Solidaridat con Palestina

Dende Purna, a chovenalla revolucionaria y independentista, queremos fer plegar a nuestra solidaridat a o pueblo palestino. Fa más d’una semana que o Echercito israelí ye bombardeando Gaza y asesinando a cientos de personas con total impunidat, baixo a uellada complice d’o mundo capitalista. As atrocidatz cometidas por l’Estau sionista dende a suya creyación en 1948 han estau innumerables y somos convencidas d’a necesidat d’a solidaridat internacional t’a resolución d’iste conflicto. O bombardeo se produce a quatro meses d’unas eleccions en Israel y o gubierno de Netanyahu ye optando por a mesma estratechia politica que en o 2008, quan debant …

Dende Purna, a chovenalla revolucionaria y independentista, queremos fer plegar a nuestra solidaridat a o pueblo palestino. Fa más d’una semana que o Echercito israelí ye bombardeando Gaza y asesinando a cientos de personas con total impunidat, baixo a uellada complice d’o mundo capitalista. As atrocidatz cometidas por l’Estau sionista dende a suya creyación en 1948 han estau innumerables y somos convencidas d’a necesidat d’a solidaridat internacional t’a resolución d’iste conflicto.

O bombardeo se produce a quatro meses d’unas eleccions en Israel y o gubierno de Netanyahu ye optando por a mesma estratechia politica que en o 2008, quan debant d’as pasadas eleccions tamién enristió Gaza. Israel basa o suyo discurso en una supuesta necesidat de seguridat nacional con fins electorals, pero no i ha más que viyer as cifras de muertos ta dar-se cuenta de qui ye o malo d’ista pelicula. A enrestida contra Gaza no ye de garra traza chustificada y torna a dixar en evidencia a l’Estau d’Israel. No se puet clamar terrorista a la chent que esfiende a libertat d’o suyo pueblo, a las personas que son masacradas, a la chent que padece as consecuencias de l’ocupación dende fa decenios, y a as mullers y hombres que aiman a suya tierra.

O pueblo palestino ye un eixemplo de dignidat ta todas aquellas que luitamos. Ye un pueblo que ha sabiu mantener-se vivo a pesar de l’ocupación, l’apartheid, a masacre y a dispersión. Hombres y mullers libres que nunca no renunciarán a la suya tierra y que han amostrau a o mundo que nomas un pueblo que baralla tien futuro. Garra resolución d’o conflicto será chusta sin o dreito a tornar d’os refuchiados, sin o fin d’o rechimen d’apartheid, sin una amnistía t’as presas, y sin una esferra d’o muro. Por ixo, dende Purna, queremos exichir o cese d’os bombardeos y o cese d’a ocupación. Palestina vive en a memoria de todas aquellas que luitamos.

Free Palestine! ¡Solidaridat y Internacionalismo!

Purna, a chovenalla independentista y revolucionaria

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies