Ubren os centros d’interpretación d’a naturaleza

Entre o mes de chinero han ubierto as suyas puertas os centros d’interpretación d’a naturaleza d’a Laguna de Gallocanta, en Bello (Teruel), y d’a Laguna de Sarinyena (Uesca), ta desfrutar d’a presencia en istas calendatas d’hibierno d’as aus migratorias a la suya paso por tierras aragonesas. A ells s’irán unindo dende iste primer cabo de semana de febrero a resta d’os centros d’interpretación que disposan os esferents espacios naturals protechius d’Aragón, chestionaus por a Dirección Cheneral de Conservación d’o Meyo Natural d’o Departamento d’Agricultura, Ganadería y Meyo Ambient a traviés d’a interpresa publica Sodemasa. O 4 de febrero ubrirán os …

En San Chuan d'a Penya, con un monitor ambiental. Foto: comarcas.es
[/caption]

Entre o mes de chinero han ubierto as suyas puertas os centros d’interpretación d’a naturaleza d’a Laguna de Gallocanta, en Bello (Teruel), y d’a Laguna de Sarinyena (Uesca), ta desfrutar d’a presencia en istas calendatas d’hibierno d’as aus migratorias a la suya paso por tierras aragonesas. A ells s’irán unindo dende iste primer cabo de semana de febrero a resta d’os centros d’interpretación que disposan os esferents espacios naturals protechius d’Aragón, chestionaus por a Dirección Cheneral de Conservación d’o Meyo Natural d’o Departamento d’Agricultura, Ganadería y Meyo Ambient a traviés d’a interpresa publica Sodemasa.

O 4 de febrero ubrirán os centros de Agramont y Anyón (Parque Natural d’o Moncayo), Biarche (Parque Natural d’a Sierra y Canyóns de Guara), Ansó (Parque Natural d’as Vals Occidentals) y Dornaque (Paisache Protechiu d’as Pinetas de Rodeno). O segundo cabo de semana de febrero ubrirán os de Sant Chuan d’a Penya y Benás, y, entre finals de marzo y prencipios d’abril, completarán a obridura a totalidat d’os centros.

Amás, dende o Departamento d’Agricultura, Ganadería y Meyo Ambient d’o Gubierno d’Aragón se quiere aprofitar a celebración arredol d’o Día Mundial d’os Humidals tafer diversas actividatz en os suyas centros d’interpretación mas enreligaus a ixe tipo d’espacios naturals. Asinas, a lo largo d’iste mes en Bello y o galacho d’Alfranca se realizará una serie de visitas guiadas, gratuitas y ta totz os publicos, an os monitors meyoambientals amostrarán as valors naturals d’as Reservas Naturals d’a Laguna de Gallocanta y d’os Sotos y Galachos de l’Ebro, respectivament.

As visitas guiadas con monitors a la Reserva Natural d’a Laguna de Gallocanta permitirán conoixer l’eixemplo millor conservau d’o mayor lago salau d’Europa Occidental, incluiu en a Convención Ramsar de’Humidals d’Importancia Internacional. Será os cabos de semana de febrero d’11.00 a 14.00 y de 16.00 a 19.00 horas dende o Centro d’Interpretación de Bello (Teruel), con una visita que dura tres horas. As visitas tamién guiadas por l’interior d’a Reserva Natural d’os Sotos y Galachos de l’Ebro partirán d’a finca d’Alfranca (Pastriz) ta conoixer as aus y a naturaleza d’istes meandros abandonaus por l’Ebro decenios dezaga. Serán os cabos de semana de febrero con salidas a las 10.45 horas, 13.00 horas, 15.45 horas y 17.00 horas, con visitas que duran una hora.

Fuent: Arredol

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies