Quan viviba en Cochabamba (Bolivia), una vez estié con uns amigos en un supermercau d’a zona norte d'a ciudat. Yera un supermercau dirichiu a la clase alta, a o estilo d'os hipermercaus europeus. Fendo una gambada por os corredors, m’aturé mientras un rato largo en o d'os lamins. I heba nutella, tabletas de chicolate... y atras delicias que feba tiempo que no veyeba. A que mas me trucó lo ficacio, estió a leit condensada, y no porque trobase a faltar a suya sabor, sino porque yera increyiblement barata. Lo mas curioso ye que yera holandesa. Cómo podeba costar 1€ una lata de leit condensada importada d’os Países Baixos? Reconoixco que me fació escaldafríos y por a mía ment se redamoron os litros y litros de leit que Nestlè, y atras multinacionals, vendioron en forma de leit en polvo a países latinoamericans y africans dimpués de l'accident nuclear de Chernobyl en estar viedau o consumo d'iste producto contaminau en Europa.
Manimenos, a leit condensada que yo tenié entre as mías mans no yera prohibida en Europa, simplament, yera altament subvencionada por a Unión Europea gracias a la Politica Agraria Comuna (PAC) y por ixo teneba un pre de venda tant baixo. Pero ta entender isto, primero, cal conoixer un poquet mas sobre a mas famosa de todas as politicas europeas. Resulta que a PAC naixió en o sino d'una Europa de postguerra, en a quala, a producción agropecuaria se i heba visto disminuida y l'abastecimiento d'alimentos yera en periglo, en uns anyos de grans migracions d'o campo t’a ciudat. Con iste panorama, no i habió mas remedio que desembolicar medidas que favoreixesen a producción agricola, guarenciando un suministro estable a os consumidors, ta ixo, caleba tamién asegurar uns pres elevaus a os agricultors. As medidas estioron tant eficaces, que a UE no solament aconsiguió a suya autosuficiencia alimentaria, sino que, en os anyos 80, o problema pasó a estar a sobreproducción y a solución remató estando exportar l'exceso de productos d'orichen agroganadero a tercers países.
En iste punto ye an se crucea a historia d'a PAC con a d'a mía leit condensada, y an prencipian os problemas y una historia muit turbulenta. Resulta que a la UE no le fa goyo tirar a birolla, pero tamién da la casualidat que os países en vías de desembolique producen alimentos muito mas baratos que no los europeus, asinas que si Europa no quiere tirar cantidatz inchents de birolla tiene dos opcions: producir menos u vender-las a un pre muit inferior a o de producción a tercers países, y Europa opta por a segunda. Ista decisión provoca en os países receptors una disminución d'a producción local (porque os agricultors no pueden competir con os pres tiraus d'os productos subvencionados europeus) y, de vez, grans desplazamientos de labradors ent'as ciudatz.
Ta guarenciar a producción local, qualques países optaron por protecher a os suyos agricultors metendo aranceles a la importación de productos europeus, pero Europa respondió menazando a aquells países que tractasen d'impedir as importacions europeas con perder os prestamos y as aduyas en materia de cooperación que les da a Unión Europa, obligando-les d'ista traza a comprar alimentos europeus y perdendo a suya autosuficiencia.
Puede resultar curioso que, manimenos a sobreproducción, a UE siga subvencionando os productos agricolas ta competir con países an que os costes son mas baixos, y, con tot y con ixo, no protecha d'a mesma traza a atros sectors que desplazan as suyas industrias a tercers países ta abaratar os costes de producción. O que pasa ye que o sector primario ye primario por bella cosa, quiero dicir, que plegau un momento d'escasez u de guerra, en o qual os países zarrasen buegas, podríanos sobrevivir sin una ripa de cosas, pero no podríanos sobrevivir sin birolla. Diz a frase popular “piensa malament y encertarás” y, si pensamos malament, resulta que a UE ye aconseguindo que muitos países sían dependients d'ella en materia agroalimentaria. Resulta que os efectos de que un país zarre buegas a la venda de productos europeus (como pasó l'anyo pasau con o veto ruso) implica t'a UE tener una gran cantidat de producto por o qual ha pagau grans cantidatz ta producir-lo y a o que no puede dar salida. Manimenos, d’o revés, as conseqüencias son muito mas nefastas. Si a UE zarrase de bote y boleyo a venda de productos agricolas a un país a o que ha obligau a estar dependient d'ella, se veyería afectau por a fambre, dau que a mayoría d'os suyos productors han abandonau as labors agricolas y habrían d'empecipiar de zero en a producción, o qual levaría un tiempo dica l'autosuficiencia y no podrían guarenciar l'abastecimiento d'alimentos a toda la suya población.
En Bolivia, o sector lacteo local se mira d’asomar a cabeza en un país en o qual no i hai tradición de consumir iste producto y an que Perú y Europa intentan imposar-se. Ta rebelar-me contra a leit condensada europea, decidié pasar-me a o mate de coca, de producción y tradición local y emparar a os ganaders y agricultors bolivianos que luitan por vivir d'a suya tierra. Pero i hai países en situacions muito piors que Bolivia, an que os suyos labradors son cansos de luitar, y han abandonau a ixada por o fumo de grans ciudatz. Países condenaus a depender d'Europa, dica que en Europa digamos prou.
De totz os movimientos especulativos que se mueven a o nuestro arredol, probablement o mas cruel sía o de l'alimentación. No sabemos brenca d'os alimentos que consumimos, y no sabemos brenca d'os alimentos que subvencionamos, porque a PAC, que suposa un 40% d'o presuposau d'a UE, la pagamos totz.
[box] [castellano]
La Europa que juega con la comida
Cuando vivía en Cochabamba (Bolivia), una vez fui con unos amigos a un supermercado en la zona norte de la ciudad. Era un supermercado dirigido a la clase alta, al estilo de los hipermercados europeos. Paseándome por los pasillos, me detuve durante un rato largo en el de los dulces. Había nutella, tabletas de chocolate... y otras delicias que hacía tiempo que no veía. La que más me llamó la atención, fue la leche condensada, y no porque echara de menos su sabor, sino porque era increíblemente barata. Lo más curioso es que era holandesa. ¿Cómo podía costar 1€ una lata de leche condensada importada de los Países Bajos? Reconozco que me dio un escalofrío y por mi mente se derramaron los litros y litros de leche que Nestlè, y otras multinacionales, vendieron en forma de leche en polvo a países latinoamericanos y africanos tras el accidente nuclear de Chernobyl por estar prohibido el consumo de este producto contaminado en Europa.
Sin embargo, la leche condensada que yo tuve entre mis manos no estaba prohibida en Europa, simplemente, estaba altamente subvencionada por la Unión Europea gracias a la Política Agraria Común (PAC) y por eso tenía un precio de venta tan bajo. Pero para entender esto, primero, tenemos que conocer un poco más sobre la más famosa de todas las políticas europeas. Resulta que la PAC nació en el seno de una Europa de postguerra en la que la producción agropecuaria se había visto disminuida y el abastecimiento de alimentos estaba en peligro, en unos años de grandes migraciones del campo a la ciudad. Con este panorama, no hubo más remedio que desarrollar medidas que favoreciesen la producción agrícola, garantizando un suministro estable a los consumidores, para lo cual, había también que asegurar unos precios elevados a los agricultores. Las medidas fueron tan eficaces, que la UE no sólo alcanzó su autosuficiencia alimentaria, sino que, en los años 80, el problema pasó a ser la sobreproducción y la solución terminó siendo exportar el exceso de productos de origen agroganadero a terceros países.
En este punto es donde se cruza la historia de la PAC con la de mi leche condensada, y donde comienzan los problemas y una historia muy turbulenta. Resulta que a la UE no le gusta tirar la comida, pero también da la casualidad de que los países en vías de desarrollo producen alimentos mucho más baratos que los europeos, así que si Europa no quiere tirar cantidades ingentes de comida tiene dos opciones: producir menos o venderlas a un precio muy inferior al de producción a terceros países, y Europa opta por la segunda. Esta decisión provoca en los países receptores una disminución de la producción local (porque los agricultores no pueden competir con los precios tirados de los productos subvencionados europeos) y, a su vez, grandes desplazamientos de campesinos hacia las ciudades.
Para garantizar la producción local, algunos países optaron por proteger a sus agricultores poniendo aranceles a la importación de productos europeos, pero Europa respondió amenazando a aquellos países que tratasen de impedir las importaciones europeas con perder los préstamos y las ayudas en materia de cooperación que les da la Unión Europa, obligándoles de esta manera a comprar comida europea y perdiendo su autosuficiencia.
Puede resultar curioso que, a pesar de la sobreproducción, la UE siga subvencionando los productos agrícolas para competir con países donde los costes son más bajos, y, sin embargo, no proteja de la misma manera a otros sectores que desplazan sus industrias a terceros países para abaratar los costes de producción. Lo que pasa es que el sector primario es primario por algo, quiero decir, que llegado un momento de escasez o de guerra, en el que los países cerraran fronteras, podríamos sobrevivir sin un montón de cosas, pero no podríamos sobrevivir sin comida. Dice la frase popular “piensa mal y acertarás” y, si pensamos mal, resulta que la UE está consiguiendo que muchos países sean dependientes de ella en materia agroalimentaria. Resulta que los efectos de que un país cierre fronteras a la venta de productos europeos (como pasó el año pasado con el veto ruso) implica para la UE tener una gran cantidad de producto por el que ha pagado grandes cantidades para producirlo y que al que no pueda dar salida. Sin embargo, al revés, las consecuencias son mucho más nefastas. Si la UE cerrase de pronto la venta de productos agrícolas a un país al que ha obligado a ser dependiente de ella, se vería afectado por el hambre, dado que la mayoría de sus productores han abandonado las labores agrícolas y tendrían que empezar de cero en la producción, lo que llevaría un tiempo hasta la autosuficiencia y no podrían garantizar el abastecimiento de alimentos a toda su población.
En Bolivia, el sector lácteo local intenta asomar la cabeza en un país en el que no hay tradición de consumir este producto y donde Perú y Europa intentan imponerse. Para rebelarme contra la leche condensada europea, decidí pasarme al mate de coca, de producción y tradición local y apoyar a los ganaderos y agricultores bolivianos que luchan por vivir de su tierra. Pero hay países en situaciones mucho peores que Bolivia, donde sus labradores se han cansado de luchar, y han abandonado la azada por el humo de grandes ciudades. Países condenados a depender de Europa, hasta que en Europa digamos basta.
De todos los movimientos especulativos que se mueven a nuestro alrededor, probablemente el más cruel sea el de la alimentación. No sabemos nada de los alimentos que consumimos, y no sabemos nada de los alimentos que subvencionamos, porque la PAC, que supone un 40% del presupuesto de la UE, la pagamos todos.
[/box]
