Se declara desierto en no presentar-se-ie garra obra.
O Seminario Aragonés de Sociolingüistica presienta os primers datos lingüisticos d’o Censo 2011
O pasau sabado 9 de mayo o Seminario Aragonés de Sociolingüistica celebró a suya segunda sesión publica, en a qual presentó os resultaus y conclusions que s’extrayen de l’analís preliminar d’as respuestas d’o Censo de Población y Viviendas 2011 quanto a l’aragonés y o catalán.
Naixe Transiberiano, un nuevo prochecto editorial en aragonés
A traducción de "Vida de Pedro Saputo", o clasico de Braulio Foz, ye o primer volumen presentau por a nueva editorial.
Se publica atro trailer de Star Wars, con quantas novedatz
Harrison Ford torna a apareixer-ie en o suyo papel de Han Solo, acompanyau por Chewbacca.
Una enqüesta empaza a Partiu Popular y Zaragoza en Común en as eleccions municipals
A enqüesta, realizada por a propia coalición, daría entre 8 y 9 concellers a PP y Zaragoza en Común, encara que o PP ganaría en votos. Ciudadanos i entraría y CHA en quedaría fuera.
S’elevan a 147 os muertos de l’ataque a la Universidat de Garissa en Kenia
I hai una uitentena de ferius. O grupo armau Al Shabab ha reivindicau l'ataque.
Ya se conoixe a programación d’as Chornadas d’as luengas d’Aragón
Ya ye publica la programación d’as Chornadas d’as luengas d’Aragón que organiza todas as anyadas l’asociación cultural Nogara. En ista XXII edición, s’ha prolargau a duración, plegando a las siet actividatz que se ferán entre os diyas 13 y 21 d’abril en o Centro Joaquín Roncal de Zaragoza.
Cinco aragoneses entre os muertos en l’accident de l’Airbus 320 en os Alpes
Continan as identificacions d'os fallecius en l'accident aerio. Por agora s'ha confirmau por fuents no oficials a cifra de 5 aragoneses muertos.
S’estalapiza en os Alpes un avión que feba o trachecto Barcelona-Düsseldorf
I heba 144 pasachers y seis tripulants. No i hai supervivients. A companyia informa de 67 alemans entre as victimas.
Premios muito repartius y firme reivindicación en os XVI Premios d’a Mosica Aragonesa
Las Novias y Calavera as collas más premiadas. Manolo Kabezabolo replegó o premio Especial a la trachectoria por os suyo trenta anyos fendo punk. O suyo discurso estió tant breu como contundent, fendo alcordanza d’os “presos y torturaus en as garchola” y rancando un fuerte aplauso d’o publico.
Ubierto o II Concurso de Haikus en aragonés
O haiku, ye un tipo de poesía chaponesa. Consiste en un poema breu, cheneralmén formau por tres bersos de zinco, siete y zinco silabas respeutibamén. A contemplazión d'a naturaleza gosa estar l'orichen d'o poema, anque no obligatoriamén.
Os policías locals de Puebla d’Alfindén portarán pistolas Taser
ARREDOL | Os policías locals de Puebla d’Alfindén contarán en breu con pistolas Taser, pistolas d’electrochoque. Será o primer cuerpo policial en Aragón que conta con estas armas calificadas como “no letals“. Os propios policías que van a portar-las ya han pasau un curso especifico ta fer-las servir correctament en caso necesario.
Victoria Pinilla condenada a 8 anyos d’inhabilitación
ARREDOL | A exalcaldesa de La Muela, María Victoria Pinilla, ha estau declarada culpable por o Chudgau nº2 d’o Penal de Zaragoza d’un delito de prevaricación administrativa, por o que habrá d’estar 8 anyos inhabilitada pa cargo publico, amás de pagar una pinyora de 4,8 millons d’euros.
O parlamento catalán reconoixe o dreito a decidir de Arán
ARREDOL | O pleno d’o Parlamento de Catalunya aprebó o pasau martes a lei de rechimen especial d’Arán, con o refirme de todas las collas parlamentarias, fueras de Ciutadans y, en bell articlo, o PP. O documento reconoixe a realidat nacional occitana d’a val, estableixe os dreitos historicos y a identidat d’Arán y le otorga o dreito de decidir o propio futuro. Tamién fixa un tiempo de tres anyadas ta revisar bilateralment, con a Generalitat, o modelo de financiación.
Gamesa trancará a suya fabrica en Taust y deixará sin treballo a 39 personas
ARREDOL | Gamesa, interpresa fabricant d’aerocheneradors, informó ahiere a os treballadors d’a suya intención de trancar a planta de Taust, que ya levaba quatro EREs de suspensión consecutivos. O comité d’interpresa irá o venient viernes ta Bilbau a negociar con o Departamento de Recursos Humanos, una vez ubierto o periodo de consultas entre as partes.
“A revolución u ye somarda u no será”: una anyada de Mullers Y Cordials
ARREDOL | Hue o fanzine Mullers Y Cordials fa o suyo primer cabo d’anyo. ¿Ye ista una gran noticia ta publicar-la en un medio de comunicación? Puet estar que no. Tampoco queremos fer-nos a bamba. Nomás creyemos que as cosas buenas, encara que chicorronas, cal celebrar-las y compartir-las.
Más de 15.000 ciclistas s’apuntoron t’a “Trencauesos”
7.500 personas participarán en a preba ciclista de 200 km
O PP pretende de fer os escraches mas graus delito de terrorismo
ARREDOL | Influir en l'actuación d'una autoridat, alterar a paz social y o funcionamiento d'as estructuras politicas será considerau terrorismo si o PP fa valer as suyas propuestas.
O Tribunal Supremo admite a tramite una demanda de paternidat contra Juan Carlos I
ARREDOL | O Pleno d’o Tribunal Supremo ha decidiu d’admitir a tramite a demanda de paternidat presentada por Ingrid Jeanne Sartiau contra Juan Carlos I. De vez, os machistraus d’a Sala de lo Civil de l’Alto Tribunal en han refusau unatra presentada en o mesmo sentiu contra o rei por Alberto Solá.
O nuevo treballo de Gaire, iste viernes en Arrebato
ARREDOL | O nuevo EP d'a colla incluye seis temas de raso en aragonés. O disco ye editau por Magofermín y l’Asociación Cultural Nogara y se presentará iste viernes a las 20.30 en a sala Arrebato.
Azero presienta con un video o suyo nuevo disco “Made in Teruel”
ARREDOL | O video se gravó iste verano en Auguaviva, en una zona menazada por un prochecto d'entibo.
Zaragoza celebra o suyo XIII Salón d’o comic
ARREDOL | Antimás s'entregarán os IV premios d'o comic aragonés iste chueves en una gala
Remata en Graus o ciclo “Ya puez contá” d’actividatz culturals arredol d’a oralidat y a literatura
Hue remata en Graus o ciclo “Ya puez contá“, que dende 2007, imple o mes con actividatz culturals arredol d’a parola, a oralidat y a literatura. Concursos, charradas, tallers, machia, cine, … toda mena d’actividatz se celebran mientres tot o mes.
Rudi, nominada como “enemiga d’o catalán” de l’anyo 2014
ARREDOL | Comparte candidatura con Rajoy, Wert, José Ramón Bauzà u la Constitución espanyola.
Se presienta o libro “Contruyendo la Primavera Comunera. Escritos militantes”
“Construyendo la Primavera Comunera. Escritos militantes” ye o titol d’o libro que se presentará maitin viernes 28 en a librería La Pantera Rossa de Zaragoza, a las 19.30 horas, con a presencia d’os suyos autors.
A charrada sobre municipalismo y compleganza plena o CC Gara d’o Norte
ARREDOL | Como ya ye cada vegada más cutiano, un acto sobre municipalismo en Zaragoza tornó a deixar chiqueta la sala a on que se feba. En ista ocasión o Centro Civico d’a Gara d’o Norte acullió iste mierques un debat ubierto titolau “Cambiar a ciudat ta cambiar o mundo”, organizau por La Pantera Rossa. Bi charroron Maru Díaz, candidata a la secretaría cheneral de Podemos Zaragoza, Tania Sánchez, que se presienta a las primarias de IU t’a presidencia d’a Comunidat de Madrit, y Ada Colau, promotora d’a plataforma Guanyem Barcelona, d’a on que s’han inspirau atras plataformas “Ganemos” por …
Publicaus os podcast d’as más de 17 horas d’emisions en aragonés de “D’estrela a estrela”
ARREDOL | Quan pasa si fa u no fa dos semanas de que se fese o zaguer “D’estrela a estrela”, Radio Topo 101.8 FM ha publicau en a suya web as mas de 17 horas de emisión especial en aragonés y catalán d’os pasaus 8 y 9 de noviembre.