L’instituto d’Alcanyiz se queda sin diners ta calefacción por as retalladas

ARREDOL | O IES Baixo Aragón d’Alcanyiz habió de baixar iste chueves o tiempo d’enchegau de calefacción ta poder prolargar mientres bells diyas o combustible. En no haber recibiu encara l’asignación presupuestaria t’o mantenimiento d’o centro, no bi ha diners ta poder pagar-ne más. Dica agora s’enchegaba entre as 8.30 y as 13.30 horas. Seguntes os calculos d’o centro, enchechando una hora y meya menos podrán tener calefacción mientres diez diyas más, entre que asperan bella atra fuent de financiación. Os diners, bells 43.000 euros, son pendients d’abonar de man d’o Departamento d’Educación d’a D.Ch.A. y habrían d’haber plegau en …

Protesta en l’IES Baixo Aragón. Foto: Marea Verda
Protesta en l’IES Baixo Aragón. Foto: Marea Verda

ARREDOL | O IES Baixo Aragón d’Alcanyiz habió de baixar iste chueves o tiempo d’enchegau de calefacción ta poder prolargar mientres bells diyas o combustible. En no haber recibiu encara l’asignación presupuestaria t’o mantenimiento d’o centro, no bi ha diners ta poder pagar-ne más.

Dica agora s’enchegaba entre as 8.30 y as 13.30 horas. Seguntes os calculos d’o centro, enchechando una hora y meya menos podrán tener calefacción mientres diez diyas más, entre que asperan bella atra fuent de financiación. Os diners, bells 43.000 euros, son pendients d’abonar de man d’o Departamento d’Educación d’a D.Ch.A. y habrían d’haber plegau en octobre.

Seguntes as normativas, si s’hese d’amortar a calefacción bellas aulas podrían de baixar d’os 17 graus, temperatura que estableix a Lei de Prevención de Risques Laborals como minima ta fer clase. Isto fería que calese suspender as clases.

Dende a Marea Verda, denuncian ista situación y preguntan porqué Dolores Serrat, consellera d’Educación, diz que “no bi heba retalladas”. A situación les pareix “extrema y inadecuada” y demandan comoixer si “l’amostranza privada y concertada han recibiu ya os diners de l’estau u no”, ya que  han detectau que “en zagueras salen subvencions y convocatorias que d’antis yeran ta toda mena d’amostranza y agora no son que t’a concertada y privada”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies