zLISTA Culturas Culturas #LuengasAragón

Ubierto o IV Concurso d’Haikus en Aragonés

| 7 abril, 2018 18.04
Ubierto o IV Concurso d’Haikus en Aragonés

Dimpués d’a buena acullida que tenión as tres primeras edizions, a pachina de Facebook L’Aragonés en a Plana de Uesca reprene o Concurso de Haikus en Aragonés, con a IV edizión, que ye ubierta dende fa bels días en iste rete sozial.

O haiku ye un tipo de poesía chaponesa, que consiste en un poema breu, por un regular formau por tres versos de zinco, siet y zinco silabas respeutivamén. A poetica d’o haiku se basa a sobén en a sorpresa y o goyo que siente o poeta en alufrar a naturaleza, pero as tematicas pueden estar variadas.

Se puede partizipar en o concurso escribindo toz os haikus que se quiera en a pachina d’o evento en facebook, con a sola condizión que han d’estar escritos en aragonés. O concurso se zarrará o 30 d’abril. Bi ha un unico premio a lo millor haiku, que será designau por o churau. O premio consiste en un lote de libros y materials donaus por as entidaz colaboraderas: Xordica EditorialGara d’EdizionsInstituto de Estudios Altoaragoneses,  Consello D’a Fabla Aragonesa, Garabato Books, amás d’a colaborazión d’a Direzión Cheneral de Politica Lingüistica d’o Gobierno d’Aragón.

7 abril, 2018

Autor/Autora


Flickr
Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR