PP y PAR preban de zarrar as Cortes quan se i debatan “afers conflictivos”

    ARREDOL | Os dos partius que refirman o Gubierno d’Aragón, PP y PAR, quieren viedar a presencia de publico en os Plenos d’as Cortes d’Aragón a on que se vaiga a charrar de “afers conflictivos”. Asinas lo facioron saber iste martes en rechistrar una esmienda t’o nuevo reglamento d’as Cortes a on que demandan que se prenga ixa mida. A mesa d’a cambra, presidida en ista lechislatura por Jose Ángel Biel (PAR), podrá viedar a lo publico l’acceso t’a tribuna quan “preveiga de traza suficient que en una determinada sesión d’o pleno puedan producir-se beluna d’as alteracions reguladas en o …

    52 peliculas en a XIII Muestra de Cine Realizau por Mullers en Uesca

    ARREDOL | Ahiere s’engueró ista muestra en o salón d’actos d’a Diputación de Uesca. A muestra ye presta por o Colectivo de Mujeres Feministas de Uesca y o Grupo de Mujeres de Sobrarbe, y consta de 52 peliculas de diferents nacionalidatz, entre ellas aragonesas, amás d’a resta de l’Estau espanyol, y l´Estau francés, Mejico, Marruecos, Estaus Unius, Liban, Suecia, Noruega, Inglaterra y Alemanya. As peliculas, curtometraches, documentals y largometraches, de diversa tematica, tamién s’han puesto viyer, en parte, a semana pasada en Boltanya y Lalueza. A muestra se desembolicará dica o diya 17 de marzo tanto en o teatro Olimpia …

    Prencipia a campanya ta prevenir y luitar contra os incendios

    ARREDOL | Iste chueves se publicaba en o BOA (Boletín Oficial d’Aragón) a orden ta prencipiar a fer funcionar a campanya ta prevenir y luitar contra os incendios. Ista mida afecta a totz os terrenos definius como mont igual como qualsiquier terreno de qualsiquier mena en una francha de 400 metros arredols d’istos. A epoca fixada como “periglosa” prencipia o venient 15 de marzo y se prolarga dica o 15 d’octobre. Mientres ixos diyas no se concederán autorizacions ta fer cremas agricolas y forestals u de repuis vechetals, fueras d’as que tiengan como obchetivo privar mals causaus por plagas u …

    O CPR de Uesca ufre un seminario t’o profesorau sobre a luenga aragonesa

    ARREDOL | O CPR (Centro de Profesorau y Recursos) de Uesca ha programau un Seminario t’o profesorau de luenga aragonesa que se desembolicará en tres sesions, prencipiando iste 8 de marzo. As atras dos serán o 12 de abril y o 24 de mayo, todas en o CPR de Uesca. Entre os obchetivos d’o seminario, bi ye amillorar a docencia d’o profesorau d’aragonés a traviés d’as nuevas tecnolochías, dar a conoixer recursos, materials y propuestas que aduyen a fer más rica a fayena de docencia de l’aragonés u intercambiar informacions y problematicas entre o profesorau. O seminario ye endrezau t’o …

    Tres comarcas aragonesas en esfensa d’a linia de ferrocarril Zaragoza-Teruel

    Arredol | Os alcaldes d’as comarcas de Campo de Carinyena, Campo de Daroca y a Xiloca se reunioron en Ferreruela d’a Uerva (Xiloca) en esfensa d’o ferrocarril d’a linia Zaragoza-Teruel, vital ta evitar a despoblación d’as suyas comarcas. Demandarán una entrevista con Rafael Fernández de Alarcón, consellero d’Obras Publicas, Urbanismo, Vivienda y Transportes d’o Gubierno d’Aragón con a fin de que aclare quál ye l’esvenidero d’ista linia. Seguntes istos alcaldes, en istas comarcas existen uns 80 lugars, existe prou trafuca sobre l’esvenidero d’a linia, pues no saben si se sacarán trens u se trancará a linia, encara que creyen que …

    A cultura d’as navatas declarada Bien d’Intrés Cultural

    ARREDOL | Se une asinas a la Contradanza de Cetina y a transuancia como Biens d'Intrés Culturals inmaterials. O Gubierno declaró iste martes “a cultura d’as navatas” como Bien d’Intrés Cultural Inmaterial. Se une asinas a la contradanza de Cetina y a la trasuancia en la chiqueta lista de BIC’s d’Aragón. A D.Ch.A. quier, con iste nombramiento “reconoixer y protecher una actividat tradicional y que constituye parti esencial d’o nuestro patrimonio etnolochico y que contina vida con a celebración anyal de baixadas de navatas” por bells rios aragoneses como o Galligo, a Cinca u l’Aragón. As navatas son embarcacions formadas por …

    O recreiximiento de Yesa, cada vegada más qüestionau

    ARREDOL | Os movimientos de laderas en l’entibo de Yesa han feito qüestionar istos diyas, una vegada más, a seguridat de l’entibo y d’as obras que se son fendo-ie t’o suyo recreiximiento. Muitas voces veniban avisando dende fa anyadas d’os posibles periglos y, en zagueras, pareix que as suyas razons son más plateras que no nunca. Dende que prencipioron as obras se han produciu bells quantos movimientos de tierra y han apareixiu brecas, belunas de muita grandaria. Manimenos son istos zaguers movimientos los que han levau a fer desaloixar 60 viviendas de dos urbanizacions – El Inglés y Lasaitasuna – …

    L’aragonés estió present en a feria Expolangues

    ARREDOL | A luenga aragonesa estió present, por primer vegada, en a  más gran Feria Internacional adedicada t’a diversidat lingüistica, Expolangues, Exposición d’as luengas y as culturas, que ha celebrau a suya 31 Edición en París entre o 6 y o 9 de febrero, baixo o patrocinio d’o Parlamento Europeu. Expolangues ye una plataforma ta promover o multilingüismo a traviés de trobadas, intercambios y iniciativas. O profesor y escritor Chuse Antón Santamaría, miembro tamién de Rolde de Estudios Aragoneses y Consello d’a Fabla Aragonesa, bi presentó a ponencia “Cuaranta anyadas d’edición en aragonés y catalán d’Aragón”, aintro d’a mesa redonda …

    Os estudiants d’instituto continan con as protestas en o tercer diya de vada

    ARREDOL | A vada d’estudiants d’instituto plega t’o suyo tercer diya con protestas convocadas por tot lo país. O seguimiento seguntes os organizadors ye estau prou altero, puyando d’o 70%. En muitos institutos s’ha plegau dica un 90%, estando más seguida en os cursos superiors y en os ciclos formativos (Formación Profesional). A vada ye estada convocada a ran estatal por diferents colectivos y organizacions estudiantils. Iste miercols, una manifestación de miles d’estudiants marchaba por o Paseu Independencia baixo lo lema “Contra as retalladas, no a la lei Wert, abaixo lo gubierno d’o PP”. Hue, una atra manifestación prencipiará a …

    Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

    ACEPTAR
    Aviso de cookies