[/caption]
Ahiere 20 de chinero se fació a devantadera d'o nuevo local de l'asociación cultural Nogará-Religada, que ha cambiau a suya ubicación dimpués de prous anyadas en o conoixiu anterior local d'a carrera Gavín.
Dende as 19.00 horas d’a tardi se facioron en o nuevo local situau en a Plaza Asso, a o canto d’o viello, bellas actividatz, como l’actuación d’o dance de Sant Chusé en a plaza, una charradeta sobre a historia d’os locals a on ha estau Nogará dende a suya fundación y chuegos. Amás se paró una chiqueta lifara ta la chent que se i amanó.
L’aire y a fredor no empachoron que a la cita i acudise prou chent entre socios/as, alumnalla y amigos/as ta dar a bienplegada a ista nueva etapa en l’asociación y conoixer o nuevo espacio a chent que encara no l'heba feito.
L’asociación contina fendo os suyos conoixius cursos d’aragonés y ye parando y fendo mas actividatz en ista anyada ta continar espardindo l’aragonés en Zaragoza y Aragón.
