Avatar

ARREDOL

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)

    Prencipian as XXI Chornadas d’as luengas d’Aragón

    ARREDOL | Iste lunes prencipian en Zaragoza a XXI edición d’as Chornadas d’as luengas d’Aragón que organiza todas las anyadas l’Asociación Cultural Nogara-Religada. Como todas las anyadas, mientres toda una semana, se charrará y debatirá sobre as luengas d’Aragón, a suya historia, actualidat y futuro. As chornadas prencipiarán con a charrada de l’historiador Guillermo Tomás Faci, qui charrará sobre “Os Fueros d’Aragón: introducción, importancia pa la historia de l’aragonés y bellas novedatz”, tema de prou actualidat dimpués d’o debat ubierto por o trobo d’o manuscrito más viello conoixiu con parte d’os Fueros d’Aragón.

    Más de 500 personas acuden a la IV Ecotrobada en Sietemo

    ARREDOL | L’acto aculló una presentación d’a EcoRedAragón y de bells d’os suyos integrants (collas de consumo, productors, etc…), una charrada sobre a moneda social, mercau agroecolochico con asabelos productors tanto de vechetals, como d’embutius y mesmo cosmeticos, chuegos cooperativos, una chenta vechetariana y ecolochica d’a man d’as mais y pais d’o centro d’educación libre La Escueleta de Uesca, reunións d’as diferents collas de treballo (como por ixemplo a de comedors escolars que se mira d’empentar o consumo de productos amanaus y sanos a los escolanos, a de certificación participativa que pretende que os consumidors doten d’una valura especial a …

    O Reino Uniu reconeixe o pueblo cornuallés como minoría nacional

    ARREDOL | En una decisión historica, o gubierno britanico anunció que o pueblo cornuallés será reconoixiu oficialment como minoría nacional d’o Reino Uniu, igual como en son os pueblos galés, escocés y irlandés. A decisión ye fundamental t’os defensors d’a identidat propia de Cornualla, porque dende agora a os cornualleses se les reconoixe oficialment o estatus de grupo nacional diferenciau d’os angleses. Un feito important porque, precisament, os cornualleses son o unico grupo de cultura celtica que no disposa d’a suya propia asambleya autonoma en o Reino Uniu. A reconoixencia se ferá dentro d’a Convención Marco t’a Protección d’as Minorías …

    Convocadas as listas d’interinos de Luenga Aragonesa ta Infantil y Primaria

    ARREDOL | O curso venient creixerán as horas de clases d'aragonés en infantil y primaria. Dimpués d’a publicación, a pasada semana, d’o conoixiu como “Decreto d’Interinos”, ahiere luns se publicoron cinco resolucions d’o Director Cheneral de Chestión de Personal d’a Consellería d’Educación, en as quals s’ixampla a lista que existiba de mayestros con perfil “luenga aragonesa”, y como novedat important, se’n crea quatre mas, con perfils: “luenga aragonesa – variedat ansotano”, “luenga aragonesa – variedat cheso”, “luenga aragonesa – variedat aragonés d’o Sobrarbe” y “luenga aragonesa – variedat baixorribagorzano”. Fuents d’Educación han confirmau a Arredol que istas listas servirán ta …

    A estudiantalla d'a Universidat de Zaragoza vota de forma masiva a favor de mantener “os setiembres”

    ARREDOL | Contra os pronosticos más optimistas, y a tamás d’os problemas organizativos, a participación en a consulta d’iste miercols en a Universidat publica aragonesa sobre o calendario academico, tenió una participación d’un 53,51% de l’alumnalla, muit por dencima d’o 30% minimo que exichiba o rectorau, y d’o 10% que gosa estar a cifra cutiana en eleccions a representants d’estudiants u a rector. O mensache d’os estudiants ye estau prou claro. Un 86,21% han votau a favor de mantener a convocatoria de setiembre, y en contra d’o nuevo calendario proposau por o rectorau. En ixe calendario desapareixeba ixa convocatoria, habendo-ne …

    L’academia de l’aragonés publica un listau de nombres de persona en aragonés

    ARREDOL | A Comisión d’Onomastica de l’Estudio de Filolochía Aragonesa (Academia de l’Aragonés), coordinada por o suyo miembro Francho Rodés Orquín, ha publicau ista semana en a suya pachina web un nuevo treballo. En ista enchaquia se tracta d’una replega de nombres aragoneses de persona con as suyas correspondencias, si bi’n ha, en catalán y castellano. L’academia ha declarau que “no ye proposito d’a replega promover entre os aragoneses os cambios de nombres ni empentar modas u amugar emplegos ortograficos. Ye una simpla replega ta satisfacer a curiosidat de qui la sienta, orientar a qui quieren trigar un nombre aragonés …

    O gubierno d’o Estau espanyol apreba o Debantprochecto de Lei d’o Poder Chudicial

    ARREDOL | O Consello de Ministros espanyol aprebó, o pasau viernes, o Debantprochecto de Lei d’o Poder Chudicial que incorporará qualques novedatz a l’actual normativa. Ista futura lei ya ha contau con o refuse d’asociacions progresistas de chueces, que alertan de “politización” en a chusticia u mesmo de “incherencias”. Con a futura lei, serán tres os machistraus, en cuenta d’uno, qui instruiga os casos mas compleixos, debiu a o suyo volumen u a o numero de personas imputadas. O Gubierno considera que asinas diminuye “a presión sobre o chuez unico favoreixendo a corresponsabilidat”. Isto ha estau criticau por asociacions chudicials …

    UNESCO alerta sobre a puyada d’a censura de contenius en internet

    ARREDOL | Un estudio feito por ista organización charra d'a "privatización d'a censura" a traviés d'os intermediarios d'o rete. Os enantes tecnolochicos y os modelos innovadors de negocio han ubierto oportunidatz t’a libertat d’expresión en o mundo, encara que han surtiu tamién nuevo desafíos en forma de censura, filtración d’información, bloqueyo y cusiramiento en internet. Ista ye una d’a principals conclusions de l’estudio World Trends in Freedom of Expression and Media Development (“Tendencias mundials d’a libertat d’expresión y  o desembolique d’os medios”) el desarrollo de los medios”) feito por a UNESCO con o refirme d’o gubierno sueco, que estió presentau o pasau martes …

    Sorpresa en Venecia por l’exito d’a consulta independentista

    ARREDOL | O plebiscito dichital que bellas collas independentistas venecianas han organizau ista semana remató o viernes y os resultaus son estaus sorprendentement favorables a la independencia. Seguntes datos d’o Corriere, i han votau un 73% d’os electors – 2.360.235 ciudadans -, un 89% d’os quals lo ha feito de traza afirmativa. Nomás un 10,9 % han votau en contra d’a independencia de Venecia. Seguntes istos datos, que bells medios han meso en dubda por a falta de seguridat en o sistema de voto por internet, o refirme a la independencia supera prou o numero de votos que gosa de …

    Aprebada a nueva Lei de Trafico

    ARREDOL | O Congreso d’os Diputaus ha aprebau hue a reforma d’a Lei sobre Trafico, Circulación de Vehíclos a Motor y Seguridat Vial que introduce diversas modificacions a l’anterior texto legal. Amás, n’i habrá atras en a modificación d’o Reglamento de Circulación que podría estar dispuesto en chunyo. Todas as midas entrarán en vigor en un mes, fueras d’os nuevos limites de velocidat u os sistemas de retención infantil, que serán en vigor en aprebar-se o nuevo reglamento. Entre as novedatz, qualques limites de velocidat cambean. En bell tramo d’autovías y auopistas podrá puyar a 130 km/h. En carreteras secundarias …

    O nuclio urbano de Masegoso se queda sin habitants

    ARREDOL | Masegoso, situau en o municipio de Toril y Masegoso, en a comarca d’a Sierra d’Albarrazín, ha estau o zaguer nuclio urbano aragonés en quedar deshabitau dimpués d’a marcha d’o zaguer vecín. Nomás bell vecín puede plenar con una mica de vida iste lugar en verano u en calendatas festivas, como succede en atros lugars aragoneses. O zaguer vecín ye arbanyil, y por razons laborals, pus ye mas comodo pa desplazar-se t’o suyo puesto laboral, ha albandonau Masegoso pa tresladar-se ta Toril, l’atro lugar d’o municipio. Agora que, Toril tampoco no cuenta con una cantidat prou d’habitadors, nomás quatro …

    Crimea se declara independent d’Ucraína

    ARREDOL | O consello superior de Crimea, o parlamento, ha aprebau hue una declaración d’independencia d’a dica agora republica autonoma ucrainesa. A resolución ha entrau en vigor decamín que ha estau aprebada, con o voto favorable de 78 d’os 100 diputaus, y ha reiterau a voluntat d’adherir-se a la Federación Rusa. Iste ye o trango previo que as institucions en Crimea fan a la incorporación en Rusia, que se sozmeterá a votación en referendum iste domingo y que se preveye que tienga un resultau clarament favorable. "Crimea, como estau independient, se dirichirá a la Federación Rusa dimpués d’o referendum ta …

    Rusia no intervendrá militarment por agora en Ucraína

    ARREDOL | Vladimir Putin, president de Rusia, ha anunciau en rueda de prensa que descarta por agora una intervención militar en tierras ucrainianas pus no considera “que calga”. Manimenos, considera que si a situación vivida en Kiev s’esparde enta l’este d’Ucraína, muga con Rusia, “si a población pide a nuestra aduya, nos reservamos o dreito d’enchegar totz os medios disponibles pa defender-les“. Ista intervención, si se producise, seguntes Putin, sería “lechitima”, pus o president ruso considera a Viktor Yanukovich o lechitimo president ucrainiano, qui demandó aduya a Rusia. Yanukovich estió destituiu por o parlamento ucrainiano en un acto que ha …

    Los Brodies presientan o suyo nuevo video “Está en el aire”

    ARREDOL | Los Brodies presentoron iste sabado en o bar El Zorro de Zaragoza, o suyo nuevo videoclip, en ista ocasión d’a canta Está en el aire, que da nombre a o suyo disco. A presentación se fació chusto antes d’un concierto a on que estioron rodiaus de buena cosa d’amigos y fans. O videoclip ye rodau en chinero en a noria que se metió en a ribera de l’Ebro de Zaragoza dende as fiestas d’os Pilars. En o video, i apareixen muitas caras conoixidas d’o mundo d’a mosica como China chana, Dadá, The Bronson, Suizo de Jah’sta u Juako …

    Rusia apreba a intervención militar en Crimea

    ARREDOL | O Consello d’a Federación Rusa (senau), a demanda d’o president ruso, Vladimir Putin, ha aprebau unanimement ninviar tropas ta Ucraína con l’obchectivo de “asegurar a seguridat y a integridat fisica d’os nuestros compatriotas y d’as tropas d’as Fuerzas Armadas que se troban en o territorio ucrainiano, en a Republica Autonoma de Crimea”. O numero de soldaus podría estar en uns 6.000. Crimea ye una republica autonoma dentro d’Ucraína, con gran presencia de población rusa, amás d’a Flota d’o Mar Negro de Rusia. O primer ministro de Crimea demandó aduya a Vladimir Putin pa restableixer a paz, dimpués de …

    S’ha muerto o guitarrista Paco de Lucía

    ARREDOL | O mosico Paco de Lucía s’ha muerto hue a os sixanta y seis anyos a causa d’un ataque de corazón. O guitarrista yera en Cancún (Mexico) con a suya familia. De Lucía ha estau un d’os guitarristas mas virtuosos d’o flamenco, y ha teniu exito en fusionar-lo con estilos diferents, como o clasico y o jazz. En 1973 publicó o primer disco. Se fació acompanyar en aquells momentos por percusionistas, o que l’aleixaba d’o flamenco mas clasico y daba un aire renovador. En 1976, con o disco ‘Almoraima’, adquirió renombre internacional. I homenachiaba a os clasicos y le …

    Fianza de quasi 19 millons d’euros ta Agapito Iglesias, Escó y Becerril por o “caso Plaza”

    ARREDOL | O chuez d’o chudgau d’instrucción nº 5 de Zaragoza, Francisco Picazo, demanda 18.850.000 d’euros de fianza de conchunta a Agapito Iglesias, propietario de Codesport y accionista mayoritario d’o Reyal Zaragoza; Ricardo García Becerril, excherent de Plaza; y Carlos Escó, exconsellero delegau d’o poligono zaragozano de Plaza y exviceconsellero d’Obras Publicas d’o gubierno aragonés por o “caso Plaza“. O chuez considera que existe prous indicios de conducta criminal respective a istas tres personas por o sobrecoste d’a construcción de 128 naus en o citau poligono, construidas por Codesport, a interpresa d’Agapito Iglesias. O presupuesto d’a construcción se disparó de …

    Telegram, l’alternativa a o Whatsapp, ya ye en aragonés

    ARREDOL | L’equipo de treballo de Softaragonés nos ofreix hue una nueva fita pa l’aragonés: plegar en l’ambito d’os dispositivos mobils, y amás, en una d’as aplicacions que os usuarios en fan un un emplego mas freqüent y cutiano: a mensachería instantania. Dende hue podemos fer servir a versión en aragonés de l’aplicación Telegram, compilada por o propio equipo de Softaragonés, y que se puede instalar dreitament dende a suya pachina web. Ista aplicación ye disponible en toda mena de telefonos y tabletas con o sistema operativo Android. Os usuarios de iOS habrán d’aguardar por agora. Se da a circumstancia …

    ONG documenta 130 muertes y desaparicions d’immigrants en 2013

    ARREDOL | “O que nos contrimuestran as zifras ye que no cal alarmar-se”. Asinas qualifica Rafael Lara, coordinador de l’aria de solidaridat internacional de l’Asociación Pro Dreitos Humans d’Andalucía (APDHA), a situación en a buega sud de Estat espanyol y a plegada de immigrants a traviés d’a cleta de Ceuta y Melilla. Seguntes l’informe d’APDHA presentau hue mesmo, o fluxo migratorio se mantiene de forma similar a o de fa tres anyos. En l’anyo 2011 crucioron de forma ilegal a buega por Ceuta 1.258 personas, un numero que baixó en 2012 a 756 y tornó a puyar l’anyo pasau a …

    O feminismo reactiva a luita contra l’extractivismo en America Latina

    ARREDOL | De sud ta norte as venas d’América Latina continan sangrando. Prochectos extractivistas miners, hidrocarburíferos u agroindustrials se multiplican por toda a cheografía latinoamericana d’a man d’interpresas trasnacionals a las quals s’han iu sumando, en os zaguers anyos, companyías estatals. Porque si i hai bella cosa en o que coinciden gubiernos neoliberals y progresistas d’a rechión, ye en a consolidación d’un modelo neo-desarrollista con base extractivista. L’atra cara d’este proceso d’extracción y exportación de materias primas a gran escala, s’asienta en a desposesión accelerada d’o territorio y d’os dreitos d’as poblacions afectadas. A penar de que as mullers han …

    Industrias Monzón XXI ocupará a planta de Kimberly Clark en Calatayut

    ARREDOL | Industrias Monzón XXI se ferá cargo en Calatayut d’a planta que yera propiedat d’a interpresa Kimberly Clark, que trancó en mayo, deixando a 208 personas sin treballo. Industrias Monzón XXI ha estau a unica interpresa que ha compliu con todas as condicions d’o concurso publico d’o concello de Calatayut. Ista companyía invertirá una cifra de 5.250.000 euros, fundamentalment pa maquinaria y adequación d’as instalacions, y ye previsto que creye 53 puestos de treballo y ye previsto que empecipie a funcionar en o cabo d’iste anyo. O venient diya 26 recibirá o visto bueno d’o concello calatayubí.

    Una iniciativa clama a o mundo d’a mosica a fer nuevas cantas en aragonés

    ARREDOL | Una nueva iniciativa en esfensa de l’aragonés ye prencipiando a mover-se, más que más por os retes socials y o mundo d’a mosica en Aragón.  ”A nuestra canta en aragonés” se define como ”un prochecto que mira de empentar a creyación de mosica en luenga aragonesa, sin interés de lucro, nomás con a intención de fer vistera la luenga en a mosica aragonesa d’a mena que sía”. En bellas cuantas horas dende que prencipió a espardir-se ya han penchau once cantas en a suya pachina web y han recibiu parabiens de muitas personas y organizacions en esfensa d’a luenga …

    Un cherent d’una cooperativa de Taust imputau por un presunto delito ambiental

    ARREDOL | Un cherent d’una cooperativa en Taust ha resultau imputau por a Guardia Civil espanyola por un presunto delito ambiental en detectar-se un vertiu de fuel en a Canal de Taust. O Seprona d’a Guardia Civil detectó o pasau 23 de chinero un vertiu de fuel que pareixeba proceder d’a citada cooperativa. Iste feito podría afectar entre atras especies a la “Margaritifera Auricularia“, molusco en periglo d’acotolar-se. Os achents observoron como un cambión extrahieba fuel d’una ceica que desemboca en a canal.

    Uns 100 muertos en un accident aerio en Alcheria

    ARREDOL | Unas cient personas han muerto en producir-se un accident aerio d’un avión militar Hercules C130 en una zona montanyosa d’a provincia d’Oum al-Bouaghi, en Alcheria, amán d’a muga con Tunicia. O mal orache, con fuerte airera y nieu, podría haber provocau l’accident, en una zona de dificil acceso. En l’avión volaban 99 pasachers entre militars y familiars, amás de 4 miembros d’a tripulación de l’Hercules. Encara no se sabe si ha puesto haber-ie supervivients, pero as achencias internacionals de noticias dicen que no. L’avión procedeba d’Ouargla y feba honra ta transportar tropas. L’avión se dirichiba enta Constantina, a …

    Una denuncia ubre a vía chudicial contra as autoridatz espanyolas por a trachedia de Ceuta

    ARREDOL | Qualques ONG d’esfensa d’os dreitos d’os immigrants han pasau a l’acción. Dimpués d’as muertes de mas d’una decena de personas que pretendeban d’aconseguir territorio espanyol o pasau chueves en Ceuta, una vintena d’asociacions van a presentar iste lunes una denuncia debant d’a Fiscalía Cheneral d’o Estau. En ella, exichen que s’esclareixcan os feitos de l’actuación d’a Guardia Civil en a buega y replega testimonios de supervivients, que incluyen accions “constitutivas d’infracción penal“, seguntes os denunciants. Os denunciants replegan as declaracions de quantos supervivients, que aseguran que a Guardia Civil actuó con material antidisturbios mientres feban un poder por …

    A ONU demanda a lo Vaticano investigar totz os casos de pederastia

    ARREDOL | O Comité d’a ONU sobre os Dreitos d’os Ninos ha demandau a lo Vaticano que “saque de camín” a totz os miembros d’o clero que se sabe u se sospeita que han teniu casos de pederastia u abusos sexuals, entragando-los a las autoridatz civils. A ONU responde asinas a un informe presentau por l’Estau vaticano fa bellas semanas a on que se presentan as midas que heban preso ta condenar y prevenir os casos d’abusos sexuals y protecher a los menors. O Comité demanda tamién a la Santa Siede que faiga publicos os suyos archivos sobre casos de …

    Archivau o caso por l’escrache a la casa de Santiago Lanzuela

    ARREDOL | O chuzgau d’Instrucción numer 2 de Teruel ha archivau as dilichencias ubiertas por l’escrache feito en Cella (Comunidat de Teruel) a la casa que i tien Santiago Lanzuela, diputau d’o PP en o congreso espanyol y expresident d’o país, en considerar que os feitos no estioron “constitutivos de garra infracción penal”. L’escrache se fació o pasau 14 d’abril debant d’a casa que tien o expresident en Cella, de traza pacifica y sin incidents. A manifestación no plegó a amanar-se ta casa suya, en haber-ie un cordón policial que les empachó de fer-lo. A denuncia ya estió archivada por …

    Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

    ACEPTAR
    Aviso de cookies