Avatar

ARREDOL

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)

    O Parque Natural d’a Sierra y as Foces de Guara aconsigue o premio Eden 2012 d’a UE

    ARREDOL | O Gubierno d'Aragón replegó antes d'ahiere en Bruselas iste premio por l'accesibilidat turistica d'o parque natural. O Parque Natural d’a Sierra y as Foces de Guara recibioron a pasada nueit en Bruselas o premio Eden 2012 d’accesibilidat d’a Unión Europea. L’acto se realizó en o Parlamento Europeu, y acudioron representando a o Gubierno d’Aragón o director cheneral de Conservación de Medio Natural, Pablo Munilla y a directora cheneral d’Acción Exterior y Cooperación, Blanca Solans. O premio Eden (Destins Europeus d’Excelencia) reconoixe a labor d’o Gubierno aragonés con l’accesibilidat turistica y o compromís d’o Parque con a sostenibilidat social, …

    O tifón Haiyan deixa mas de 10.000 personas muertas en Filipinas

    ARREDOL | As autoridatz filipinas cifran en mas de 10.000 os muertos por o tifón Haiyan. A ONU ninviará aduya mediant alimentos y atros productos esencials. O tifón Haiyan ha deixau un terrorifico bayo en o suyo paso por as Islas Filipinas. S’estima en mas de 10.000 as personas que han muerto por iste fenomeno climatico, seguntes as autoridatz filipinas. Ista cifra podría aumentar, pues encara no s’ha plegau en zonas que son incomunicadas. Tacloban, capital de Leyte, ha resultau terriblement afectada. A creixida d’o nivel d’o mar pareixe haber estau a causa fundamental de tan trachico balance.

    Retratar pueblos humanos antes que no desapareixcan

    ARREDOL | Tos sonan os nombres d’asaro, himba, huli, rabari y tsaatan? Bien probablement no. Y talment no i habrá ni tiempo que tos sonen, porque son cinco tribus isoladas d’a trentena que ha visitau o fotografo anglés Jimmy Nelson istes zaguers anyos. Dende tretze viaches por medio centenar de países de tot o mundo, Nelson ha construiu un libro que documenta, en fotos, uns pueblos albandonaus. Porque os suyos retratos son, de feito, o testigo d’un mundo menazau de desapareixer. Cómo se diz en a web Before they pass away, Jimmy Nelson nos forza a veyer, a entender y …

    L’aragonés tornará a estar present en o Festival de Cine de Zaragoza

    ARREDOL | Unatra anyada o Centro Rural Agrupau (CRA) Cinca-Cinqueta ha conseguiu estar present y que l’aragonés tamién en siga, en o Festival de Cine de Zaragoza. Concretament será en o II Certamen trobada d’escolars, que’n quedó finalista l’anyo pasau con o curto “La cursa del submarino”, feito por os ninos d’a escuela de Sant Chuan. Esti anyo son tres os curtos en aragonés que i serán presents: “Adovina a qui se minchan esta nuet”, feito por a escuela de Bielsa, “La espluga asesina” d’a escuela d’A Espunya, y “Lugar de escaixalaus” d’a escuela de Saravillo. Os curtometraches se podrán …

    L’aragonés, l’asturiano y o sardo, chuntos en o Centro Aragonés de Barcelona

    ARREDOL | O Centro Aragonés de Barcelona quiere celebrar iste martes o 21 cabo d’anyo d’a creyación d’a Carta Europea d’as Luengas Minoritarias. Ta ixo, ferán un acto a on que se chuntarán tres luengas europeas en periglo: l’aragonés, l’asturiano y o sardo, luenga charrada en a isla de Cerdenya. Dende as 20.00 horas se ferán lecturas de textos a on que participará Antón Castro por l’aragonés, Giacomo Floris  por o sardo y Pablo Valenciano, por l’asturiano. En rematar se ferá una brenda y una sesión de mosica en aragonés a cargo de DJ Gurrión. Dende o Centro Aragonés de Barcelona …

    Dingolondango presenta “Isto s’afunde”, teatro en aragonés ansotano

    ARREDOL | A comedia, escrita por Elena Gusano, se representará en Zaragoza, organizau por o Rolde d'Estudios Aragoneses. Dingolondango teatro, companyía ansotana, representará en Zaragoza a suya obra “Isto s’afunde” en o Centro Civico Río Ebro (Mª Zambrano 56) o venient 26 d’octubre. A obra será representada con a organización d’o Rolde d’Estudios Aragoneses (REA), aintro d’as actividatz complementarias d’o V Congreso Iberoamericano de Cultura. A representación forma parte tamién d’o ciclo de REA “Teatro en las lenguas minoritarias de Aragón” que contará con a representación o venient 30 de noviembre d’a obra en catalán “D’un temps, d’un poble“, de …

    Os soldaus britanicos d’o ‘Bloody Sunday’ pueden estar arrestaus y encausaus por asesinato

    ARREDOL | Os soldaus britanicos que participoron en a masacre d'o "Bloody Sunday" podrían estar detenius y procesaus por os feitos en que morioron catorce civils desarmaus. Os soldaus britanicos que matoron a catorce manifestants en o clamau ‘Bloody Sunday‘ en o vico del Bogside en Derry, en o Norte d’Irlanda, o 30 de chinero de 1972, pueden estar arrestaus y acusaus d’asesinato u d’intento d’asesinato. Seguntes publica o Sunday Times de Londres, una vintena de soldaus, ya chubilaus, podrían estar interrogaus sobre o tiroteu de fa mas de quaranta anyos y, finalment, procesaus. O ministerio de Defensa d’o Reino …

    Colectivos LGTB remeran a importancia de fer-se as prebas d’o VIH

    ARREDOL | Alertan tamién d'os periglos d'os almarios y d'as dificultatz ta charrar sobre sexo en fer-se as prebas.O colectivo SOMOS LGTB+ ha quiesto remerar a importancia de fer-se as prebas d’o VIH (Virus d’inmunodeficiencia humana) arredol d’o diya d’a preba que se celebra o 20 d’octobre. “O diagnostico precoz y o suyo tractamiento aduyan a achiquir a transmisión d’o VIH, poque fer-se a preba diagnostica dimpués d’una practica de risque tien beneficios t’a salut individual y t’a salut publica”, han declarau. Seguntes os datos d’o Ministerio de Sanidat de 2011, o 54% d’os nuevos diagnosticos de VIH surtioron en …

    Torna ta Zaragoza a Muestra Internacional de Cine Realizau por Mullers en a suya deciseisena edición

    ARREDOL | O Centro d'Historias aculle una nueva edición d'ista muestra que quiere fer vistero o cine femenino y feminista realizau por mullers. Son ya, con a edición d’esti anyo, deciséis as edicions d’a Muestra Internacional de Cine Realizau por Mullers de Zaragoza, que se celebrará entre o sabado 19 y o sabado 26 d’iste mes d’octubre. Organizau por o Seminario Interdisciplinar d’Estudios d’a Muller (SIEM) y l’Asociación Cultural Odeonia, a muestra, que pretende fer vistero o cine dende una optica femenina y feminista, s’enguerará o sabado 18 con a pelicula “Young & Wild (Joven y Alocada)” d’a directora chilena …

    Organizan una cursa natural en aragonés por a redolada de Lituenigo

    ARREDOL | “Conoixer as plantas y animals d’a redolada y fer-lo en aragonés” ye un d’os obchectivos de l’actividat que han organizau ta iste sabado a Colla Gonzalo Ferrer (con siede en Tarazona) de l’Asociación Cultural Nogara, con l’aduya de l’Asociación Los Ancebillos de Lituenigo. A chornada prencipiará a las 11.00 d’o maitín, salindo dende Lituenigo y fendo una cursa natural por a redolada. Se i charrará d’as plantas y os animals que se i pueden viyer, antimás de l’entorno natural que bi ha. “As actividatz se ferán en aragonés a un libel simple ta que totz puedan entender-lo, y …

    O parlamento espanyol niega o traspaso t’Aragón d’a propiedat legal d’os arcos de l’Alchafería

    ARREDOL | A Comisión de Cultura d’o congreso espanyol d’os diputaus votó ahiere en contra de que os arcos de l’Alchafería y atro patrimonio d’iste palacio, legalment propiedat d’o Museu Arqueolochico Nacional espanyol, pasasen a estar propiedat d’a Diputación Cheneral d’Aragón. Lo fació debant d’a propuesta presentada por Chesús Yuste, parlamentario de CHA por a colla Izquierda Plural y contó con o refús d’o PP y l’abstención de PSOE, CiU y UPyD. Nomás Izquierda Plural y Compromís refirmoron a moción. O patrimonio que se’n charraba ye formau por 18 elementos arquitectonicos, estando os más importants dos arcos mixtilineos y un …

    Empecipia un chuicio contra 40 chovens vascos acusaus de perteneixer a Segi

    ARREDOL | Quaranta chovens vascos son estando chudgaus dende hue en l’Audiencia Nacional espanyola por perteneixer a Segi, organización chovenil independentista vasca ilegalizada en l’Estau espanyol pero no pas en Francia, a on continaba existindo dica a suya autodisolución en chunyo de 2012. Os imputaus y imputadas s’han presentau en l’audiencia vestius con camisetas naranchas con o lema “libre” y han inflau globos d’a mesma color, lanzando mensaches en favor d’una solución en Euskal Herria y en refirme de Luis Goñi, zaguer choven deteniu ista maitinada en Iruña. A presidenta d’o tribunal los ha expulsaus d’a sala pa deixar-les entrar …

    O PP apreba a LOMCE en o Congreso sin garra consenso

    Arredol | Os populares han quitau ta debant a LOMCE con os votos d'a suya mayoría parlamentaria, a oposición de totz os demás grupos fueras de Foro Asturias y UPN, que s'han absteniu.  O PP ha aprebau con a suya mayoría y en a mas absoluta soledat a Lei de Millora d’a Calidat Educativa. a polemica Lei Wert, que ha recibiu l’apelliu d’o suyo empentador, o ministro d’Educación, José Ignacio Wert, ha completau o tramite parlamentario dimpués d’una scenificación de refuse total d’os grupos d’a oposición y una larguisma votación (se consideraban as mas de 700 esmiendas presentadas) en que …

    A ‘ruta central mediterrania’, un camín pleno de fuesas

    Arredol | Chueves, horas antes de saber-se o fundimiento d’o barco pleno d’immigrants debant d’a costa de Lampedusa, Frontex fació publico o suyo informe regular sobre a clamada ruta central mediterrania. Frontex ye l’achencia d’a Unión Europea encargada de controlar as buegas exteriors d’a UE, y a ruta central mediterrania ye l’itinerario maritimo d’entrada t’a Unión que pasa por Lampedusa, Sicilia, Calabria, Pulla y Malta. Ye a ruta con mas transito d’immigrantes ilegals. Seguntes Frontex, dica o mes pasau 31.000 emigrants ilegals heban puesto entrar en Europa por ista vía. Una cifra sorpresiva, que dobla o total de l’anyo anterior, …

    Barricada deixa os scenarios

    ARREDOL | A historica colla navarra de rock Barricada, ha anunciau que antis de rematar l’anyada deixará os scenarios. O concierto programau t’o venient 9 d’octobre en o Parquing Norte d’a Expo de Zaragoza será un d’os zaguers d’a banda, que rematará a suya carrera en o mitico Anaitasuna de Pamplona o venient 23 de noviembre. Mientres os 30 anyos que Barricada ha existiu, han feito más de 20 discos y han conseguiu bells discos d’oro y uno de diamante, en haber vendiu más de 1.000.000 de copias mientres a suya carrera. A colla ha esdeveniu, antimás, en a banda …

    CHA denuncia la situación d’a Cinca en Lo Grau

    ARREDOL | Representants de Chunta Aragonesista (CHA) han remerau o compromís d’o president d’a Confederación Hidrografica de l’Ebro (CHE), Xavier de Pedro, comprometendo-es a mirar una solución ta guarenciar que a Cinca mantenese o cabal ecolochico entre Lo Grau y Balbastro permetindo l’actividat acuifera de vez que o desembolique interpresarial y agricola d’a redolada. Manimenos, seguntes CHA, “ista anyada, y en levamos qualques, a situación que presienta iste trampo ye penible“. Joaquín Palacín, portavoz d’a formación en a Comisión de Meyo Ambient d’as Cortes, ha anunciau que demandará explicacions a lo Conseller Modesto Lobón qui, seguntes Palacín “no cumple con …

    A polemica ‘lei Wert’ ya ye presta pa estar aprebada

    ARREDOL | A LOMCE ha quedau aprebada en a Comisión d'Educación con l'unico refirme d'o PP. Previsiblement se votará en o Pleno d'o Congreso o chueves venient. O ministro Wert ya puede alentar tranquilo. O suyo prochecto mas anglucioso, a LOMCE, ha superau ya o suyo tramite parlamentario. A Comisión d’Educación d’o Congreso d’os Diputaus ha dau luz verda a o prochecto de Lei Organica pa la Millora d’a Calidat Educativa con l’unico refirme d’o PP. O texto ha contau con o refuse de PSOE, UPyD, CiU, PNV, Izquierda Plural (IU-ICV-CHA) y l’abstención de Foro d’Asturias. Ya solament queda que …

    Esfendemos as luengas organiza una Chornada esportiva por un Aragón Trilingüe

    ARREDOL | O 28 de setiembre, Esfendemos as luengas organizará “A tot estrús”, a I Chornada esportiva por un Aragón trilingüe. Mientres tot lo diya se ferán diferents actividatz que achuntan o esporte, l’actividat fisica y a salut, con a diversidat lingüistica y cultural aragonesa. A más gran parti d’as actividatz se ferán de raso en aragonés. L’acto central será un cross de 3 km, con salida y plegada en o Parque Bruil de Zaragoza, a on que cadagún d’os participants portará un dorsal con una parola en aragonés u catalán. Antimás d’o cross, tamién se ferá un taller de …

    S’investigan posibles irregularidatz en o reparto d’os fundos d’inversión ta Teruel

    ARREDOL | A Fiscalía de l’Audiencia de Teruel prencipiará a investigar a posibilidat de que bi haiga habiu un delito de prevaricación en o reparto d’os 60 millons d’euros en o Fundos d’Inversions de Teruel (FITE) d’o 2012. A investigación prencipia dimpués de que a formación politica Compromiso con Aragón (CcA) denunciase que istos fundos se repartiban “a la carta de bells pocos concellos” y demandase que s’establixesen “unas bases obchectivas y transparents aintro d’o marco d’a legalidat que regulen a distribución d’istos diners que pagamos d’entre totz os ciudadans”. Decinueu lugars de Teruel no han recibiu ni un euro …

    Fablans y O trango publicitan a suya ufierta de cursos d’aragonés

    ARREDOL | Con a plegada de setiembre, as diferents asociacions en esfensa d’a luenga prencipian a fer publica a suya ufierta de cursos d’aragonés. En a zaguer semana, a Federazión de Fablans y l’AC O Trango han prencipiau a campanya ta que se i vaiga apuntando l’alumnalla que quiera aprender ista luenga. En o caso de Fablans, asociación que ye fendo o suyo trenteno cabo d’anyo, ufren cursos de primer y segundo grau. En o pre d’o curso va incluyiu o material y, ta qui no pueda ir t’as clases presencials de Zaragoza, pueden fer o curso a distancia con …

    O 14eno numer de “Luenga y Fablas” remerará a Chuana Coscujuela

    ARREDOL | Fendo-se estianyo 100 anyadas dende que naixese a escritora semontanesa Chuana Coscujuela y 10 dende a suya muerte, o Consello d’a Fabla Aragonesa ha quiesto adedicar o 14eno numer d’a suya revista Luengas y Fablas ta l’autora de “A lueca – Istoria d’una mozeta d’o semontano”. En as quasi 300 pachinas d’a revista se incluyen bells treballos lexicograficos. Dos d’ells son centraus en as poblacions de Monzón y Uesca, feitos por Félix Torres y Arturo Lacasa, y un tercer, feito por Rafel Vidaller, amuestra os resultaus d’enqüestas lexicograficas sobre o medio natural entre 2008 y 2010. A primer …

    O CRA Cinca-Cinqueta presentará o suyo cine en aragonés en o Festival Ars Electronica en Austria

    ARREDOL | Maitín, 6 de setiembre, en Linz (Austria) dos alumnas y o suyo mayestro d’aragonés d’o CRA Cinca-Cinqueta presentarán o prochecto de cine en aragonés con o que ganoron o Premio Paseo Project Mini 2013 o pasau mes de chunyo. Iste premio les permitió d’ir t’o Festival Ars Electronica, en a sección U19 Create your World que se realiza en Linz dende o 5 de setiembre dica o diya 9 chunto a atros prochectos audiovisuals de toda Europa. O prochecto podrá veyer-se, subtitulau a l’anglés, mientres os cinco diyas que dura o festival en l’Ars Electronica Center.

    A busca de 51 fosals republicanos en o Pirineu aragonés se financiará a traviés de micromecenazgo

    ARREDOL | A manca de refirme instiucional ha levau a lo Rolde Republicano de l'Alta Galliguera a esleixir a financiación colectiva ta pagar o prochecto. Ya se han trobau 21 fosals, pero en falta 51. O Rolde Republicano Alto Galligo apuesta por o micromecenazgo u crowdfunding ta financiar o nuevo prochecto suyo: fer d’iste espacio un puesto de memoria colectiva y dar respuesta a las familias. Dimpués de qualques meses de treballo, ista asociación ha conseguiu desenterrar 21 fosals y trobar-ne atras 51 en o Molín Escartón, una redolada que tenió funcions d’hespital de campanya y a on que bi …

    Arandiga celebra a suya tretzena Trobada por a Cultura Aragonesa

    ARREDOL | Iste sabado 31 se celebrará en a localidat d’Arandiga a 13ª edición d’a Trobada por a Cultura Aragonesa que todas as anyadas organiza l’Asociación Cultural O Trinquete d’a localidat. En ista edición a naturaleza y o medio ambient serán o tema central. A chornada empecipiará a las 9.00 d’o maitín con una ruta botanica por a ribera de l’Aranda, guidada por Alfredo Martínez Cabeza, divulgador medioambiental. Dimpués, a las 12.30 horas se realizará a charrada “Fracking, a nueva menaza en o subsuelo“, que tendrá de ponent a David Félez Sola, secretaire de sostenibilidat y medio ambient de Chunta …

    Ret mobil indichena 1 – Multinacionals 0

    ARREDOL | Habitar en Mexico implica un modus vivendi muit distinto en función d’o puesto d’o país an que un radique. No le faltan servicios, internet, transporte, locals de toda mena y qualsiquier comodidat a qui dispierta cada día, por eixemplo, en o Distrito Federal, Puebla, Guadalajara, Xalapa u Monterrey. Pa politicos y interpresarios, ixas metropolis significan gustosos bocaus economicos a on en vale a pena invertir. Pa qué caminar perdendo tiempo y billetz en ixos atros lugars d’o estau que no dan remanent? Ocurre que 20.000 chicotas comunidatz (9 millons d’habitants) d’a mesma nación  nian disposan d’un repetidor de …

    Iste domingo se celebra o Diya d’a exaltación d’o trache ansotano

    Arredol | Atro anyo se celebra a fiesta d'o Diya d'a exaltación d'o trache ansotano que fa a 43 edición. Como cada anyo, o zaguer domingo d’agosto se celebra en Ansó o Diya d’a exaltación d’o trache ansotano, que ista anyada fa a 43 edición. Dica fa no tanto encara se podeba veyer a os habitadors d’ista población con o trache tipico. Dica 1930 a mayoría lo vestiban, y dica 1987, María Mendiara encara lo portaba, y dica 1997 Jorge Puyó. Dende allora dengún no lo viste de contino. Ista fiesta empecipió en 1971 a iniciativa d’o Concello d’Ansó pa …

    Torna a Fiesta d’a Coqueta a Benavarri

    Arredol | Iste sabado, 24 d’agosto,  se ferá a nuena edición d'ista fiesta, centrada en un d'os alimentos mas conoixius en a Ribagorza oriental. Se celebrará en a localidat ribagorzana de Benavarri a Fiesta d’a Coqueta. Dende as 20:30 h. se prebará de superar un record mundial con a elaboración d’una coqueta blanca de 12 kg. A coqueta ye una croqueta elaborada con derivau de tocín, pero sin anyadius, que como ingredients tien sal, especias, farina, pan y manteca u anís en grano. A fiesta se treslada a la ubaga d’o castiello, a on se ferán visitas, y i habrá mesas, …

    Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

    ACEPTAR
    Aviso de cookies