Encetemos o programa con istas parolas d’a colla Desechos “A vida ye dura, pero nusatr@s en somos mas”.
Con a faina de plenar una hora de programa nos trobemos en l’estudeo de Radio Topo dos personas (gracias a o Sinyor Degenerat por venir-se-ne), armaus con solo que dos luengas y un disco, ferramientas que nos facion honra ta fer un repaso a bells temas d’actualidat d’ista semana.
O disco que nos trayemos y sono entre tot o programa yera o treballo d’At Versaris i Asstrio Per principis elegants, un sobrebueno mezclallo d’as rimas y letras esmoladas d’o Hip Hop con a espontaneidat y rasmia d’o Jazz en directo.
L’actualidat paso por a Trobada de gaiters de Massalió d’o pasau cabo de semana, a mas important de tot Aragon; a entrevista telefonica a un miembro d’a organizacion d’a chornada en esfensa d’o Xalon y contra l’entibo de Mularroya, que se desembolicara iste sabado 19 en os lugars d’Embit d’a Ribera, Chodes y Morata; teniemos tamien noticietas de luengas y asinas-asinas.
Ya ta rematar, repaso a la ripa de convocatorias ta ista semana, destacamos o Mundialet Antirracista de Zaragoza. Ta despedir-nos y con l’anvista en a realidat social, traduciemos a canta Hay algo aquí que va mal de Kortatu a l’aragones.
Baixa-te-ne u ascuita o nuestro zaguer programa: Programa 17-05-2012
Fendo Orella Radio Topo 101.8 fm (Zaragoza) http://fendoorella.wordpress.com