“Orés, de miedo” celebra iste cabo de semana a suya segunda edición

ARREDOL | Dimpués de l’exito d’a primer edición, l’Asociación cultural “La Charata” d’Orés contina con l’apuesta por o cine d’iste chicot lugar d’as Cinco Villas, organizando iste sabado, 3 de noviembre, a segunda edición d’o concurso de curtometraches de terror y suspense, “Orés, de miedo”.  Deciseis cintas, tres amateurs y tretze profesionals, competirán por os premios. A lista de curtometraches y l’orden de prochección se puede trobar en o blog d’o festival. Antiparte d’a prochección d’os curtos (dende as 18.00 horas) y a elección d’as cintas premiadas, o programa se completa con actividatz pa ninos, como un Taller de Halloween, …

ARREDOL | Dimpués de l’exito d’a primer edición, l’Asociación cultural “La Charata” d’Orés contina con l’apuesta por o cine d’iste chicot lugar d’as Cinco Villas, organizando iste sabado, 3 de noviembre, a segunda edición d’o concurso de curtometraches de terror y suspense, “Orés, de miedo”.  Deciseis cintas, tres amateurs y tretze profesionals, competirán por os premios. A lista de curtometraches y l’orden de prochección se puede trobar en o blog d’o festival.

Antiparte d’a prochección d’os curtos (dende as 18.00 horas) y a elección d’as cintas premiadas, o programa se completa con actividatz pa ninos, como un Taller de Halloween, a on os participants habrán de levar una carbaza y una vela, una rota por o lugar pa fer a plega de carambels. Ya en pasar a meyanueit, empecipiará una Rota de Terror por o lugar con lectura d’un relato, acabando a chornada con un concurso de chilos y un baile d’esfraces.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies