Porque 25 anyos de Nogará bien mereixen una biera ta poder brindar

L'Asociación Cultural Nogará prencipia l'anyo convidando-tos a participar en un concurso ta meter nombre a la biera conmemorativa d'os suyos 25 anyos

Foto: @alexescruxinau

Porque 25 anyos de Nogará bien mereixen una biera ta poder brindar, a interpresa aragonesa Ordio Minero ye treballando en ista nueva biera a la que tiens oportunidat de meter-le nombre.

Dica o chueves 21 de chinero puedes participar-ie deixando un comentario en os perfils de Nogara u Ordio Minero, en Twitter y Facebook. Entre totz os nombres que se repleguen en istos retz socials, o churau esleixirá a persona ganadora, que recibirá como premio un pack d'ista biera especial.

2016 va a estar pleno d'actividatz ta Nogará, por debant aguarda tot un anyo ta celebrar-lo "vivindo en aragonés" con toda a sociedat aragonesa, qui ye respondendo a la campanya #nogara25anyos (Twitter, Facebook y Instagram) con selfies de felicitación y en refirme de l'aragonés.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies