Bella vez hemos comentau l'important treballo que Comarcas y administracions habrían de chugar en a conservación d'un rico patrimonio cultural, a luenga aragonesa y catalana en Aragón. Istas institucions son as encargadas de replegar as subvencions europeas destinadas a conservación d'iste Patrimonio.
Manimenos Comarcas como Sobrarbe u Parques como lo de "Ordesa y Monte Perdido" s'encerrinan en protecher, conservar y revitalizar qualsiquier patrimonio fueras d'o lingüistico.
En una entrevista en "AragónTv" pa o programa "Tempero", tanto tecnicos d'a Comarca de Sobrarbe como lo Director d'o Parque Nacional, se niegan a reconoixer a valor d'a luenga aragonesa como Patrimonio Cultural, tot charrando d'a importancia d'iste Patrimonio. Y en preguntar-se a uno d'os tecnicos sobre l'orichen d'a parola "Mallata" evita en tot momento aludir a la "luenga aragonesa", y la define como "sinonimo de "Majada" en castellano". En lugar de fer servir "traducción o versión aragonesa del castellano Majada".
Desde "Esfendemos as luengas" seguimos sin entender cómo tecnicos de cultura y patrimonio d'a Comarca de Sobrarbe continen fendo lo suyo treballo evitando a parla d'iste territorio. O Protocolo de Donostia'16 cita en uno d'os suyos puntos que "Educación: 1.3. Os centros que, no tenendo titularidat publica, directa u indirectament reciben financiación publica tamién han de presentar un prochecto lingüistico;"Cultura: 2. As administracions publicas reservan fundos especificos, con un porcentache dentro d'os suyos presupuestos chenerals, pa o fomento d'a cultural en a luenga minorizada y pa guarenciar l'acceso a la cultura universal a traviés d'a luenga minorizada."; de lo contrario habrá d'estar denunciau. Pachinas como la d'a Comarca de Sobrarbe continan sin adedicar nian un solo apartau a l'aragonés.