Avatar

ARREDOL

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)

    Esfendemos as luengas se suma a las criticas a lo premio de relatos monolingüe d’a FLA

    ARREDOL | A plataforma “Esfendemos as luengas” ha criticau a convocatoria d’o concurso de relatos feita por a Feria d’o Libro Aragonés de Monzón, por no poder-se presentar-ie que relatos escritos en castellano, amarguinando asinas as atras luengas d’Aragón, aragonés y catalán. Esfendemos as luengas ha recordau que aragonés y catalán han teniu ampla presencia en a Feria que se celebra todas las anyadas en a Zucrera de Monzón dende fa, en ista edición, vinte anyadas. I han teniu presencia asociacions como Nogara, Fablans u Consello d’a Fabla por a parte de l’aragonés y Iniciativa Cultural de la Franja, ASCUMA …

    Cients de personas aprenden aragonés con Totón

    ARREDOL | Dende fa bells meses podemos disfrutar cada semana d’un nuevo capitol d’Aprende Aragonés con Totón, una iniciativa que surte dende a plataforma Millor en Aragonés, ta amanar l’aragonés a totz os publicos. Millor en Aragonés ye un espacio de trobada ta toda la chent intresada en iste idioma dende an que espardir a luenga y, a verdat, ye que o suyo obchectivo se ye cumplindo: dende que prencipioron en o mes d’abril a publicar os cursos online Aprende Aragonés con Totón cients de personas han visto los videos d’a suya canal de Youtube y ya cuentan con 14 capítols punchaus en as grafías …

    Arredol de mil personas demandan a reobridura d’o Canfranc

    ARREDOL | O pasau domingo a Coordinadera por a Reobridura d’o Ferrocarril Canfranc-Oloron (Crefco) reivindicó, con o refirme d’unas mil personas en a estación de Canfranc, a reobridura d’a linia internacional, zarrada dende 1970 por l’accident d’o puent de l’Estanguet, sobre o río Aspe en Occitania, y que podría reubrir-se en 2020. Representants de partius politicos, sindicatos y d’atras organizacions yeran entre os asistents refirmando a reobridura en iste acto en que intervinioron l’alcalde de Canfranc, Fernando Sánchez, asinas como o representant de Crefco, Diego Colás, y o representant de Creloc (organización homologa francesa de Crefco) François Rebillard.

    O Tribunal de Chusticia d’a UE falla contra a Lei Antidesafiuzamientos d’o PP

    ARREDOL | A Lei Antidesafiuzamientos que aprebó en solitario o PP fa 14 meses va en contra d’os dreitos fundamentals d’os ciudadanos. Asinas l’estableixe una sentencia d’o Tribunal de Chusticia d’a Unión Europea (TJUE) en considerar que a lechislación espanyola viola l’articlo 47 d’a Carta de Dreitos Fundamentals d’a Unión Europea, que consagra o dreito a la tutela chudicial efectiva de totz os ciudadanos.

    Os cuentos, protagonistas d’as XIV Chornadas de Cine Mudo d’Uncastiello

    ARREDOL | Dende o 18 a o 20 de chulio, a localidat cincovillesa d’Uncastiello será a protagonista d’as suyas Chornadas de Cine Mudo, que estianyo celebran a suya catorcena edición. En esta edición d’as chornadas, organizadas por La Lonjeta, asociación cultural local, os protagonistas serán os cuentos, a traviés de curtometraches y largometraches. Como peliculas destacadas, “Blancanieves“, de Pablo Berger, ganadora de 10 premios Goya; “Peter Pan“, de Herbert Brenon; “Ella Cinders“, d’Alfred E. Green; “Cinderella“, de Lotte Reiniger u “Sanz y el secreto del aire“, documental sobre a vida de Francisco Sanz, mosico y ventrilocuo valenciano, entre atras peliculas …

    Balbastro aculle o taller “Vinyetas ta Palestina”

    ARREDOL | Aintro d’a exposición “Sobrevivir en tiempos de conflicto en o Territorio Ocupau de Palestina”, iste miercols, a Biblioteca Municipal de Balbastro acullirá o taller practico ta chovens “Vinyetas palestinas”, que menará o ilustrador aragonés Gonzalo Royo. O taller, que ye organizau por l’Asociación de dibuixants de comics d’Aragón “Themozero”, se ferá o miercols dende as 10.30 dica las 13.30. Se i amostrará como fer as marguins d’as fuellas, como distribuyir as vinyetas u as trazas de componer as historias. A exposición se puede continar visitando en a Casa de Cultura d’o lugar dica lo 25 de chulio y …

    A NSA espió muitos mas internautas normals que no personas baixo vichilancia especial

    ARREDOL | Un analís d'o Washington Post revela que nueu de cada diez comunicacions interceptadas por l’achencia yeran d’usuarios comuns. De 2009 a o 2012, quan l’Achencia de Seguranza d’os EE.UU. (NSA) interceptó cuentas d’internet d’extranchers a qui podeba cosirar legalment, tamién replegó as conversacions de mils y mils d’usuarios normals d’internet, tanto d’os EE.UU. como de difuera. Lo revela un analís d’o Washington Post. De feito, o diario calcula que de cada diez comunicacions interceptadas nueu yeran d’internautas comuns, y no pas de personas baixo o foco d’os servicios d’intelichencia. Tot y que istas comunicacions conteneban información personal y …

    L’Audiencia Nacional espanyola absolve a os acusaus por o bloqueu d’o Parlament catalán en 2011

    ARREDOL | L’Audiencia Nacional espanyola ha absuelto a deciueito d’os acusaus d’haber bloquiau o Parlament catalán o 15 de chunyo de 2011. Os encausaus se concaraban a penas de dica ueito anyos y medio de prisión por delitos contra institucions d’o estau, por haber dificultau a entrada d’os diputaus a la camara. Pero os chueces Fernando Grande Marlaska, Manuela Fernández de Prado y Ramón Sáez Valcárcel tant solament han condenau a un d’os acusaus por una falta de danyos. Lo condena a quatre días de localización permanent por haber feito una pintada en a chaqueta d’a diputada d’o PSC, Montserrat …

    Quasi 900 personas estudioron aragonés iste curso

    ARREDOL | Igual como l’anyo pasau, en rematar o curso lectivo, s’ha publicau en o perfil de Facebook L’aragonés en Plana Uesca o Mapa de l’amostranza de l’aragonés, a on que se replegan os datos de totz os cursos d’aragonés feitos estianyo, tanto de formación reglada como no reglada. O mapa lo ha elaborau Chesús Agustín, replegando os datos de as diferents asociacions que fan clases y os datos proporcionaus por Fernando Romanos de l’amostranza en os centros publicos de l’Alto Aragón.

    O FLNC deixa as armas pa que Corcega se sume a la “fase de conquista politica” d’os “movimientos chermans”

    ARREDOL | Confirmando a tendencia en a Europa occidental entre os dos zaguers decenios, o Frent de Liberación Nacional de Corcega (FLNC) ha anunciau a suya decisión d’empecipiar un “proceso de desmilitarización y de salida progresiva d’a clandestinidat“. A prencipal organización armada corsa, asinas, se fica en o camín emprendiu por l’IRA en Irlanda (Eire) y ETA en Euskal Herria: defiende a sobiranía por vías exclusivament politicas.

    L’aumento d’o nivel d’o mar menaza o futuro d’os pueblos d’as islas d’o Pacifico y de l’Indico

    ARREDOL | Mientres en Bonn se celebraba (d’o 4 a o 15 de chunio) una conferencia d’a Convención d’as Nacions Unidas sobre o Cambeo Climatico, Anoto Tong, president d’as islas Karibati, en l’ociano Pacifico, afirmaba que, seguntes as procheccions scientificas, pareixe inevitable a desaparición d’iste país baixo o mar. Tong apuntaba que, amás d’a mesma Kiribati, tamién as islas Marshall, Tuvalu y as Maldivas se troban en una situación similar: islas habitadas, dende sieglos, por pueblos autoctonos, que hue tienen os suyos estaus soberanos. Istas islas, d’una altitut muit baixa respective a o nivel d’o mar, se funden a causa …

    A Biquipedia ya tien mas de 30.000 articlos

    ARREDOL | O pasau mierques, 11 de chunyo a Biquipedia (edición en aragonés d’a bien conoixida Wikipedia) blincó a branquilera d’o 30.000 articlos, gracias a la creyación d’un articlo sobre l’Aragosauro.  Con ixe numero d’articlos y un total de 10 millions de parolas, a Biquipedia se posiciona en o puesto 87 (59 considerando a grandaria d’una muestra d’articlos importants), una posición notable pa una luenga tant chicota como a nuestra. De feito, contina estando a luenga natural con mas articlos por fablant. Ista fita tant sinyalera se produz quan queda poco mas d’un mes ta que a Wikipedia en Aragonés …

    Sant Chuan de Plan recupera es suyos costumbres con el Diya de la Cultura Chistabina

    ARREDOL | Sant Chuan de Plan cilebra dende hue 21 hasta’l diya 24 el XVIII Diya de la Cultura Chistabina, La Falleta y la fiesta de Sant Chuan. Mientres estes diyas, es antigos costumbres, danzas y traches de la val recuperarán el protagonismo que mas d’antes van tenir, pretendendo que no desapareixca. El diya 21, es vecins de’l lugar se vestirán con es suyos traches tradicionals que se van fer servir ta toda ocasión y epoca, fendo un pasavillas a las 11:30 h. dende la Pza. Mayor hasta la zona esportiva d’El Regancho a on actuará El Corro d’Es Bailes, …

    Vertius ilegals mata peixes en o río Ancho en Mont Albán

    ARREDOL | Os vecins y vecinas d’a localidat minera de Mont Albán, han alertau de peixes y cancres muertos en o río Ancho, afluent d’o río Martín. Ya fa días que se veyen as auguas prou turbias y con diferents repuis. O Departamento de Medio Ambient d’o Gubierno d’Aragón ha informau que se debe a vertius incontrolaus d’una interpresa de plasticos en Escuita. O departamento ha ubierto un expedient sancionador a la interpresa. As mesmas fuents informan que no i ha habiu gran mortandat de peixes, mas que mas barbols.

    L'independentismo contina aumentando en Escocia

    ARREDOL | O sí a la independencia d’Escocia contina aumentando y alcorzando a distancia con o no. Seguntes una enqüesta que publicaba ahiere o diario Herald Scotland, os favorables a la independencia son o 48%, y o no tien o emparo d’o 52%. “Escocia habría d’escayeixer un país independient?”, será a pregunta que os ciudadanos y ciudadanas habrán de responder o 18 de setiembre. “A enqüesta contrimuestra o creiximiento d’o emparo a o sí y que o mensache d’o miedo d’o no fracasa”, ha dito Blair Jenkins, president executivo d’a organización Yes Sctoland. Seguntes ell, “a internacionalización d’o debat -con …

    A nueva regulación d’enerchías renovables podría perchudicar graument a Aragón

    ARREDOL | Os chicotz inversors serían os mayors perchudicaus. A cheneración d'enerchía renovable ye un sector economico clau en Aragón. Ista semana s’ha publicau o Reyal Decreto d’o Ministerio d’Industria espanyol que regula a producción d’enerchía electrica dende fuents renovables. Ista norma elimina o sistema de primas actual por producción y lo cambea por una remuneración guidada por a inversión realizada d’alcuerdo con a potencia instalada. Ista norma, que suposa un retalle de 1.700 millons d’euros, podría afectar a la rentabilidat y pervivencia d’un 60% d’os parques eolicos aragoneses, que deixarían de recibir primas, mas que mas os anteriors a …

    Mezquita d’Exarc calienta motors t’o VI festival Tamborilé

    ARREDOL | A seisena edición d’o festival de mosica de carrera Tamborilé, plega iste sabado t’as plazas de Mezquita d’Exarc, en as Cuencas Meneras. O programa, que se fació publico fa bells diyas, achunta mosicos de tot lo mundo, dende Nueva York dica Teruel. O maitin prencipiará con un taller, como ye cutiano en iste festival. En iste caso serán Swingdigentes, venius de Madrit, qui lo menarán. Continará a mosica d’o Coro Juravca (Rumanía – Euskal Herria), Residual gurus (Barcelona) y a mosica de Swingdigentes atra vegada.

    L’Aínsa, primer lugar en demandar un referendum sobre o modelo d’estau

    ARREDOL | O concello de L’Aínsa (Sobrarbe) ha esdeveniu iste martes en o primer concello en demandar de traza oficial que os ciudadans puedan decidir sobre o modelo d’estau y sobre a continidat d’a monarquía u a plegada d’a republica. A propuesta estió presentada por a colla municipal de Chunta Aragonesista (CHA) y ha contau con o refirme d’a suya concellera d’a de IU y de dos concellers d’o PSOE, un d’ells l’alcalde. Os atros dos concellers d’o PSOE s’han absteniu, entre que os quatre d’o PP refusoron o dreito a decidir.

    Balbastro y Zaragoza celebran “borinas por l’aragonés” iste cabo de semana

    ARREDOL | Iste cabo de semana as localidatz de Balbastro y Zaragoza acullirán cadaguna una Borina por l’aragonés, en esfensa d’a luenga aragonesa y como puesto de trobada de fablans y estudiants d’aragonés. O viernes dende as 21.00 A flama, en a C / Mayor de Zaragoza, acullirá a XVI Borina por l’aragonés, organizada de conchunta por as asociacions Nogara y Fablans, as dos con siede en a ciudat. Una oportunidat “t’achuntar-nos  y pasar una nueit a on que l’aragonés será lo más important”, como sinyalan dende a organización. Antimás se i podrá trobar materials relacionaus con l’aragonés como chambretas …

    A presión ciudadana salva Averly por agora

    ARREDOL | L’edificio d’a historica fundición Averly, en Zaragoza, continará a salvo a lo menos por bell tiempo más. Iste chueves s’aturaba la licencia ta esboldregar o 60 % d’a fabrica que heba dau o Concello de Zaragoza. A presión legal d’Apudepa (Acción Publica t’a esfensa d’o patrimonio aragonés), y a movilización vecinal han conseguiu que, por agora, s’aturen as obras. A fiscalía de l’estau respondeba a la demanda de Apudepa  y a Plataforma Salvemos Averly demandando información a lo concello de Zaragoza. T’as asociacions en esfensa d’Averly o expedient de esboldregue d’a fabrica “tien posibles irregularidatz” como que “se …

    Concentración contra l’esboldregue d’Averly baixo la plevia

    ARREDOL | Bellas decenas de personas, convocadas por a Plataforma Ciudadana Salvemos Averly, la Federación de Asociacions de Vicos de Zaragoza y la AV Casco Viello Juan de Lanuza, s’han concentrau iste mierques ta esfender a conservación d’a integridat de l’antiga Fundición Averly. Ye planeyau l’esboldregue d’o 60 % d’a fabrica ta construyir-ie doscientas nuevas viviendas. Dimpués d’a concentración, que s’ha feito en a plaza d’o Pilar, s’ha procediu a fer una asambleya ta decidir os trangos a prener dende iste inte. Representants d’os convocants son mirando de reunir-se d’urchencia iste mesmo maitin con representants d’as collas politicas con representación en …

    Un choven denuncia la discriminación lingüistica d’a DGT de Uesca

    ARREDOL | Marçal Girbau, un choven filologo y occitanista, ha denunciau, seguntes publica o diyario ARA, a discriminación lingüistica que ha sufriu de man d’a DGT de Uesca. O motivo ye que no se consideroron as alegacions que fació en luenga catalana a la pinyora que le metió a policía de trafico. Os feitos pasoron quan a policía l’aturó lo pasau mes d’aviento en a parte aragonesa d’a carretera que va de Vielha ta Leida. Seguntes reconta Girbau, “yera niervudo y barrachaba parolas en castellano y occitano, a luenga que charro por un regular”. Os policías le tractoron de traza …

    Prencipian una investigación por supuestas faltadas a la presidenta en una colla de Facebook d’Andorra

    ARREDOL | As actuacions policial y chudicials contra as faltadas en os retes socials que prencipioron dimpués de l’asesinato de Isabel Carrasco, presidenta d’a Diputación de Leyón, a mans d’atra afiliada d’o PP, han plegau ista semana en Andorra, en o Baixo Aragón. A policía chudicial d’a Guardia Civil ye investigando os comentarios que se facioron en a colla privada de Facebook “Andorra@s, tengo una pega“. Por agora, s’ha citau chudicialment a un ciudadan por comentar que a presidenta Luisa Fernanda Rudi “podría corret a mesma suerte que Isabel Carrasco. Bells atros vecins de Arinyo y Andorra tamién han habiu …

    Chiflos y salterios se troban en Lasaosa iste cabo de semana

    ARREDOL | A II Trobada de Chiflo y Salterio se planteya como una chornada de trobada ta totz os interesaus en istos dos instrumentos; sigan mosicos, danzantes,  alumnos u aficionaus ta la mosica y culturas populars.  A trobada se ferá os diyas 23, 24 y 25 de mayo en Lasaosa, chicot nuclio en recuperación d’a Guarguera, aunando en o suyo esprito de revitalización d’os nuestros lugars y d’a nuestra mosica y culturas populars. Organizada dende Aragón, s’aspera contar con l’asistencia de mosicos de tradicions amanadas, plegaus dende Països Catalans, Occitania u Euskal Herria, a on que ista mena d’instrumentos tienen …

    “Prou prou luen” se presentó en a Biblioteca d’Andorra

    ARREDOL | A Biblioteca Municipal d’Andorra acullió iste lunes a presentación d’o libro de cuentos en aragonés Prou prou luen, con a presencia d’os suyos autors Carlos García Esteban y Tamara Marzo Rins, ista zaguera naixida d’o lugar. A sala d’a Biblioteca infantil se plenó de mais y pais con una buena representación d’a catrinalla d’o lugar. Os autors presentoron o libro charrando sobre as valors naturals, culturals y lingüisticas que quereban prebar de transmitir. Dimpués d’ixa introducción, se fació un cuentacuentos, recontando una d’as quatre historias que tien a obra, y que charra d’un alica que ha de trobar …

    Estudiants d’aragonés organizan una trobada en a Val de Chistau ta “vivir en aragonés”

    ARREDOL | Entre o 18 y o 22 de chunio, a Val de Chistau contará con bells visitants aragonesofablants de difuera d’a Val. Serán estudiants d’aragonés que, intresaus por a luenga, s’apunten t’a Trobada que se ye organizando ta ixos diyas y que mirará de que toda l’alumnalla que i asista pase os cinco diyas vivindo nomás en luenga aragonesa. A trobada conta con arrienda actividatz t’afundar en o conoiximiento d’a luenga. De maitins se ferán clases tanto d’aragonés estandar, como d’a suya variedat chistabina. Os organizadors demandan a qui se i apunte un compromís d’haber estudiau bell poquet d’a …

    Rap, reggae y dj’s en o Rabal en “Al Margen Festival”

    ARREDOL | Iste viernes 9 de mayo a partir d’as 19.00, mosicos de rap y reggae y dj’s se trobarán en o Festival “Al Margen”, en una carpa que se meterá chunto a la Gara d’o Norte, de Zaragoza. O festival ye organizau por a Casa de Choventut d’O Rabal, aintro d’o suyo ciclo “Mosica en o rete”, y a on que colabora a Comisión de fiestas d’o vico zaragozano. L’obchectivo d’o festvial, seguntes os organizadors ye o refirme y promoción d’os mosicos chovens.

    Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

    ACEPTAR
    Aviso de cookies