zLISTA Culturas Culturas

O proyeuto “Utopía Mudexar” de Biella Nuei presentau en Ateca

En un Salón de Plenos a rebutir de “zauríns” de 1º d’ESO, Jorge, LuisMi e Inma (Biella Nuei) nos han presentau o suyo proyeuto “Utopía Mudéxar”, un canto a la toleranzia y la interculturalidá, dende l’ambiesta d’ixa Saraqusta andalusí de fa milenta añadas, y mosicau con os istrumentos tradizionals propios d’ixa epoca, como l’albogue y o pandero cuadrau
| 18 mayo, 2018 11.05
O proyeuto “Utopía Mudexar” de Biella Nuei presentau en Ateca
Jorge, LuisMi e Inma (Biella Nuei).

Iste chueves, emos puesto espleitar de l’autuazión de Biella Nuei en o Conzello d’Ateca. En un Salón de Plenos a rebutir de “zauríns” de 1º d’ESO, Jorge, LuisMi e Inma nos han presentau o suyo proyeuto “Utopía Mudéxar”, un canto a la toleranzia y la interculturalidá, dende l’ambiesta d’ixa Saraqusta andalusí de fa milenta añadas, y mosicau con os istrumentos tradizionals propios d’ixa epoca, como l’albogue y o pandero cuadrau.

Inma mos rezentaba cómo empezipió ista iniziatiba a radiz de l’escubrimiento d’un “tresoro” en a parti biella de Zaragoza: repuis d’unas tariyas y unas darbukas, una mena d’atabals feitos de buro, fabricadas en os tiempos d’Al Andalus (الأندلس).

A ripresentazión ha continau con polidas cantas, falordias y poemas, como a famosa jarcha “Tant’ amare” de Yosef Al-Katib, quizau a primera que se’n conoxe y que ese feito as delizias de l’escriba que la composó fa más de mil años, en beyer que encara la remeramos.

Istos poemas y atros testos d’a taifa de Zaragoza son recullius por ista colla en un libret pro pincho que tenioron o detallazo de regalar-nos y cuala más gran parti podez escarriar dende a suya pachina d’Utopía Mudéxar.

A rematadera estió a canta de “La Tarara”, que nos trayó recosiros d’a nineza a os más mayors y fazió batir manetas a os nuestros zauríns.

Yéranos toz encantaus, pero no podébanos prolargar-nos más. Os ninos teneban que plegar a pillar l’altobús d’a ruta ta os suyos lugars (ye o que tiene a escuela rural) y os artistas teneban que tornar-ne ta o suyo triballo cutiano (ye o que tiene estar artista). Pero toz nos quedemos con ganas de más y con a firme resoluzión de tornar a beyer a “Biella Nuei” por Ateca contrantis, millor.

18 mayo, 2018

Autor/Autora


Flickr
Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR