Vada en a Facultat d'Albeyteria

Dende a Facultat d'Albeyteria d'a Universidat de Zaragoza tamien s'ha secundau a vada. Os piquetz han tancau as puertas de totz os edificios deixando solo que una puerta ubierta por edificio, amás, os piquetz han obstaculizau con bicis o paso a las puertas ubiertas. Dende as siet d'o maitin os piquetz han estau recullindo sinyas contra os retalles en educación y informando a tot qui se bi amanaba d'a enchaquia d'a vada. Os piquetz tamien s'han mirau d'aturar un autobús que partiba d'a Facultat a las 8 d'o maitin con motivo d'una cursa organizada dende antes de que se convocase …

Foto: Luzia
[/caption]

Dende a Facultat d'Albeyteria d'a Universidat de Zaragoza tamien s'ha secundau a vada. Os piquetz han tancau as puertas de totz os edificios deixando solo que una puerta ubierta por edificio, amás, os piquetz han obstaculizau con bicis o paso a las puertas ubiertas. Dende as siet d'o maitin os piquetz han estau recullindo sinyas contra os retalles en educación y informando a tot qui se bi amanaba d'a enchaquia d'a vada.

Os piquetz tamien s'han mirau d'aturar un autobús que partiba d'a Facultat a las 8 d'o maitin con motivo d'una cursa organizada dende antes de que se convocase a vada. O profesor organizador d'a cursa ha dito que no bi habria reprimendas contra os alumnos que no bi isen, pero que heba estau imposible cancelar-la ya que se tractaba d'una cursa a una explotación externa. Bells alumnos s'han baixau d'o bus, y atros no han plegau a puyar-ie.

A las onze d'o maitin, s'ha encetau una cacerolada que ha recorriu diferents departamentos d'a Facultat, amás d'interrumpir a unica clase que se yera impartindo en toda la Facultat. Mientras a clase, o profesor, que s'ha declarau a favor d'a vada y que ha dito que solo feba clase porque os alumnos asinas le'n heban demandau, ha dau permiso a os piquetz ta que informasen d'o motivo d'a vada y ta remerar a os alumnos presents en l'aula que a l'atro'l anyo un curso con solo que asignaturas de primera matricla en ixa Facultat costará 5.000 €, y si se ye estudiant no comunitario, 10.000€. D'atra man, a carrera d'Albeyteria ye una carrera que cuenta con un gran numero de repetidors en cuasi todas as asignaturas, feito que fa puyar encara más as tasas.

A cacerolada tamien ha pasau por a Cafetería y por a Biblioteca y a Sala d'Estudeo.

A vada en a Facultat d'Albeyteria ha estau tot un exito, pues han estau bien pocos os alumnos que s'han amanau hué a la Facultat con intención d'ir a clase. Ta ista tardi ye convocada una manifestación que partira a las 17.00 horas d'a Facultat d'Albeyteria ta plegar en Plaza San Francisco a las 18.00 y unir-se aqui a la resta de colectivos universitarios ta continar chuntos ent'o Paraninfo.

Luzia | Ta AraInfo

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies