Avatar

ARREDOL

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)

    Ada Colau fa cara a os banquers en o congreso espanyol y les califica de criminals

    ARREDOL | VILAWEB | A portavoz d’a Plataforma d’Afectaus por as Hipotecas (PAH), Ada Colau, ha calificau de "criminal" a o secretaire cheneral de l’Asociación Espanyola de Banca (AEB), Javier Rodríguez Pellitero, en a suya intervención en a comisión d’Economía d’o congreso espanyol. O president d’a comisión, Santiago Lanzuela (PP), le ha demandau que retirase a expresión y ha menazau que suspendería a sesión si no lo feba. Colau ha respondiu que i hai muitas trazas de violencia y de desprecio: "A la chent con quí yo soi cada diya nos ha ofendiu fundament a intervención de Pellitero por haber …

    Un conceller d’o PP de Calatayú dimite dimpués de demandar a Rajoy que “cuente a verdat”

    ARREDOL | Ye a primer dimisión en Aragón relacionada con o caso Bárcenas. José Hueso, conceller d’o PP en Calatayú, ha renunciau iste lunes a las suyas delegacions de Agricultura y Trafico y Policía Local y a la suya acta de conceller. Encara que no yera afiliau a lo Partiu Popular, salió esleixiu conceller en as zaguers eleccions por ista formación. Fa bells diyas demandó a Mariano Rajoy, president d’o PP y d’o gubierno espanyol que “contase a verdat y actuase ta depurar responsabilidatz politicas y penals si bi’n hese”. Dende o concello, presidiu por l’alcalde Jose Manuel Aranda, no …

    A marea verda torna a puyar en Tarazona

    ARREDOL | A marea verda torna a puyar esta semana en a comarca de Moncayo. Esta semana profesors de l’IES Tubalcain de Tarazona s’han enzarrau en o centro sin interrupción dica hue mesmo, domingo 3 de febrero, y continarán esta semana de carnaval ta celebrar y acompanyar a vada d’estudiants que s’ha convocau dende o día 5 dica o 7 de febrero y que en veremos a suya repercusión. Si cal, tamién celebrarán o chueves lardero igual como o chueves pasau, día 31 de chinero, a comunidat educativa de a ciudat celebró o día de a paz, penchando palomas verdas …

    Agüero celebra a fiesta d’as mascaretas y Lituenigo a fiesta en honor a Sant Blas

    ARREDOL | Agüero celebra iste sabado a fiesta d’as mascaretas, una d’as primers festividatz carnavaleras d’o Pirineu, y que estió recuperada por os suyos habitadors en 2008, dimpués de decadas sin fer-se. China chana, ista fiesta se ha convertiu en un d’os referents d’os carnavals pirinencos. A chornada prencipiará con o taller de mascaretas que se fa de maitins, a on que qui quiera podrá fer-ie a mascareta que portará de tardis. De meyodiyas  bi habrá caldereta t’o vecinamen, que habrán presto os “pozaleros” u “fieros” ya dende o maitín. A las 20.00 horas plega l’acto central que ye a …

    L’aula de cine d’o Campus de Uesca adedica un ciclo a Ben Hecht

    ARREDOL | L’aula de cine d’o Campus de Uesca adedica un ciclo a lo guionista d’Estaus Unius Ben Hecht. Iste periodista y escritor, un d’os más populars d’os tiempos clasicos de Hollywood, y o primer en conseguir un Oscar a lo Millor Guión Orichinal, treballó en obras como Wuthering Heights (Tucas borrascosas), Gone with the wind (Iu con o viento), Duel in the sun (Duelo baixo o sol) u Cleopatra. Scarface, de Howard Hawks, ubre as procheccions huei miercols a las 19.30 horas en a Facultat d’Intepresa y Chestión Publica (Plaza d’a Constitución 2). Atras siet cintas, feitas entre as …

    La Gran Orquesta Republicana torna ta Zaragoza

    ARREDOL | La Gran Orquesta Republicana torna ta Zaragoza huei viernes 25 con a suya “Chira chicota 2013″. O concierto será en a Sala López a partir d’as 21.00 horas y en formato achiquiu, con batería, baixo, guitarra, voz y trombón nomás. A colla balear ferán un repaso d’a suya discografía y antimás ferán belunas d’as cantas que serán en o suyo nuevo disco “Capitalismo KO”. Iste será o nuevo treballo dimpués de “Abrazos”, que facioron en 2004, encara que sí que han feito tant y mientres bella canta nueva, versions u a edición d’un DVD en directo.

    UGT Aragón presenta un ERE que afectaría a 45 treballadors

    ARREDOL | O comité “rechional” de UGT (Unión Cheneral de Treballadors) en Aragón aprebó iste lunes os suyos presupuestos ta l’anyada 2013, a on que se replega a posibilidat de fer un ERE (Expedient de Regulación d’Emplego) que podría afectar a dica 45 treballadors d’iste sindicato que’n conta con 101 en tot lo territorio aragonés. D’os 45 treballadors, bi’n habría 29 tecnicos y 10 administrativos. S’ubre agora un tiempo de 30 diyas de negociacions y consultas ta viyer como s’articula o ERE. A primer reunión se ferá o chueves 24. No ye a primer vegada que UGT fa servir un …

    Ya se conoixen quasi totz os candidatos t’os premios d’a mosica aragonesa

    ARREDOL | Os XIV premios d’a mosica aragonesa (PMA) se presentoron iste miercols en o Espacio Ámbar d’a interpresa de bieras La Zaragozana, a on que se conoixioron os quatre candidatos ta cadagún d’os premios. Istos premios se entregarán en una gala que se celebrará, como atras anyadas en o Teatro Principal de Zaragoza y a on que se podrán viyer as actuacions de Gavy Sander’s, The Faith Keepers, y Lírico. Virginia Martínez, periodista y showoman, será qui presente a gala, que será televisada por ZTV. Os premios son organizaus por Aragón Musical y conta con patrocinadors publicos, como lo …

    Carta de despedida a Florencio Eworo

    ARREDOL | Un companyer d'a ONCE li escribe ista carta a Florencio Eworo, que aparixeba muerto en l'entibo de Pina. Zaragoza.- 17 chinero 2013 | Qué pequenyo yeras quan te conoxié, y que pequenyo yera yo tamién. Ya han pasau unas quantas anyadas dende aquel campamento en Campo, con os nuestros companyers de la ONCE quan me recibiés con os brazos ubiertos. Ixe zagalico negro que perén yera feliz. Que perén sonrieba. Ixe mesache que plegaba con yo enta o másalto d’a casa escalando. Ixe mocé a lo que o monitor clamaba ”Floriano”, ixe choben que sabeba fer bien de tot, que nunca no diciba que no a …

    Contina a vada en os minchadors escolars

    ARREDOL | A vada indefinida de treballadoras d’os minchadors escolars contina iste miercols por segundo diya, dimpués de que o Tribunal Superior de Chusticia d’Aragón suspendese os servicios minimos que heba decretau o Gubierno d’Aragón y que heban incumpliu os treballadors. Iste martes, dimpués d’una reunión de cinco horas entre representants d’a Consellería d’Educación, d’os treballadors y d’a patronal se continó sin plegar en garra alcuerdo, encara que as partis reconoixen que se son fendo trangos enta debant. Dende Educación se proposó una nueva distribución de servicios mínimos que establiba una presencia d’o 25% como norma cheneral, más un monitor …

    Ubuntu quiere fer cara a Android

    ARREDOL | O sistema operativo Ubuntu, alazetau en o software libre Linux, ha presentau ista semana una versión adaptada ta telefonos mobils intelichents que quiere fer frent a Android, o sistema operativo de Google ta mobils. Ye previsto que d’aquí a unas quantas semanas o codigo d’o nuevo sistema se faiga publico ta que qui quiera lo pueda prebar y retocar en telefonos Samsung y que a zaguers d’anyo se puedan mercar os primers telefonos con iste sistema operativo ya instalau. Veyetz iste vidio de presentación.

    “Los Calderons” remeran a los reis a on ye La Fraixneda

    ARREDOL | Iste sabado La Fraixneda (Matarranya) celebra a suya tradición de Los Calderons, a on que a catrinalla d’o lugar recorre as carreras d’o lugar fendo firme estrapalucio con calderons y fierros. Lo fan ta remerar a los reis magos que no pasen de largo y dentren en o lugar a deixar-ie os presents. Ista tradición no sé sabe guaire bien d’a on vien, pero sí que leva arrienda anyadas fendo-se y que pasa de pais a fillos. A las diez d’o maitín a mainalla se chunta en a plaza ta fer una chicolatada y prener “os calderons”: coberteras, …

    La Ciclería, un nuevo local ta ciclistas en Zaragoza

    ARREDOL | Iste viernes se presentó en Zaragoza lo que será en bells pocos diyas un nuevo puesto de referencia t’os usuarios de bicicletas d’a ciudat. O suyo nombre ye La Ciclería y ubrirá a primers de chinero as suyas puertas en a carrera Palafox d’o vico d’a Madalena. L’espacio sustituye a lo que yera "La ciudad de las bicis", en a carrera Predicadors, encara que enamplará os suyos servicios y actividatz. Han decidiu de cambiar de local porque "La ciudad de las bicis se quedaba chicota", seguntes declaracions de Arturo, un d’os socios d’a Ciclería. "As posibilidatz d’iste nuevo …

    IU demanda una comisión d’investigación sobre a chestión en Caja3

    ARREDOL | A colla parlamentaria de Izquierda Unida (IU) rechistró ahiere una moción a on que demanda a lo Gubierno d’Aragón que s’ubra una comisión d’investigación sobre a chestión d’a CAI en as zaguers anyadas y a que se cese a o suyo antigo director cheneral que agora ye Conseller Delegau de Caja3. En a moción, o partiu “manifiesta o suyo refirme y solidaridat con os treballadors y treballadoras d’a CAI, integrada agora en Caja3, y claman a lo gubierno a meyar en o nuevo proceso de negociación colectiva con l’obchetivo de que no se forachite a dengún y que …

    L’Estudio de Filolochía Aragonesa incorpora seis nuevos miembros

    ARREDOL | Lo pasau 15 d’aviento se cilebró reunión plenera de lo Estudio de Filolochía Aragonesa (Academia de l’Aragonés), que preside Manuel Castán Espot, y s’aprebó o nombramiento de seis nuevos miembros, en calidat de ‘Correspondients’, que van a incorporar-se d’immediato a las fayenas de codificación lingüistica que en istos momentos se’n son desarrollando. Os nuevos miembros son Miguel Ánchel Barcos, natural de Fago, en a val d’Ansó y fablant d’o dialecto ansotano; ye lexicografo y traductor.

    Transportes Alfonso zarra y deixa sin treballo a toda a suya plantilla

    ARREDOL | 88 nuevos treballadors mas rematarán en as venients semanas en as oficinas de l’INAEM en trancar a interpresa Transportes Generales Alfonso SL, ubicada en Andorra. A interpresa ye en concurso de crededors y seguntes fuents sindicals, os administradors concursals informoron a o comité d’interpresa d’a suya intención de presentar un expedient d’extinción d’emplego que ferá fuera a toda a plantilla y rematará con a liquidación d’a interpresa.

    Carlos Azagra: “Antis más bi heba censura politica y agora bi’n ha d’economica”

    L'autor de Pedro Pico & Pico Vena nos da a suya anvista sobre o comic y a politica. ARREDOL | Con a enchaquia d’o Salón d’o Comic de Zaragoza, Carlos Azagrapresentó o sabado 15 de maitins o suyo nuevo treballo “Los jueves al sol” con os suyos conoixius personaches Pedro Pico y Pico Vena. Sobre istas y atras cosas nos charró. Arredol. Presentas hue “Los jueves al sol”, ¿qué imos a trobar-nos-ie? Carlos Azagra. Un poquet de tot. Más que más sorpresas, porque bi ha cosas que no han saliu publicadas, historietas ineditas de Malavida, cosas que encara que han …

    Imputan a o director de Gara enaltecimiento d’o terrorismo por un articlo d’opinión

    ARREDOL | Hue Iñaki Soto, director d’o diario vasco Gara, acudió a la Audiencia Nacional espanyola ta declarar en calidat d’imputau por un presunto delito d’enaltecimiento d’o terrorismo debiu a una carta a o director publicada en agosto pasau que feba referencia a o 25 cabo d’anyo d’as muertes d’os militants d’ETA Maite Pérez y Rafa Etxebeste en Sant Sebastián en 1987 mientres manipoliaban un artefacto explosivo. A citación, que ye d’o 14 d’aviento, no precisaba nian de que delito se le imputaba.

    O colechio d’educación especial Arboleda recibe un premio por a suya biblioteca

    ARREDOL | O colechio d’educación especial Arboleda de Teruel ha recibiu o premio estatal de buenas practicas en bibliotecas escolars. O premio, que da o Ministerio d’Educación, reconoix y esparde a trachectoria d’os centros que destacan por transformar y enriquir a suya biblioteca y asinas adaptar-se ta lo que le cal a l’alumnalla. Concretament, o CEE Arboleda con o suyo prochecto “Descubrindo a Biblioteca” ha conseguiu o tercer premio d’a modalidat A, destinada t’os centros educativos sostenius con fundos publicos (publicos y privaus concertaus) que fan amostranzas d’Educaicón Infantil Especial y Educación t’as personas adultas, dotau con 6.000 euros.

    Seis nuevos países declaraus libres de minas antipersona

    Arredol, 10 de diciembre de 2012 | Seis nuevos países han estau declaraus libres de minas antipersona en rematar a 12ª Conferenciad’Estaus Parte d’a Convención d’Ottawa que ye a que vieda l’emplego d’istas armas explosivas que han causau un gran mal a la población civil en esferents conflictos armaus arredol d’o mundo. Mas de 26.000 personas a l’anyo en a planeta mueren u son graument nafradas con amputacions debiu a las alto u baixo 110 millons de minas existents en 64 países. Dinamarca, Gambia, Guinea Bissau, Chordania, Uganda y a Republica d’o Congo son os nuevos países que han cumpliu …

    As escritoras aragonesas, protagonistas d’a Feria d’o Libro Aragonés

    ARREDOL | A Feria d’o Libro Aragonés de Monzón plega t’a suya XVIII edición plena de vitalidat y con bellas novedatz en a suya organización. Ista anyada las protagonistas serán las escritoras aragonesas, tema central esleixiu ta ista edición. Como en anteriors edicions, a Feria d’o Libro Aragonés ye un punto de trobada entre editorials, asociacions, botigas, autors y lectors a on que as luengas d’Aragón y atros temas aragoneses siempre i son bien presents. Marisa Mur, a nueva presidenta d’o Patonato d’a Institución Ferial, qui prene o relevo de Jesús Planas, presentó belunas d’as novedatz ta ista anyada. S’ha …

    Chuse Inazio Nabarro presentó o suyo nuevo libro “Mesaches”

    ARREDOL | Chuse Inazio Nabarro presentó o viernes en a Biblioteca publica de Balbastro o suyo nuevo libro ‘Mesaches’, una obra que reconta tres anyadas, entre 1974 y 1977 d’a vida d’un zagal qui vive de conchunta con os companyers suyos en a Universidat Laboral de Cheste. En o libro, o protagonista pasa d’a nineza t’adolescencia en o mel meyo d’a transición politica, tenendo bien present o tema de l’amostranza. Iste libro ye estau o zaguer ganador d’o premio de Novela Curta “Ziudá de Balbastro” que convoca todas las anyadas o concello d’a ciudat y que tien una valor economica …

    Curtometrache “La cursa del submarino” feto per as ninas y ninos de Sant Chuan de Plan

    ARREDOL | El Festival de Cine de Zaragoza ha trigau el curtometrache en aragonés “La cursa del submarino“, feto per es ninos que fan clase d’aragonés en la escuela de Sant Chuan de Plan, ta participar en la I Edición d’el Certamen “Encuentro de Escolares 2012″. Ta este certamen s’ha seleccionau tamién atros vente curtometraches, de diferents centros escolares. Las procheccions se ferán el diya 30 de noviembre en el salón d’actos de la Residencia Chovenil Baltasar Gracián (C/ Franco y López, 4, de Zaragoza) a partir de las 16:30h. La entrada ye libre.

    Radio Topo emite de raso en aragonés por un diya

    ARREDOL | 1 d’aviento, Radio Topo 101.8 ferá a suya emisión especial “D’estrela a estrela”. Mientres tot lo diya se ferá una programación de raso en aragonés. Ista ye a segunda edición d’ista iniciativa que naixió l’anyada pasada y que contó con más de 10 horas de programación que se puet ascuitar en o blog de Fendo Orella, programa organizador de l’evento. En ista edición, a programación se prolargará por más de 15 horas, prencipiando a las ueito d’o maitín con “Sona o revel”, un programa menau por o presentador cutiano de “El Kantamañanas”. Contino i pasarán beluns d’os programas …

    L’aragonés ye present ista semana en un Seminario sobre “Medios de comunicación socials y as luengas minoritarias”

    ARREDOL | D’o 28 ta o 30 de noviembre, se ye celebrando en a capital Frisia, Ljouwert, un Seminario internacional sobre “Medios de comunicación socials y as luengas minoritarias”. Iste seminario, que se fa en a siede de l’Academia Frisia (Fryske Akademy), ye o seiseno d’una serie de seminarios organizaus de conchunta por o Centro d’Investigación Mercator y o Gubierno Basco, en a bastida d’un prochecto d’investigación sobre multilingüismo y educación multilingüe. En iste seminario s’estudiará aspectos relativos a os conoixius como ”social media” (blogs, retz socials, plataformas colaborativas, medios de comunicación como Arredol.com) en contextos multilingües, mas que mas …

    CGT demanda sacar a relichión d’as escuelas y suprimir os conciertos educativos

    ARREDOL | O sindicato CGT ha considerau “increyible” que a Consellera d’Educación Dolores Serrat haiga demandau a o ministro espanyol d’Educación, Jose Ignacio Wert, que blindase l’amostranza de relichión y enamplase os conciertos educativos con a privada ta rans de Bachillerato. Más que más, debant d’as “graus retalladas en a publica” y de que “o chornal d’os profesors de relichión nos cuesta 7,3 millons d’euros por curso a tamás de que les achuste lo bispau”. Seguntes o sindicato “Dolores Serrat no representa a la comunidat educativa d’Aragón que cada vegada más ye demandando a fin d’os privilechios d’a Concertada, ni …

    Benás celebra o “diya d’o patués”

    ARREDOL | A villa de Benás celebra o viernes 23 o ‘diya d’o patués’, una chornada adedicada a iste dialecto de l’aragonés, un d’os más charraus y millor conservaus. Os actos se ferán en o Palacio d’os Condes d’a Ribagorza y prencipiarán con una chicolatada con torta ta totz dende as 17.30 horas. O diya continará con una actuación de man de l’alumnalla d’o CRA (Centro Rural Agrupau) Alta Ribagorza y d’a suya profesora Carmen Castán. Dimpués, a las ueito, se ferá a prochección d’un curtometrache realizau por l’alumnalla d’o CES “Valle de Benasque”. A chornada rematará con a lectura …

    Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

    ACEPTAR
    Aviso de cookies