A Consellería d’Educación ha feito publicas as horas d’aragonés d’os mayestros d’os poquetz colechios publicos an que s’imparte ista luenga y que encara tienen plazas vuedas de mayestro. En a convocatoria d’iste curso a consellería ha aproveitau ta retallar as horas d’os mayestros, encara que seguntes o departamento, no se retallan de horario lectivo sino de refuerzo. En Chaca, por eixemplo, o retalle ye pasar de 2/3 de chornada ta 1/3 de chornada, mientres que en l’Alto Galligo, a plaza a chornal completo que i heba ha quedau en meya chornada.
Borrador de lei de “modalidatz lingüisticas” presentau por o gubierno d´Aragón
Anteproyecto de Ley de uso, protección y promoción de las lenguas y modalidades lingüísticas propias de Aragón. En nombre del Rey y como Presidente de la Comunidad Autónoma de Aragón, promulgo la presente Ley, aprobada por las Cortes de Aragón y ordeno se publique en el «Boletín Oficial de Aragón» y en el «Boletín Oficial del Estado», todo ello de conformidad con lo dispuesto en el artículo 45 del Estatuto de Autonomía de Aragón.
As reaccions no se fan asperar contra o prochecto de lei de luengas d’o PP-PAR
As reaccions no s’han feito asperar debant l’anuncio d’o prochecto de lei de luengas presentau por o PP-PAR, pero no han estau cheneralizadas. Por l’inte, nomás que CHA, entre os partius con ripresentación en as Cortes y as asociacions d’o catalán, han feito saber a suya opinión. Sisquiá o PSOE, que presentó a zaguera lei de luengas ha feito saber a opinión sobre o texto presentau por Dolores Serrat. Dende CHA a vocera en as Cortes Nieves Ibeas dició que ye un disprecio enta la ciudadanía aragonesa y más que más a os que charran aragonés y catalán. Remeró Ibeas …
O gubierno anula de facto a lei de luengas con o suyo prochecto de reforma
A consellera de Cultura, Dolores Serrat ha presentau iste maitín en Zaragoza a reforma d’a lei de luengas aprebada por l’anterior gubierno en 2009. Seguntes a consellera o nuevo texto tien como obchectivo o respeto y a promoción d’os “usos d’as esferents modalidatz lingüisticas” y quiere fuyir de la que ha dito “imposición” d’a lei en vigor. A lei actual, aprebada en 2009, no ha estau desembolicada y garra d’os suyos articlos, fueras d’a creyación d’o Consello Superior d’as Luengas, agora dimitiu, ha dentrau a funcionar.
A mosica plega en as carreras de Mezquita d’Exarc con o IV Tamborilé
Iste sabado, Tamborilé, o festival adedicau a la mosica y animación en a carrera, plega una atra anyada t’o lugar de Mezquita d’Exarc, en as Cuencas Mineras. A tamás de que en atros países d’Europa ista mena de festivals son si fa u no fa comuns, iste ye l’unico d’istas trazas en Aragón. En ista nueva edición bi actuarán mosicos que plegarán dende Croacia, Granada, Badajoz, Vitoria, Guadalachara y prou que sí, Aragón. Collas con una notable trachectoria con muitos planteyamientos diferents que se suman a las más de 22 collas y de 250 mosicos y artistas que han pasau …
Faith Keepers y Pepper pots en o festival ‘estoesloquehay’ de Fonz
O festival ‘Estoesloquehay’ (isto ye lo que bi ha), contará con a presencia d’as colla Faith Keepers y Pepper Pots como platos fuertes. Ferán as suyas actuacions o 29 y o 30 de chunio en a localidat de Fonz, en a Cinca meya en iste evento adedicau a lo soul, lo blues u lo jazz. O festival plega en a suya decena edición pleno de rasmia y d’actividatz. O viernes a las 20.30 en o concello d’o lugar se ferá a debantadera d’a exposición colectiva con a tematica “Categoría”, esleixida como referencia a la riqueza monumental y la tradición nobiliaria …
Chornada Luengas Minorizatas en Barcelona
Dende o Taller d'o Curso d'Aragonés d'o Centro Aragonés de Barcelona ímos organizau una chornada an i serán representau antimás l'asturiano, l'oczitano, o sardo, o galés y o bretón. Ista autibidat ta rematar o curso se fa con a ideya de dar voz a istas luengas minorizatas y trobar-ie estratechias comuns. Dimpués remataremos con zena, mosica y borina. Divendres 8 de juny 18.30 horas. TAULA RODONA "LLENGÜES MINORITÀRIES A L'EUROPA DEL SEGLE XXI" en Alumni UB (Diputació 250). Amb l'objectiu de donar a conèixer aquestes llengües menys parlades farem una visió actual de la situació de cada una. Tractarem així …
Intensa chornada de luita d’a mineria aragonesa, con talles de carretera y concentración en Andorra
Contina a vada en as cuencas mineras aragonesas ta protestar contra o retalle d’o presupuesto d’o sector ta iste anyo 2012, de mas d’un 60%. Mientres tot o diya, as cuencas mineras han viviu a saber los actos de luita que han prencipiau de maitín con o talle d’a carretera N-232 a o suyo paso por Andorra. A nueva chornada tamién ha trancau de raso totas as explotacions, como paso ahiere, no nomás en Aragón, que tamién en atras zonas mineras de l’estau como Asturias. O talle d’a carretera ha prevocau retencions en o tramo, pero no han habiu incidents …
Vivindo en cheso 2012, a fabla chesa de chornada de convivencia
O venient sabado 6 de mayo se ferá en Echo, organizau por Espelungué Chazetania y l’asociación Bisas de lo Subordán a chornada de convivencia Vivindo’n cheso. Tamién i colaboran a redolada d’a Chacetania, o Concello d’a Val d’Echo y o departamento de Cultura d’o gubierno. A chornada prencipia a las 11 d’o maitin, con a plegada en a villa y dimpués se prencipia a atrapaciar a navata en o pozo de lo molino. Una navata prencipiará a baixar a la 1 horada, y a la meya t’as tres prencipiará la chenta. A chornada remata de tardis con una charrada sobre …
A bandera d’o Consello d’Aragón torna ta Caspe
O diya 27 d’abril en o Centro d’Interpretación de l’Autonomía d’Aragón de Caspe tenió puesto a presentación d’una réplica d’a bandera d’o Consello d’Aragón que l’Asociación d’a Muller Caspolina, de conchunta con l’artista Guillermo Cabal, ha confeccionau a partir d’o banderín orichinal d’auto descubierto fa tasos meses. En l’acto, organizau por o Concello de Caspe y o Rolde de Estudios Aragoneses, se presentó tamién o zaguer numero d’a revista ROLDE, en a qual s’incluyen dos articlos referents a la bandera y a o Consello d’Aragón.
As navatas tornarán a esnavesar o Galligo o cabo de semana
A baixada de navatas se fa por decena anyada. I baixarán dos navatas dende Morillo dica Santolaria. As navatas tornarán a baixar parti d’o Galligo o venient lunes. Por decena anyada a Coordinadora Biscarrués – Mallos de Riglos organiza a baixada de navatas en colaborando con l’Asociación de Navaters d’a Galliguera, l’asociación ‘Amigos de la Galliguera’ y bells concellos d’a redolada.
Una exposición amuestra o Sobrarbe d’as anyadas 40
Doscientas fotos ta mirar-se o Sobrarbe d’as anyadas quaranta se pueden viyer dende o pasau viernes en o lugar de Bielsa. A exposición “Ismael Pascual Torres. Fotografías Bielsa y Sobrarbe” se composa de fotos feitas por Ismael Pascual Torres entre 1940 y 1946 en diferents puestos d’a redolada. A tamás d’o gran vinclo que tenió l’autor con o Sobrarbe, y más que más, con Bielsa y Torla, ye a primer vegada que a redolada aculle una exposición suya.
Ueitena edición de Luenga de fumo en Uesca
Por uiteno anyo o Consello d’a Fabla en colaboración con o concello de Uesca, organiza Luenga de fumo un festival que preba d’espardir a cultura en aragonés a traviés de quantas actividatz, todas ellas de gufanya. O programa prencipia o sabado diya 14 d’abril con a presentación de “Prou, prou, luen”, editau por Ara Cultural y d’os autors Carlos García, Tamara Marzo y Chusé Bolea. A presentación d’iste libro-disco de falordias meyoambientals será en a Biblioteca Municipal Antonio Durán Gudiol a las 12.00 horadas.
Chaca, Alcanyiz, Teruel, Andorra u Exea tamién protestoron contra la reforma laboral
Una d'as manifestacións más importants estió a d'Andorra, an que se talloron amás os accesos a la central termica. Por tot o país en lugars chicotz y ciudatz, i habió manifestacións, concentracions y asambleyas con motiu d’a vada cheneral. En Chaca, arredol de 600 presonas s’achuntoron en una manifestación que recorrió as carreras d’a ciudat an que a vada ha teniu un siguimiento gran en a educación y una mica menos en servicios y comercios. En Samianigo, fueras d’os servicios menimos a industria aturó de raso y 800 presonas s’achuntoron convocadas por os sindicatos ta protestar contra la reforma. En …
Más de 300 presonas marchan por a Ribagorza contra la linia d’alta tensión
A Plataforma contra l’autopista electrica convocó ahiere una marcha entre o Pueyo de Marguillén y Capella, ta refusar a construcción d’una linia d’alta tensión entre Penyalba, L’Arnero y Isona. Más de 300 presonas marchoron entre as dos localidatz, remerando una marcha pareixida convocada fa 20 anyos contra l’allora nombrada Aragón-Cazaril. A marcha ha aplegau a buena parti d’os alcaldes y concellers d’a zona afectada, asinas como miembros de partius politicos, CHA, IU, Equo u Convergència Democràtica de la Franja, asinas como asociacions culturals y civils d’o territorio.
12 anyos sin Chuana Coscujuela
O 19 de febrero de l’anyo 2000 perdeba la vida en Barcelona Chuana Coscujuela, naixida en 1910 de Fumel (Francia), do heban marchau sus pais ta treballar. A o poco tiempo de naixer Chuana, tornan ta o lugar de do yera a familia, Adahuesca, en o Semontano, astí pasa Chuana a suya nineza, como narra en a suya obra autobiografica A Lueca. En 1922 se’n fue ta Barcelona, en do ya yeran bell unos d’os suyos chirmans. En Barcelona se casó con Joan Mirambell (Chuan en a obra de Chuana Coscujuela) y tenió dos fillas, una d’as quals, morió en …
Ubren os centros d’interpretación d’a naturaleza
Entre o mes de chinero han ubierto as suyas puertas os centros d’interpretación d’a naturaleza d’a Laguna de Gallocanta, en Bello (Teruel), y d’a Laguna de Sarinyena (Uesca), ta desfrutar d’a presencia en istas calendatas d’hibierno d’as aus migratorias a la suya paso por tierras aragonesas. A ells s’irán unindo dende iste primer cabo de semana de febrero a resta d’os centros d’interpretación que disposan os esferents espacios naturals protechius d’Aragón, chestionaus por a Dirección Cheneral de Conservación d’o Meyo Natural d’o Departamento d’Agricultura, Ganadería y Meyo Ambient a traviés d’a interpresa publica Sodemasa.
A nuena edición d’o festiva Nocte se celebrará d’o 5 a o 8 de chulio
A localidat uescana de Graus acullirá entre os diyas 5 y 8 de chulio a nuena edición d'o festival Nocte. Os artistas, collas y companyías intresadas en presentar proposas de creyación y exhibición scenica ta participar en o festival pueden fer-lo dica o venient 31 de marzo. O festival estudeará totz os prochectos artisticos documentaus ninviaus dentro d’iste plazo. A información habrá de ninviar-se por email a festival@noctegraus.es, y incluyir ficha artistica y tecnica, vinclos a contenius audiovisuals y condicións economicas.
Se buscan actors y actrices ta fer teyatro en o campus de Uesca
O Campus de Uesca convoca una reunión ta la constitución d’a colla de teyatro universitaire En Obras. Iste prochecto que, tien de vez un caracter artistico y formatico, como taller d’interpretación teyatral, y artistico prentende ufrir a la comunidat universitaire uescana la posibilidat d’amanar-se a la interpretación teyatral treballando de traza progresiva scenas y obras. As personas intresadas pueden acudir huei martes, 17 de chinero, a las 19.30 horas, a o Poliesportivo Universitaire Río Isuela (Ronda de Misericordia, 5), ta conoixer os pormenors d’ista iniciativa y os espacios adedicaus a o teyatro y expresión corporal an que se desenvolicará un …
L’ature creixe en Aragón un 10% en o mes d’aviento
Fuent: Arredol L’ature rechistrau en Aragón aumentó en aviento en 1.904 presonas respective a noviembre y situga o total de desemplegaus a o zarre de 2011 en 101.982, ixo suposa 9.313 aturaus mas que un anyo antes, un 10,05%, seguntes datos d’o Ministerio d’Emplego espanyol. En o conchunto de l’estau, l’ature puyó en aviento y situga o total de desemplegaus a o zarre de 2011 en 4.422.359. A nueva secretaria d’Estau d’Emplego, Engracia Hidalgo, destaca en una nota que istes datos confirman o piyor situación economica en o segundo semestre de l’anyo, y subraya que as succesivas reformas incompletas de relacions …
Los Draps anuncian o cese d’a suya actividat mosical
Fuente: Arredol A colla d’o Matarranya Los Draps deixan de tocar como han feito publico en o suyo perfil de Facebook. Una d’as collas que mas ha feito por a normalizacion d’a mosica en catalán en Aragón y tamién por a normalidat de l’Aragón trilingüe deixan de tocar por “o colapso creativo” y as “distancias cheograficas” entre os miembros d’o grupo.
Os bombers d’A Litera protestan contra os despidos
Fuente: Arredol Os bombers d’a redolada d’A Litera han decidiu trancar-se en o propio parque de bombers ta concarar a reducción de presonal y presupuesto alcordada o lunes en o pleno d’a redolada. L’alcuerdo d’o pleno extraordinario despide a 7 d’os 11 bombers profesionals que tiene o parque. A propuesta saliba con os votos a favor d’o gubierno PP-PAR y os votos en contra de PSOE y CHA.
Reubre (pero poco) o Centro d’interpretación d’a guerra de Robres
Fuente: Arredol O Centro d’Interpretación d’a Guerra Civil de Robres ubrira de nuevo as suyas puertas en os meses d’aviento y chinero. O Centro que remane trancau dende marzo. Pero ubrira d’una manera muit parcial. Nomas se podra vesitar os diyas 6, 8, 10, 11, 17 y 18 d’aviento y o diya 6 de chinero. A cesión de l’espacio remató en marzo d’iste anyo y a voluntat de todas as partis ha aconseguiu un alcuerdo de menimos que fera que se pueda veyer iste espacio d’investigación y divulgación nomás que siet diyas.