NdP.- Zaragoza, 17 de junio de 2012 | Purna | “A luita ye parellana a un circlo, puetz prencipiar en cualsiquier punto, pero nunca no remata” | Jarrai naixe o 6 de mayo de 1979 como organización chovenil, abertzale y socialista de Hego Euskal Herria, y ye a que construyó lo camin, le’n dió forma y prencipió a andar, dende os suyos inicios estió lo referent y vanguardia d’a choventut vasca, y o suyo nombre va inseparablement enreligau a o movimiento chovenil vasco.
A suya referencialidat no se ganó nomás con o discurso, estió a practica, o treballo lugar a lugar y vico a vico. Os Gazte Topaguneak, as Mendi Martxak, as suyas nuevas trazas de fer politica, amanan a mils y mils de chovens a un movimiento que tien como alazets basicos un prochecto politico independentista, socialista y feminista que se construye en diya par d’atro, treballando as linias que posibilitan y empentan roturas enta o sistema opresor.
En l’anyo 2000 naixe Haika, d’a compleganza de Jarrai y Gazteriak, creyando alavez una organización chovenil de raso nacional ta toda Euskal Herria, con un potencial envidiable en toda la cucha revolucionaria europea.
O 16 de chunio de 2001 fruito d’o debat Gazte Bilgunea surche Segi, ya no nomás como una organización, soque como un movimiento que tien o suyo ambito d’actuación en toda Euskal Herria, independentista, revolucionario, socialista, euskaldun y feminista. Amás d’estar formada por chovens, treballa arredol d’a problematica d’a choventut vasca, a choventut tien unos problemas especificos y Segi ye un traste ta luitar contra ixos problemas y construyir alternativas, no limitandose a aquellas que son con o suyo prochecto politico soque ye dirichida a toda la choventut vasca.
A finals d’ixa anyada ye integrada en a “lista europea d’organizaciones terroristas”, y dende ixe inte o chuez Baltasar Garzón, l’Audiencia Nacional y o Tribunal Supremo respectivament declaran a Segi/Haika/Jarrai como “organizacions terroristas”, as y os suyos militants son detenius, engarcholaus, torturaus, y encara hue no ha cesau ista persecución. Se producen detencions masivas en lugars y vicos aleatoriament contra chovens comprometius con o suyo Pueblo.
Hue, 15 de chunio de 2012, no ye un diya triste, “o suyo recorriu ha rematau porque, con errors y aciertos, ya ha feito lo que le tocaba. Segi s’ha rematau, pero no nos imos ta casa”, y con ixo bi ha que quedarse, porque o movimiento chovenil vasco si bella cosa nos ha amostrau durante istos más de tres decenios ye a suya capacidat d’organizar-se y fer frent a l’Estau. O movimiento chovenil vasco ha estau, ye y será a pieza clau en a construcción d’una Euskal Herria libre y socialista, por ixo mesmo a represión l’han sufriu en as suyas carnes con más fuerza si cabe.
En castellano aqui.