Ganemos Zaragoza reculle 5.000 sinyaturas

ARREDOL | Ganemos Zaragoza logró superar ahiere os 5.000 avals ciudadans que s’heban marcau como condición ta presentar-se a las eslecións municipals de mayo. A iniciativa, empentada por haber lograu iste obchectiva en menos de dos semanas, ha decidiu agora ir a por las 10.000 sinyaturas ta contrimostrar que tienen un fuerte refirme popular. O Clamamiento se puede continar sinyando en a suya web.

Ganemos ZaragozaARREDOL | Ganemos Zaragoza logró superar ahiere os 5.000 avals ciudadans que s’heban marcau como condición ta presentar-se a las eslecións municipals de mayo. A iniciativa, empentada por haber lograu iste obchectiva en menos de dos semanas, ha decidiu agora ir a por las 10.000 sinyaturas ta contrimostrar que tienen un fuerte refirme popular. O Clamamiento se puede continar sinyando en a suya web.

Ganemos Zaragoza ubre o domingo venient o plazo ta presentar candidaturas t’o proceso de primarias ta esleyir a las personas que ferán parte d’a lista que se presentará t’as eslecions. Iste proceso s’enamplará dica l’11 de febrero y dende o día 12 dica o 23 d’ixe mesmo mes se celebrará la campanya y d’o 23 t’o 27 tendrán puesto as votacions telematicas, y o 28 s’habilitará un espacio t’a votación presencial ta ixas personas que por diversos motivos no haigan puesto votar por internet. En as votacions podrá participar cualsiquier persona empadronada u resident en o municipio de Zaragoza.

Tanimientres, Ganemos Zaragoza contina elaborando o suyo programa colaborativo, an que cualsiquier persona puede fer propuestas asinas como opinar sobre as proposadas por a resta. Tamién se son celebrando foros ciudadanos ta debatir os contenius d’o programa, como os que se celebrarán o proximo día 3 de febrero sobre cultura, 18.00 horas en Centro d’Historias, y sobre o vico de l’Actur, 19.00 horas en AAVV Actur-Rey Fernando.

Ista iniciativa ciudadana a dau visibilidat a l’aragones dende o primer momento, con una web de raso en aragones, con os documentos principals (clamamiento, actas, etc…) y informacions en ista luenga, y ufrindo amás una cuenta de twitter tamién de raso en aragonés.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies