Avatar

ARREDOL

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)

    Mozilla y Softaragonés presientan a versión oficial de Firefox en aragonés

    ARREDOL | A fundación Mozilla presentó ahiere a versión 27 de Firefox, o suyo conoixiu navegador d’internet, que inclui, por primer vegada, una versión oficial en aragonés, desembolicada en colaboración con un equipo de localizadors de Softaragonés. A primer fita aconseguida por iste grupo de treballo estió a creación d’un paquet d’idioma aragonés que permite meter o Firefox en aragonés, dimpués s’haberlo instalau en belatro idioma. Seguntes os datos de Mozilla, dende que se publicó en 2012, iste paquet ha teniu 4500 descargas y instalacions.

    Claman a una gran movilización a favor d’a reunificación de Bretanya

    ARREDOL | As collas Bretanya Reunida y 44 = Breizh han convocau una movilización ta presionar a lo gubierno francés a favor d’a reunificación de Bretanya. Baixo o lema “Ni statu quo, ni Gran Ueste“, os dos colectivos consideran que cal aprofeitar a ocasión ta que a reunificación d’o país “no se torne a trancar ni a ignorar por enesima vegada”. A manifestación se ferá en Nantes (capital historica de Bretanya encara que agora ye aintro d’a rechión d’o País d’o Loira) o 19 d’abril. A convocatoria plega dimpués de que o president de l'Estau francés, François Hollande, haiga recuperau …

    Trobada de familias y amigos en aragonés

    ARREDOL | O cabo de semana d’o 8 y 9 de febrero se celebrará en a torre-escuela El Tío Carrascón, en Cerveruela, diferents actividatz ta que ninos y adultos se diviertan en plena naturaleza charrando aragonés. As actividatz previstas son una visita por a torre de bestiar y por l’antigo palomar, convertiu agora en banco de simients, contacuentos, un taller an que s’aprenderá a fer pasta fresca, una gambada con chuego de pistas pa de vez conoixer o lugar y un taller creativo. El Tío Carrascón conta con un albergue que tien bar-restaurant, cambras de 2-8-10 y 12 plazas, escusaus, botiga y …

    As asociacions de consumidors prencipian en Zaragoza a suya campanya informativa contra o sobrepre d’a luz

    ARREDOL | As asociacions de consumidors aragonesas prencipiaron iste chueves a suya campanya ta protestar por as continas puyadas d’o recibo d’a luz, con a instalación d’una mesa informativa en o Paseyo Independencia (amán d’a plaza Espanya). L’obchectivo d’istas organizacions ye espardir entre os ciudadans as suyas propuestas y soluciones en materia enerchetica “y concienciar-les sobre dica que punto cal la movilización ta solucionar o chandrío d’a reforma electrica en Espanya”, afirman. A factura media d’as casas aragonesas ha puyau 30 euros en as zaguers quatre anyadas; en iste tiempo, entre 2009 y fin de 2013, a renta media en …

    Nueva protesta contra la participación de cargos publicos en a misa de Sant Valer

    ARREDOL | Iste miercols, diya de Sant Valer, patrón d’a ciudat de Zaragoza, o Movimiento Enta Un Estau Laico (MHUEL), tornó a convocar una protesta como vienen fendo en os zaguers anyos. Se i protestaba contra a participación de cargos publicos y, en especial, de l’alcalde Juan Alberto Belloch, en a misa que se fa en iste diya en a Seu de Sant Salvador. L’acto pende en toda una ceremonia con firme protocolo, a on que os representants d’o concello portan a banda roya. A protesta arrocló a bellas decena de personas que portiaban mensaches como Aragón laico u Estau …

    L’Estau francés ratifica a Carta Europea d’as Luengas Minoritarias pero niega os dreitos d’atras luengas

    ARREDOL | L’Asamblea estatal francesa aprebó ratificar a Carta Europea d’as Luengas Rechionals u Minoritarias con un voto prou claro: 316 diputaus votoron a favor y 149 en contra. Votoron 510 diputaus y a mayoría absoluta necesaria yera de 256 votes. O Partiu Socialista votó mayoritariament a favor, 268 diputaus sostenioron a propuesta mientres que ueito votoron en contra. L’UMP votó mayoritariament en contra con 40 votos favorables, 130 votos contrarios y 40 abstencions. Cal remarcar que os diputaus de dreita que han sosteniu a ratificación d’a Carta son mas que mas de bretons y d’alsacians. Os tres diputaus d’extrema …

    Ubierto lo plazo ta presentar obras a o Certamen literario “Junto al fogaril”

    ARREDOL | Dende o pasau 15 de chinero ye ubierto lo plazo ta presentar obras a la VII Edición d’o Certamen de Cuentos y Relatos Breus “Junto al Fogaril”, que convoca l’asociación d’o mesmo nombre y o Concello de L’Aínsa. L’asociación d’o Sobrarbe “apuesta por as letras, a escritura y a creyación en istos tiempos tan embolicaus t’a cultura” y remera que, en istas siet, anyadas levan más de 1.500 obras presentadas. As obras, que habrán de tener entre 3 y 12 pachinas, se podrán presentar dica o 14 de marzo. Encara que a tematica ye libre, bi ha tamién …

    CHA demanda que o manuscrito d’os fueros torne t’Aragón

    ARREDOL | “Un troz de totz nusatros ye en a Biblioteca Nacional”. Asinas s’expresaba Jose Luis Soro, president de Chunta Aragonesista, sobre o manuscrito d’o sieglo XIII que donó ista semana un particlar a la Biblioteca Nacional d’Espanya (BNE). CHA ha demandau que ixe documento torne t’Aragón en estar “parte esencial d’a nuestra identidat”. CHA demandará en Cortes Aragonesas, con una proposición no de lei, que o Gubierno d’Aragón faya as chestions que calgan ta que o manuscrito d’o sieglo XIII sobre os Fueros d’Aragón donau a la BNE torne fisicament ta Aragón. Tamién reivindica que torne o primer libro …

    ‘MasterChof’ campanya an que a ONG defiende una alimentación sana, amanada y chusta

    ARREDOL | “MasterChof, o concurso que no quieren que veigas” asinas anuncia a organización sin animo de lucro Albeitars Sin Mugas (VSF Justicia Alimentaria Global) a suya nueva producción, que fa parte d’a campanya CortoCircuito “por una alimentación sana, amanada y chusta”, qualo obchectivo  ye empentar os mercaus alimentarios locals en l’estau espanyol, favorecindo iniciativas de compra publica de birolla basada en una producción local y familiar. A fin de MasterChof ye denunciar o sistema alimentario dominant, mas que mas o sector d’a restauración colectiva publica (minchadors escolars, hespitals…, etc), ya que seguntes afirma la organización en a suya web “o modelo actual …

    Donan a la BNE o manuscrito más antigo conoixiu con parte d’os Fueros d’Aragón

    ARREDOL | A Biblioteca Nacional d’Espanya (BNE) ha recibiu una donación d’un manuscrito de metat d’o sieglo XIII, escrito en aragonés, que tien parte d’o texto d’os Fueros d’Aragón aprebaus en 1247 y que ye por agora a copia más antiga conoixida d’ista obra. O documento estió entregau por Miguel Carabias Orgaz, licenciau en Filolochía Hispanica por a Universidat de Salamanca y profesor de Luenga Espanyola y Literatura, qui declaró que “un documento como iste, ha d’estar en una institución publica, a disposición de tot qui quiera investigar-lo”. A BNE tien bells atros documentos sobre os Fueros d’Aragón entre o …

    De l’Hamburgo de St. Pauli a qualsiquier vico de l’Estau espanyol #Gefahrengebiet

    ARREDOL | Chuserra Barrios | No querría fer un analís d’a situación d’a politica alemana, estoi que muitos lo pueden fer millor que no yo. Somos d’alcuerdo en que as zagueras eleccions y pactos UCD-SPD han puesto influyir en as intencions de desaloix d’o centro social okupau “Rote Flora”, entre os vicos de St. Pauli y Altona d’Hamburgo, y os violentos incidents que i han provocau. Dimpués de bells tres diyas arredol d’as carreras d’Hamburgo, me veigo obligau a planteyar una serie de conclusions y analisis. Partimos d’una ciudat muit peculiar, aon que as carreras que veyoron naixer a Angela …

    Os esqueferaus de larga duración que pasen mas de tres meses en l’extranchero pueden perder l’asistencia sanitaria

    ARREDOL | Qualsiquier ciudadano con pasaporte espanyol se puede quedar sin dreito d’atención sanitaria si no’n tien de treballo, ha acotolau o subsidio de desocupación u prestacions pareixidas y pasa mas de tres meses difuera d’o estau espanyol en un anyo. Ye o resultau de dos esmiendas que introdució o Partiu Popular en o prochecto de lei d’o presupuesto t’o 2014 y que entró en vigor l’1 de chinero. Os cambeos en a lei de sanidat y a d’a Seguridat Social limitan a cobertura sanitaria publica a os esqueferaus en l’extranchero, un colectivo en aumento constant por a crisi. As …

    Vint anyos d’a revuelta zapatista en Chiapas

    ARREDOL | L'EZLN irrumpió l'1 de chinero del 1994 con a Declaración d'a Selva Lacandona y o subcomandant Marcos como figura mediatica y intelectual de referencia. Ahiere fació vint anyos d’a revuelta zapatista en Mexico. L’1 de chinero de 1994, o día que entraba en vigor o Tractau de Libre Comercio de Mexico con os Estaus Unius y Canadá, l’Exercito Zapatista de Liberación Nacional (EZLN) irrumpiba en a ciudat de Sant Cristobal d’as Casas, en o estau de Chiapas, dirichius por o subcomandant Marcos. Dimpués d’un par de semanas de conflicto armau que provocó uns trecientos muertos, o president mexicano …

    Os vecins de Parque Goya celebrarán a fin de l’anyo iste sabado

    ARREDOL | Os vecins de Parque Goya podrán celebrar o cabo d’anyo iste sabado 28 a las 21.00 horas, dimpués de una tardi d’actos y diversión que han organizau dende l’Asociación de Vecins. O pabellón de l’IES Parque Goya ye o puesto esleixiu t’os actos, que prencipiarán a las 18.00 horas con una actuación t’a catrinalla d’a companyía de teatro Almozandia, qui presentarán o espectaclo “Recicling, con a vasuera sí se chuega”. Tamién bi habrá un bingo popular y discomovil antis de prencipiar l’acto de despedida de l’anyo 2013. Dende l’Asociación de Vecins aseguran que “no i faltará cosa. Bi …

    Biella Nuei presenta en Zaragoza o suyo nuevo disco

    ARREDOL | Iste chueves a las 19.30 en o Centro Civico Universidat de Zaragoza, Biella Nuei ferá la presentación d’o suyo nuevo disco “Biella Nuei & La Santa Pereza”. O disco se i entregará a los más de 200 Padrinos y Madrinas que pagoron por adelantau. Os cient primers, antimás, consiguioron una dedicatoria especial y totz han apareixiu en o libreto. O disco se podrá mercar por 10 euros dica iste chueves, puyando lo pre a 15 a partir d’o cabo de semana. O disco tien 13 cantas y un libreto con fotos de Ricardo Duerto y collages y disenyo …

    Bells museus aragoneses aintro d’o Google Art Project

    ARREDOL | O Museu de Zaragoza, o IAACC Pablo Serrano, o Museu de Uesca y o Museu Juan Cabré, fan parte, dende ista semana, d’o prochecto Google Art. Istos quatre centros que chestiona o Gubierno d’Aragón alportan a ista aplicación más de 200 obras d’arte trigadas d’as suyas coleccions y que l’usuario podrá conoixer a traviés d’ista plataforma web en gran resolución. Google Art ye un prochecto a on que colaboran dica agora institucions de 40 estaus y que permite disfrutar de más de 40.000 obras d’arte con una calidat grafica prou buena, amanando a lo visitant detalles d’as piezas …

    O salón d’o comic de Zaragoza celebra a suya XII edición

    ARREDOL | Mientres iste cabo de semana, Zaragoza acullirá a XII edición d’o suyo salón d’o comic, capuzando-se por bells diyas en o mundo d’a historieta. Dende o viernes dica o sabado, en a Sala Multiusos de l’Auditorio se podrán viyer as zaguers novedatz d’o mundo d’o comic y o fanzine, conoixer a los autors y participar en a patacada d’actividatz proposadas dende a organización. Tots os colectivos d’a ciudat relacionaus con o comic y o manga i participan, como son Malavida, Thermozerso, Mangaku, Tatakae y l’Asociación Daruma de Comic y Cultura Chaponesa. O cartel anunciador de l’evento d’estianyo lo …

    Uruguai, primer país en legalizar a mariguana

    ARREDOL | Uruguai s’ha convertiu en o primer país d’o mundo en regular por lei a producción, a venda y o consumo d’a mariguana u cannabis. O senau aprebó anteahiere, dimpués d’un largo debat, una mida que obtenió 16 votos a favor y 13 en contra. Agora l’ha de confirmar o president José Mujica, que ya feba mas d’un anyo que promoveba a iniciativa. Cal decir que dende os anyos 1970 fumar mariguana yera legal en Uruguai, pero no cautivar y vender. Agora, con a nueva lei, o estau regulará tot o proceso de producción, distribución y venda d’o cannabis. …

    Os treballadors de Tragsatec en Aragón s’enzarran contra l’ERE

    ARREDOL | Dende a pasada nueit a las 21.00 horas, os treballadors de Tragsatec en Aragón s’han enzarrau en a siede prencipal de Zaragoza pa protestar contra l’ERE en a interpresa, que forachitará a 610 personas en tot o Estau. S’ha produciu enzarres tamién en puestos como Madrit, Sevilla, A Corunya u València. Os enzarres se producen de traza “pacifica y reivindicativa”. L’ERE se zarró sin acuerdo entra as partes. En Aragón, con una plantilla de 200 personas, 9 personas con contracto fixo serán feitas fuera. Totz os treballadors y treballadoras temporals, malas que rematen os suyos contractos, no serán …

    Archentina, Chile, Mexico, Venezuela, Barbados, Cuba, Dominica y Sant Vicent y as Granadinas ya han lograu acotolar a fambre

    ARREDOL | Seguntes a Organización d’as Nacions Unidas ta l’Alimentación y l’Agricultura (FAO, por as suyas siglas en anglés), Archentina, Chile, Mexico, Venezuela, Barbados, Cuba, Dominica y Sant Vicent y as Granadinas ya han aconseguiu a fin d’a fambre, en aconseguir una prevalencia inferior a o 5% d’as suyas respectivas poblacions. Iste dato forma parte de l’informe Panorama d’a Seguridat Alimentaria y Nutricional 2013, que tamién concluye que a reducción d’a fambre y a desnutrición cronica infantil en America Latina y o Caribe se deben fundamentalment a las politicas publicas desarrolladas por os gubiernos d’a rechión. “America Latina y o …

    O yuan chino desbanca a l’euro como a segunda moneda mas usada en o comercio mundial

    ARREDOL | O yuan s’ha convertiu en a segunda moneda mas usada en o comercio mundial por debant de l’euro, seguntes os datos actualizaus dica o pasau mes d’octubre por a organización de servicios en as transaccions financeras SWIFT. A moneda china aconsiguió en octubre una conduta de mercau d’o 8,66%, muito por alto de l’1,89% rechistrau en chinero de 2012, frent a o 6,64% de l’euro, que ha visto como o suyo uso ha caito dende chinero de l’anyo pasau, quan representaba o 7,87% d’o total. Os cinco países con mayor uso d’o yuan entre o pasau mes d’octubre …

    Crefco piensa que o Gubierno d’Aragón torna a fracasar con a reubridura d’o Canfrán

    Arredol | Ta Crefco, a D.Ch.A. s’amuestra incapable d’esfender os intreses d’Aragón difuera d’as suyas mugas. Rematada a cumbre Estau espanyol – Estau francés, con o resultau decepcionant de una nueva declaración de buenas intencions, a Coordinadera por a Reubridura d’o Ferrocarril Canfrán-Aulorón -Crefco- creye que “o texto que reculle ista declaración más pareix bell talla-pega d’atras trobadas que bell texto desembolicau a resultas d’a que tenió puesto iste 27 de noviembre”. Os dos gubiernos “i reconoixen a importancia d’enantar en o estudeo d’o prochecto de reubridura d’a línia ferroviaria Zaragoza-Pau-Canfrán y proposarán a Aragón y Aquitania a celebración de …

    Chornada ta conoixer a biodiversidat de Zaragoza en aragonés

    ARREDOL | O sabado 23 qui quiera conoixer a biodiversidat que bi ha en a ciudat de Zaragoza y, más que más, en a suya ribera de l’Ebro, podrá fer-lo en un taller que se ferá en aragonés, organizau por l’Asociación Cultural Nogara y l’Aula de Meyo Ambient Urbano “La Calle Indiscreta”. O taller, que prencipiará a las 10.30 horas en l’Aula de l'avenida Cesar Augusto 115, tendrá una parti teorica en a mesma aula, y una gambada por a ribera d’o río Ebro a on que se podrá conoixer as plantas y animals que i viven, y qual ye …

    Anchel Conte y Viktor Gómez en as trobadas de poesía d’a Universidat

    ARREDOL | Hue y aintro d’o ciclo “Iste chueves poesía” que se fa en a Facultat de Filosofía y Letras d’a Universidat de Zaragoza, os poetas Anchel Conte y Viktor Gómez se trobarán ta leyer belunas d’as obras suyas y charrar sobre a poesía y a literatura. Os dos escritors contan con una ampla trachectoria literaria que, en o caso de Conte, ha teniu l’aragonés como luenga d’expresión. Iste ciclo ye coordinau por Nacho Escuín y leva bellas quantas anyadas amanando a poesía ta universidat y t’os universitarios, contando con muitas d’as primers figuras d’a poesía y a literartura aragonesa. …

    Muere a escritora Doris Lessing a os 94 anyos

    ARREDOL | O domingo moriba a escritora Doris Lessing a os 94 anyos d’edat. En l’anyo 2007 recibió o premio Nobel de literatura, recibindo mientres a suya vida mas galardons. A escritora yera un referent d’o feminismo y de l’antiracismo, destacando a suya critica contra o rechimen sudafricano de l’apartheid. Naixida de Kermanshah (Persia, actual Irán) en 1919, pasó a suya nineza y choventut en Rodesia (actual Zimbabwe). Prencipió a leyer libros y a os 15 anyos s’independizó y empecipió a publicar cuentos en una revista de Sudafrica. A os 30 anyos fació casamuda ta Londres con o suyo tercer …

    Kampal, una ferramienta ta medir a investigación d’a Universidat de Zaragoza

    ARREDOL | A ferramienta informa de parametros como a cantidat de articlos en revistas scienficas, os achustes y os prochectos entre as collas d'investigadors d'a UZ. Iste lunes se presentó en Zaragoza Kampal, Mapa d’Investigación d’a Universidat de Zaragoza. Ye una ferramienta informatica creyada por l’Instituto Universitario de Investigación en Biocomputación y Fisica de Sistemas Complexos (BIFI) que permite chenerar mapas de diferents colectividatz d’a Universidat de Zaragoza a on que se puet visualizar a productividatz d’os investigadors suyos parando cuenta en determinaus  parametros, como os articlos publicaus en revistas scientificas u os prochectos y achustes d’investigación.

    Benás entregará o suyo premio literario iste cabo de semana

    ARREDOL | Os diyas 15 y 16 de noviembre se realizarán diversos actos en a localidat ribagorzana de Benás que tendrán como final a entrega d’os premios literarios “Villa de Benasque”. Os ganadors se conoixerán o mesmo diya 16. Istos premios se facioron bianyals, ixamplando asinas mesmo o plazo d’admisión d’as obras literarias. Amás se reducioron as categorías d’os premios, quedando-se as categorías de poesía y narrativa en castellano y aragonés patués, que serán as que se conoixcan y s’entreguen istos diyas, y as categorías infantil en aragonés patués y os prochectos d’investigación, que se darán mas entabant. Os alumnos …

    Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

    ACEPTAR
    Aviso de cookies