Mullers rurals d’o mundo, unitz-tos

Lucía López Marco ye activista pro dreitos lingüisticos y pro sobiranía alimentaria. Escribe en o blog Mallata.com

O pasau chueves 15 d'octubre, se celebró o día d'as mullers rurals, ixas treballadoras invisibles que alimentan o mundo. Manimenos, con tot y con o treballo y a responsabilidat que cargan a diario sobre os suyos hombros, y encara que represientan una quatrena parte d'o conchunto d'a población mundial, son as grans ixuplidadas. De feito, ni sisquiera en o suyo día aconsiguioron colar-se en as portiadas d'os periodicos ta recordar a o mundo que as suyas mans dan calor a o marguinau medio rural.

A verdat ye que me quedo sin sangre en a pocha cada vez que veigo o machismo cheneralizau d'a sociedat en a quala vivimos, y como lo patriarcau ye encara mas fuerte en l'ambito rural. Iste verano lo sufrié en as mías propias carnes, quan m'excluyoron d'un proceso de selección d'un emplego d'albeitar por o solo feito d'estar muller, asinas me lo fació saber a telefonista –que yera muller- “ye que queremos que sía hombre”, me dició, y me quedé chelada. Contino sin entender qué extranya relación i hai entre o cromosoma Y y dar asistencia veterinaria en una grancha de gallinas. Pero por desgracia, ye una cosa cheneralizada. Siempre pensamos en hombres quan pensamos en ganaders u en agricultors, y quan a prensa trepuza con una muller que se dedica a istas qustións, a entrevistan como si estasen debant d'un feito insolito que no se sabe quán tornará a repetir-se. L'asombro ye encara mas accentuau si a muller se dedica a la ganadería: como si una femina no podese quitar a pastorear a las ovellas u levar una explotación ganadera por o simple feito d'estar muller.

Manimenos, a ONU sinyala que en os países en vías de desembolique as mullers rurals represientan o 43% d'a man d'obra agricola y producen a mayor parte d'os alimentos disponibles. Amás, cal sinyalar que o 76% d'a población mundial que se troba en situación d'extrema pobreza vive en zonas rurals. Si todas ixas mullers s'unisen ta plantar cara a las inchusticias que padeixen, si decidisen declarar-se en vada, y no tenésenos mica ta minchar, alavez, o mundo veyería que no somos brenca sin ellas, y que son muito mas presents d'o que dengún no prexina.

Cal un empoderamiento d'o medio rural, que dixe d’estar subordinau a las necesidatz urbanas, y que as decisions que le afectan, dixen d’emitir-las qui nunca no ha pisau o campo, dende uns estudietz muit pinchos y centricos, en ciudatz muit grans, dende an que, a penar d’as grans finestras, ni sisquiera s'intuyen os hortals, ni os tractors, ni se siente cantar a os gallos anunciando l'amaneixer. Pero ixe empoderamiento rural no será sin l'empoderamiento d'as mullers. Porque nusatras somos a sistole que fa latir a tierra.

[box] [castellano]

Mujeres rurales del mundo, uníos

El pasado jueves 15 de octubre, se celebró el día de las mujeres rurales, esas trabajadoras invisibles que alimentan el mundo. Sin embargo, a pesar del trabajo y la responsabilidad que cargan a diario sobre sus hombros, y aunque representan una cuarta parte del conjunto de la población mundial, son las grandes olvidadas. De hecho, ni siquiera en su día lograron colarse en las portadas de los periódicos para recordar al mundo que sus manos dan calor al marginado medio rural.

La verdad es que se me cae el alma a los pies cada vez que veo el machismo generalizado de la sociedad en la que vivimos, y como ese patriarcado es aún más fuerte en el ámbito rural. Este verano lo sufrí en mis propias carnes, cuando me excluyeron de un proceso de selección de un empleo de veterinaria por el sólo hecho de ser mujer, así me lo hizo saber la telefonista –mujer- “es que queremos que sea hombre”, me dijo, y me quedé congelada. Sigo sin entender qué extraña relación hay entre el cromosoma Y y dar asistencia veterinaria en una granja de gallinas. Pero por desgracia, es algo generalizado. Siempre pensamos en hombres cuando pensamos en ganaderos o en agricultores, y cuando la prensa tropieza con una mujer que se dedica a estas profesiones, la entrevistan como si estuviesen ante un hecho insólito que no se sabe cuándo volverá a repetirse. El asombro es aún más acentuado si la mujer se dedica al caso de la ganadería: como si una fémina no pudiese sacar a pastorear a las ovejas o llevar una explotación por el simple hecho de ser mujer.

Sin embargo, la ONU señala que en los países en vías de desarrollo las mujeres rurales representan el 43% de la mano de obra agrícola y producen la mayor parte de los alimentos disponibles. Además, cabe señalar que el 76% de la población mundial que se encuentra en situación de extrema pobreza vive en zonas rurales. Si todas esas mujeres se uniesen para plantar cara a las injusticias que padecen, si decidiesen declararse en huelga, y no tuviésemos que comer, entonces, el mundo vería que no somos nada sin ellas, y que están mucho más presentes de lo que nadie imagina.

Hace falta un empoderamiento del medio rural, que deje de estar subordinado a las necesidades urbanas y que las decisiones que le afectan dejen de emitirlas quienes no han pisado nunca el campo, desde unos despachos muy céntricos y elegantes, en ciudades muy grandes, desde donde, a pesar de los grandes ventanales, ni siquiera se intuyen las huertas, ni los tractores, ni se oye cantar a los gallos anunciando el amanecer. Pero ese empoderamiento rural no será sin el empoderamiento de las mujeres. Porque nosotras somos la sístole que hace latir la tierra.

[/box]

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies